ប្រទេសជប៉ុនផលិត Robot ប្រភេទថ្មីអាចជួយអ្នកកាត់បន្ថយភាពតានតឹង

ថ្ងៃអាទិត្យ 23/12/2018 | 18:17 ល្ងាច

តើអ្នកគិតអ្វីអំពី Robot ជប៉ុន? មតិទូទៅគឺ Robot ជប៉ុនពិតជាទំនើប ត្រូវបានបង្កើតឡើងដើម្បីជំនួសមនុស្សធ្វើការងារ បង្កើនផលិតភាព កាត់បន្ថយកម្លាំងពលកម្ម។ យើងអាចរៀបរាប់ពីប្រភេទ Robot មួយចំនួនដូចជា បុគ្គលិក Robot ធ្វើការក្នុងសណ្ឋាគារ Robot ជំនួសអោយអ្នករត់តុ ហើយថែមទាំង Robot សម្រាប់ធ្វើបុណ្យសព។

ទោះបីជាយ៉ាងណា មាន Robot មួយត្រូវបានបង្កើតឡើងមិនមែនសម្រាប់ធ្វើការ ប៉ុន្តែទុកសម្រាប់អោយមនុស្សស្រលាញ់តែប៉ុណ្ណោះ។ នោះគឺជា LOVOT ឈ្មោះរបស់វាត្រូវបានផ្គុំដោយពាក្យអង់គ្លេសពីរគឺ “Love” និង “Robot”។

រូបភាព drinami

នាំមុខក្រុមអភិវឌ្ឍ Robot នេះ និង Pepper Kaname Hayashi នៅ Groove X, LOVOT ត្រូវបានរចនាធ្វើឡើងដើម្បីបង្កើនងាយស្រួលដល់មនុស្ស និងនាំមកនូវអារម្មណ៍នៃក្តីស្រឡាញ់ពេល Robot ឆ្លើយតបទៅនឹងឥរិយាបថ និងអារម្មណ៍របស់មនុស្សនៅជុំវិញ។

Groove X បានបង្ហាញថា LOVOT ត្រូវបានបង្កើតឡើងដើម្បីបង្ហាញពីសេចក្តីស្រលាញ់ និងធ្វើអោយមនុស្សមានសុភមង្គល ដោយសារតែភាពជឿនលឿននៅក្នុងបច្ចេកវិទ្យាទំនើបនាពេលបច្ចុប្បន្ននេះបានធ្វើអោយមនុស្សជាច្រើនគ្មានទំនាក់ទំនងជាមួយមនុស្សនៅជុំវិញ។ LOVOT មានលក្ខណៈបច្ចេកវិទ្យាពិសេសជាច្រើនដែលជួយអោយ “មនុស្សបង្កើនសេចក្ដីស្រឡាញ់កាន់តែច្រើន”។

វាត្រូវបានបំពាក់កាមេរ៉ាចាប់សីតុណ្ហភាពដោយស្តែងតាមដានទឹកមុខ ចលនា ហើយសូម្បីតែឥរិយាបថរបស់មនុស្ស ដើម្បីដឹងពីអារម្មណ៍របស់ពួកគេភ្លាមៗ។

សកម្មភាពរបស់ LOVOT មិនមានកម្មវិធីមុនទេ ប៉ុន្តែជំនួសមកវិញ Robot ប្រើប្រាស់ជាង ៥០ ឧបករណ៍ចាប់សញ្ញា និងការគណនាដ៏មានឥទ្ធិពលដើម្បីផ្តល់ជូនការ “សម្រេចចិត្ត” តាមពេលវេលាពិតប្រាកដ។ ទាំងនេះរួមបញ្ចូលឥរិយាបថដូចជា ជៀសវាងអ្នកដែលមិនល្អ ឬកាយវិការឮៗ សុំនូមពរអោបពីអ្នកដែលស្រលាញ់ពេញចិត្ត។

លក្ខណៈពិសេសផ្សេងទៀតដូចជាលើកដៃ ការបង្កើនសមត្ថភាពធ្វើអោយសកម្មភាពរបស់ Robot ដូចពិត ដូចជាត្រូវបានរចនាដោយឡែកសម្រាប់គ្រួសារអញ្ចឹង។ ក្នុងវីដេអូមួយ LOVOT ថែមទាំងមានការភ្ញាក់ផ្អើលដោយសម្លេងទូរទស្សន៍ និងស្រែកដោយរំភើបពេលអង្គុយនៅលើភ្លៅម្ចាស់។

រូបភាព https://www.youtube.com

Robot នេះមានទម្ងន់ត្រឹមតែជាង ៣ គីឡូក្រាមប៉ុណ្ណោះ និងមានរូមរាងគួរអោយស្រលាញ់ លើសពីនេះទៀត Robot នេះមានសមត្ថភាពក្នុងការផ្លាស់ប្តូរសីតុណ្ហភាពរាងកាយស្របជាមួយមនុស្ស។ Robot មានបំពាក់កាមេរ៉ាខាងក្នុង អាចចងចាំការរៀបចំដោយស្វ័យប្រវត្តិ និងគ្រឿងសង្ហារឹមនៅក្នុងផ្ទះដើម្បីអាចផ្លាស់ទីដោយមិនប៉ះទង្គិច។

រូបភាព www.youtube.com

LOVOT ត្រូវបានបង្កើតឡើងដើម្បីលេងជាមួយក្មេងៗ ពេលដែលឪពុកម្តាយរវល់ ឬជំនួសអោយសត្វចិញ្ចឹមសម្រាប់អ្នកដែលឯកោ ចង់មានមិត្តភក្តិ ប៉ុន្តែមិនចង់ចិញ្ចឹមសត្វក្នុងផ្ទះ។

Robot នឹងត្រូវលក់ជាផ្លូវការក្នុងរដូវស្លឹកឈើជុ្រះ ២០១៩ តាម set រួមមាន Robot ២ ជាមួយតម្លៃគឺ ៥៩៨.០០០យេន បូកនឹងថ្លៃសេវាប្រចាំខែដែលរំពឹងទុកប្រហែល ២០.០០០យេន។

ついにLOVOTがお披露目！林さんの父親感、とても微笑ましいです。https://t.co/qc1D7rS08L pic.twitter.com/RrOCarxtLj
— ギズモード・ジャパン (@gizmodojapan) December 18, 2018

តម្លៃលក់រាយសម្រាប់ Robot LOVOT មួយគឺប្រហែល ៣៤៩.០០០យេន ជាមួយនឹងថ្លៃសេវាកម្មប្រចាំខែគឺ ១០.០០០យេន។ ទោះជាយ៉ាងណាសេវាកម្មលក់រាយនេះអាចដំណើរការពីឆ្នាំ ២០២០ តែប៉ុណ្ណោះ។

ប្រសិនបើអ្នកចង់មានសត្វចិញ្ចឹម ប៉ុន្តែខ្ជិលសម្អាត ឬចំណាយពេលថែទាំ នេះហើយជាអ្វីដែលអ្នកកំពុងស្វែងរក នៅរង់ចាំអ្វីទៀត សូមដាក់បញ្ជាទិញនៅហាងអនឡាញ LOVOT ដើម្បីទទួលបាន Robot មួយនេះភ្លាម។

ប្រភព https://english.kyodonews.net/

Neko