ទំព័រដើម
ទំនិញ
គួរអោយសោកស្តាយសម្រាប់ប្រអប់បាយ Bento – អាចនឹងមិនត្រូវបានធ្វើឡើងដោយដៃទៀតឡើយ ត្រូវជំនួសវិញដោយ Robot

គួរអោយសោកស្តាយសម្រាប់ប្រអប់បាយ Bento – អាចនឹងមិនត្រូវបានធ្វើឡើងដោយដៃទៀតឡើយ ត្រូវជំនួសវិញដោយ Robot

ថ្ងៃពុធ 14/11/2018 | 18:40 ល្ងាច

ពេលរំលឹកដល់ Bento នៅក្នុងក្បាលរបស់ខ្ញុំលេចឡើងនូវរូបភាពម្តាយជាទីស្រលាញ់ក្រោកពីព្រលឹមរៀបចំម្ហូបអាហារសម្រាប់កូនៗ។ កាលពីមុន ប្រទេសជប៉ុនកម្រនឹងមានហាងលក់ទំនិញហេតុនេះ Bento ភាគច្រើនម្តាយជាអ្នកចម្អិន។

ពេលដែលក្មេងធំឡើង ម្តាយនឹងប្រគល់ភារកិច្ចចម្អិន Bento ដល់មិត្តស្រីរបស់កូនប្រុស។ ប្រអប់ Bento លើកដំបូងដែលមិត្តស្រីធ្វើអោយប្រាកដជាមានរស់ជាតិនៃសេចក្តីស្រលាញ់ មិនអាចនឹងបំភ្លេចបាន។

បច្ចុប្បន្នរាល់ប្រអប់ Bento ទាំងនេះអាចទិញបានយ៉ាងងាយស្រួលនៅហាងលក់ទំនិញនៅទូទាំងប្រទេសជប៉ុន។ ទោះបីជាប្រអប់បាយនៅទីនោះក៏ឆ្ងាញ់ ប៉ុន្តែមិនមែនគ្រឿងផ្សំនៅក្នុង Bento ទាំងអស់សុទ្ធតែធ្វើដោយដៃនោះទេ។

នោះគឺជាប្រអប់បាយដែលត្រូវបានរៀបចំដោយ Robot នៅរោងចក្រ។

រូបភាព https://headlines.yahoo.co.jp/videonews/nnn?a=20181031-00000051-nnn-soci

អ្នកដែលឈរនៅខាងស្តាំមានសកម្មភាពហាក់ដូចជាចម្លែកបន្តិចមែនដែរទេ? តាមការពិតនោះមិនមែនជាមនុស្សតែជា Robot។

Robot ពិតជាល្បីឈ្មោះជាមួយនឹងសមត្ថភាពចៀន Karaage យ៉ាងពូកែ។

រូបភាព https://rocketnews24.com/2016/08/22/786710/

វាអាចដាំបាយ និងចៀនសាច់មាន់។ ទោះបីជាយ៉ាងនេះដំណាក់កាលរៀបចំសាច់មាន់ចូលប្រអប់ហាក់ដូចជាពិបាកសម្រាប់វា។

ជាមួយធនធានមនុស្សមួយម៉ោងគេអាចធ្វើបានប្រហែល ៨០០ ប្រអប់បាយ។ ផលិតភាពនៃ Robot មើលទៅទាបជាងបន្តិចអាចធ្វើបានត្រឹមតែ ៦០០ ប្រអប់។ ទោះបីជាយ៉ាងណាល្បឿននៃការផលិតនេះកំពុងធ្វើអោយប្រសើរឡើងនឹងឈានទៅមុខ។

បច្ចុប្បន្ន Robot នូវមិនទាន់មានសមត្ថភាពកំណត់រូបរាងនៃប្រអប់បាយមាន់ Karaage ប៉ុន្តែក្នុងថ្ងៃអនាគត វានឹងត្រូវធ្វើអោយប្រសើរឡើង ដើម្បីអោយកាន់តែល្អឥតខ្ចោះ។

តម្លៃរបស់ Robot មួយនេះស្មើនឹង ២ឆ្នាំនៃប្រាក់ខែសម្រាប់មនុស្សម្នាក់ដែលធ្វើ Bento។ ប៉ុន្តែអាយុកាលរបស់ Robot អាចបានរហូតដល់ទៅ ៥ ដល់ ១០ឆ្នាំ។ ហេតុនេះការប្រើប្រាស់ Robot នឹងនាំមកនូវអត្ថប្រយោជន៍សេដ្ឋកិច្ចច្រើនជាង។

ទោះយ៉ាងណាក៏ដោយមានរឿងមួយដែលធ្វើអោយខ្ញុំមានអារម្មណ៍សោកស្តាយចំពោះការរីកចំរើននេះ។ ចាប់តាំងពីពេលនេះប្រអប់បាយដែលម្តាយ និងមិត្តស្រីចម្អិននឹងកាត់បន្ថយបន្តិចម្តងៗ។ តើអ្នកមិនមានភាពឯការទេឬ?

Kengo Abe