ឆ្នាំ ២០១៦ មានគ្រោះថ្នាក់លើរថភ្លើងបានកើតឡើaងជាង ៦០០ ករណី

ថ្ងៃអាទិត្យ 02/12/2018 | 10:53 ព្រឹក

ជារៀងរាល់ឆ្នាំនៅប្រទេសជប៉ុនមានគ្រោះថ្នាក់ជាច្រើនបានកើតឡើងពេលដែលរថភ្លើងចូលទៅតំបន់ព្រៃស្ងាត់។

ឆ្នាំ ២០១៦ ទូទាំងប្រទេសមានប្រហែល ៦១៣ ករណី។ ហើយក្នុងករណីបែបនេះវាបានធ្វើអោយរថភ្លើងទៅដល់គោលដៅយឺតរហូតដល់ ៣០នាទី។

មូលហេតុមកពីសត្វ “គួរអោយស្រលាញ់” ប៉ុន្តែ “ឆោតល្ងង់” ក្នុងព្រៃដូចជា ក្តាន់ព្រៃ ពពែភ្នំ សត្វក្តាន់ Sika…

សត្វដែលមានជើងបួនដើរឆ្លងកាត់ផ្លូវរថភ្លើងប៉ុន្តែមិនដឹងថារថភ្លើងកំពុងតែមកគ្រោះថ្នាក់យ៉ាងណា។ ប្រសិនអ្នកបើករថភ្លើងមិនចាប់ហ្រ្វាំងទាន់ ឬក៏មិនអាចបញ្ឈប់រថភ្លើងបាននោះការប៉ះទង្គិចប្រាកដជាកើតឡើង។ ផ្អែកលើទំហំនៃសត្វនោះកម្រិតខូចខាតកាន់តែធ្ងន់។

ហេតុនេះដើម្បីកាត់បន្ថយសត្វឆ្លងកាត់ផ្លូវរថភ្លើង ការបង្កើតថ្មីពិសេសជួយ “ដេញ” ពួកវាចេញដោយស្វ័យប្រវត្តិត្រូវបានប្រើប្រាស់។

រូបភាព http://news.mynavi.jp/article/20171115-a179/

ឧបករណ៍បានបញ្ចេញសម្លេងដូចជាឆ្កែព្រុស។

ពឹងទៅលើបម្រាមរវាងឆ្កែ និងសត្វដែលសុីស្មៅដូចជាក្តាន់… គ្រាន់តែអ្នកបើករថភ្លើងចុចប៉ូតុងនោះ ៣វិនាទីនៅមុខឧបករណ៍នឹងបញ្ចេញសម្លេងសត្វក្តាន់ប្រកាសអាសន្នអោយគ្នាវា។ បន្ទាប់មក ២០វិនាទីក្រោយមកនោះគឺសម្លេងឆ្កែព្រុស។ ដោយហេតុនេះទាំងហ្វងរត់ចេញ។

លទ្ធផលពីឧបករណ៍បានអោយឃើញថា ៤៥% ករណីគ្រោះថ្នាក់រវាងរថភ្លើង និងសត្វបានកាត់បន្ថយ។

បន្ទាប់មកអ្នកផលិតនឹងស្រាវជ្រាវបន្ថែមឧបករណ៍បញ្ចេញសម្លេងដោយស្វ័យប្រវត្តិពេលដែលមានសត្វនៅលើផ្លូវរថភ្លើង។ គម្រោងត្រូវដាក់នូវឧបករណ៍នេះនៅចុងឆ្នាំ ២០១៨ កន្លែងមានរថភ្លើងជាច្រើនឆ្លងកាត់តំបន់ព្រៃភ្នំ។

ក្រៅពីឧបករណ៍បញ្ចេញសម្លេងដេញសត្វ កន្លងទៅក្រុមហ៊ុន JR Tokai បានផ្លាស់ប្តូរផ្នែកខាងមុខរថភ្លើងដើម្បីជៀសវាងករណីសាកសពរបស់សត្វនៅលើផ្លូវរថភ្លើងចូលក្នុងរថភ្លើងពេលដែលរថភ្លើងផ្លាស់ទីក្នុងល្បឿនលឿន។ ផ្នែកខាងមុខធំ ២.៤ម៉ែត្រ កម្ពស់ ៧០សង់ទីម៉ែត្រ ធ្វើពីកៅស៊ូរុំដោយក្រណាត់ និងទប់អគ្គិសនី។

រូបភាព http://u-sonic.jp/wordpress/archives/1239

ក្បាលរថភ្លើងមួយភ្ជាប់ដោយកៅស៊ូ ៤ បែបនេះ តម្លៃនៃដំណើរការចំណាយ ១០.០០០.០០០យ៉េន។ បន្ទាប់ពីការអនុវត្តបច្ចេកវិទ្យាថ្ងៃ២ ខែកញ្ញា ពួកគេបានចាប់ផ្តើមពិនិត្យមើលសញ្ញាលទ្ធផលបច្ចេកវិទ្យា។ លទ្ធផលបានអោយឃើញថាមាន ៨ករណីប៉ះទង្គិចកើតឡើង ប៉ុន្តែមានតែ ១ករណីសាកសពសត្វចូលក្នុង។

ការរចនារថភ្លើងដូចជារូបឆ្កែបែបនេះក៏ធ្លាប់ត្រូវបានគិតចេញនោះដែរ ដើម្បីកាត់បន្ថយករណីគ្រោះថ្នាក់។

រូបភាព http://www.bbc.com/japanese/42716264

តាំងពីដំណោះស្រាយធ្វើផ្លូវសម្រាប់អណ្តើកក្នុងផ្លូវរថភ្លើង រហូតដល់ឧបករណ៍បន្លំសម្លេងសត្វ ជនជាតិជប៉ុនពិតជាជនជាតិខិតខំ បង្កើតការច្នៃប្រឌិតដែលការពារបរិស្ថានធម្មជាតិ។

ពិតជាគួរតែយកតម្រាប់តាមណាស់មែនទេ?

ប្រភព http://news.mynavi.jp/article/20171115-a179/

Chee