ហេតុអ្វីកាសែតម៉ាញ៉េ (cassette) មិនត្រូវបានគេបំភ្លេចឡើយ នៅប្រទេសជប៉ុន?

ថ្ងៃសុក្រ 11/01/2019 | 17:44 ល្ងាច

បច្ចុប្បន្ននេះនៅក្នុងប្រទេសភាគច្រើនកាសែតម៉ាញ៉េ (cassette) ត្រូវបានគេបំភ្លេចលែងប្រើប្រាស់ហើយ ប៉ុន្តែប្រសិនបើអ្នកទៅហាងតន្រ្តីនៅប្រទេសជប៉ុន អ្នកនៅតែអាចមើលឃើញ albums ជាច្រើនត្រូវបានចេញផ្សាយនៅលើ cassette (កាសែតម៉ាញ៉េ)។

រូបភាព https://www.techsignin.com

ទោះបីជាតន្ត្រីជប៉ុន ក៏ត្រូវបានបម្លែងទៅជាទម្រង់ឌីជីថលក៏ដោយ។ ប៉ុន្តែនៅតែមានហាងតន្រ្តី និងក្រុមចម្រៀង Pop មួយចំនួន ឧទាហរណ៍ដូចជាក្រុមចម្រៀងនារី AKB48 អាចលក់រាប់លានឌីស CD និងកាសែត។ ទោះបីជាមានប្រទេសមួយចំនួនតូចនៅតែប្រើ cassette ដែលសេសសល់ចាស់ៗ តែសម្រាប់ជប៉ុនវិញ អ្នកអាចរកទិញ albums ថ្មីៗ (ត្រូវបានចេញផ្សាយជារៀងរាល់ខែ) ក្នុងកាសែតម៉ាញ៉េមិនចេះខ្វះឡើយ។ ទោះយ៉ាងណា ប្រហែលមិនដូចជាអ្វីដែលអ្នកបានគិត ភាគច្រើន គឺជាបទចម្រៀង Enka (演歌) ឬ Kayoukyouku (謡)។

រូបភាព https://jibaoviewer.com/

Enka គឺជាប្រភេទតន្ត្រីបែបប្រពៃណី ដូចជាចម្រៀង Blues ឬចម្រៀងស្រុកស្រែរបស់ជប៉ុន ហើយតារាចម្រៀងតែងតែពាក់ Kimono ។ Kayoukyouku គឺជាប្រភេទចម្រៀង Pop តាមបែបបុរាណត្រូវបានបង្កើតឡើងនៅប្រទេសជប៉ុនក្នុងសតវត្សទី 20។

យុវវ័យជប៉ុនជាច្រើនហាក់ដូចជាមិនដឹងថា ចម្រៀងទាំងនេះអស្ចារ្យដល់កម្រិតណា ហើយអ្នកដែលគាំទ្រច្រើនបំផុតភាគ គឺមនុស្សចាស់។ ដូច្នេះប្រសិនបើអ្នកចូលហាង Enka នៃហាងតន្រ្តីជប៉ុន អ្នកនឹងឃើញការចេញផ្សាយកាសែតម៉ាញ៉េ cassette។

រូបភាព http://naraneco.sakura.ne.jp/wp/?p=5177

នេះជាតារាចម្រៀង Enka ល្បីឈ្មោះ Kiyoshi Hikawa។ គាត់ក្មេងជាងតារាចម្រៀង Enka ដែលអ្នកបានគិត ហើយបុរសម្នាក់នេះនូវតែចេញផ្សាយចម្រៀងក្នុងកាសែតម៉ាញ៉េ។

នេះមូលហេតុដែលកាសែតម៉ាញ៉េ នៅតែមានក្នុងប្រទេសជប៉ុន ពីព្រោះមនុស្សសុទ្ធតែចាស់ៗ។ មនុស្សចាស់ចូលចិត្តប្រើប្រាស់បច្ចេកវិទ្យាបុរាណ ហើយ Enka និង Kayoukyouku គឺជាចម្រៀងសម្រាប់មនុស្សចាស់។

ទោះយ៉ាងណា នៅតែមានការជជែកគ្នាជុំវិញរឿងនេះ ឧទាហរណ៍ដូចជា ហេតុអ្វីមនុស្សចាស់ក៏ចូលចិត្តស្តាប់តន្ត្រីបុរាណ និង Jazz ប៉ុន្តែបែរជាមិនមានជាលក្ខណៈកាសែតម៉ាញ៉េ។

យ៉ាងណាក៏ដោយតម្រូវការកាសែតម៉ាញ៉េ cassette នៅមានច្រើន ហើយនេះជាមូលហេតុដែលម៉ាកដូចជា Columbia និង King Records បន្តចេញផ្សាយ album ហើយនឹងឌីសតាមរយៈ cassette។