ស្វែងយល់ពី ប្រព័ន្ធប្រកាសគ្រោះធម្មជាតិនៅប្រទេសជប៉ុន

ថ្ងៃសុក្រ 09/11/2018 | 10:10 ព្រឹក

គ្រោះធម្មជាតិគឺជាអ្វីដែលមិនអាចជៀសផុត។ ទោះជាយ៉ាងណាក៏ដោយការព្យាករណ៍កំពុងវិវត្ត និងការប្រកាសទាន់ពេលវេលាអាចកាត់បន្ថយបាននូវផលប៉ះពាល់ដល់មនុស្ស និងទ្រព្យ។

ដោយសារតែប្រទេសជប៉ុនស្ថិតនៅក្នុងខ្សែក្រវ៉ាត់ភ្នំភ្លើងប៉ាស៊ីហ្វិច ប្រទេសនេះតែងតែជួបប្រទះនឹងការរញ្ជួយដី ដោយសារតែបន្ទុះភ្នំភ្លើង រួមទាំងរលកយក្ស។ បន្ថែមពីលើនេះ ប្រទេសជប៉ុនជារឿយៗស្ថិតនៅក្រោមសម្ពាធពីប្រព័ន្ធការពារមីស៊ីលរបស់ប្រទេសកូរ៉េខាងជើង ជាបណ្តាប្រទេសជិតខាងមិនសូវជាមានមិត្តភាព។ ជាមួយនឹងការគំរាមកំហែងផ្នែកនយោបាយទៅលើការសាកល្បងមីសីុល ប្រទេសជប៉ុនតែងតែស្ថិតនៅក្នុងស្ថានភាពតានតឹង។

រូបភាព Quora

ហេតុនេះប្រជាជនជប៉ុន និងជនអន្តោប្រវេសន៍បរទេសត្រូវយល់ច្បាស់ពី J-ALERT system (ប្រព័ន្ធប្រកាសគ្រោះធម្មជាតិ) ការពារករណីបន្ទាន់អាចនឹងកើតឡើង។

J-Alert (Zenkoku Shunji Keiho Shisutemu) គឺជាប្រព័ន្ធប្រកាសអាសន្នលក្ខណៈជាតិបានដំណើរការពីខែកុម្ភៈ ឆ្នាំ ២០០៧។ ប្រព័ន្ធនេះត្រូវបានបង្កើតឡើងដើម្បីប្រកាសយ៉ាងលឿនពត៌មានអំពីស្ថានភាពអាសន្នដល់ប្រជាជន។ J-Alert ត្រូវបង្កើតឡើងក្នុងគោលបំណងប្រកាសអាសន្ន ជំរុញយ៉ាងលឿនការជម្លៀស និងផ្តល់ការជួយសង្រ្គោះសម្រាប់អ្នកដែលរងគ្រោះ។

J-Alert ត្រូវបានប្រើប្រាស់ដោយអាជ្ញាធរឧតុនិយម ដើម្បីប្រកាសការរញ្ជួយដី រលកយក្ស បន្ទុះភ្នំភ្លើង និងបាតុភូតធម្មជាតិដទៃទៀត។ លើសពីនេះទៀតលេខាធិការដ្ឋានផ្ទៃក្នុងក៏បញ្ជូនព័ត៌មានពីមីស៊ីលផ្លោង ការវាយប្រហារ ការប្រកាសសង្គ្រាម ការធ្វើភេរវៈកម្ម… តាមរយៈប្រព័ន្ធនេះ។

ប្រព័ន្ធ J-Alert

J-Alert គឺជាប្រព័ន្ធផ្កាយរណបបានអនុញ្ញាតអោយរដ្ឋាភិបាលអាចប្រកាសពត៌មាននៅលើប្រព័ន្ធផ្សព្វផ្សាយសាធារណៈ ប្រកាសអាសន្នយ៉ាងឆាប់រហ័សដល់ប្រជាជនតាមរយៈឧបករណ៍បំពងសម្លេង, TV, Radio, Email និងទូរស័ព្ទដៃ។ នេះបើយោងតាមរដ្ឋាភិបាលជប៉ុន គ្រាន់តែចំណាយរយៈពេលប្រហែល ១វិនាទី ដើម្បីអោយប្រព័ន្ធនេះរៀបចំប្រកាសផ្លូវការ ហើយចាប់ពី ៤ ដល់ ២០វិនាទី ដើម្បីប្រកាសពត៌មានដល់ប្រជាជន។ J-Alert នឹងធ្វើកំណែថ្មីអោយប្រសើរឡើងនៅចុងខែមីនា ឆ្នាំ ២០១៩។ កំណែនេះមានសមត្ថភាពដំណើរការព័ត៌មានដោយស្វ័យប្រវត្តិក្នុងរយៈពេលតែ ២វិនាទី (លឿនជាង ១៨វិនាទីប្រៀបជាមួយកំណែទម្រង់ចាស់)។

រូបភាព Amino Apps

ឧបករណ៍ដៃដែលមានស្រាប់

Smartphone បានលក់នៅប្រទេសជប៉ុន J-Alert តាមរយៈ “Area email” និង “Emergency alert email”។

ឧបករណ៍មុនក្រោយនៅក្រៅប្រទេស MVNO និង Smartphone បិទ Sim ដោយឥតគិតថ្លៃអាចនឹងមិនទទួលបាន J-Alert។ ក្នុងករណីនេះ សូមភ្ជាប់ប្រព័ន្ធ “Yahoo! JAPAN disaster prevention flash report” app នៅលើទូរស័ព្ទរបស់អ្នក (ទាំង Android និង IOS)។

ខាងក្រោមនេះជា Clip បង្ហាញនូវសម្លេងប្រកាសតាមរយៈ J-Alert ដែលប្រាកដថាអ្នកមិនចង់ស្តាប់ពេលដែលនៅជប៉ុន (ប្រសិនបើអ្នកកំពុងតែនៅប្រទេសជប៉ុន សូមបន្ថយ Volume ចុះដើម្បីជៀសវាងការធ្វើអោយប៉ះពាល់ដល់អ្នកផ្សេង)។