ការនាំ​បច្ចេកវិទ្យាស្វ័យប្រវត្តិមក​កាន់​ពិភព​លោក​-ប្រទេសជប៉ុនចាប់ផ្តើមសាកល្បងឡានក្រុងបើក​បរដោយ​ស្វ័យ​ប្រវត្តិ

បច្ចេកវិទ្យាក្នុង​ថ្ងៃអនាគត​បាន​អនុញ្ញាត​អោយ​យាន្តជំ​និះ​បើក​ដោយ​ស្វ័យប្រវត្តិ ហើយ​មិន​ត្រូវ​ការ​អ្នក​បើក​បរនោះទេ។ ប៉ុន្តែមើល​ទៅ​អនាគត​នេះពិត​ជា​ជិត​មក​ដល់នៅ​ពេល​ដែល​មាន​ការ​ស្រាវជ្រាវ​ជាក់​ស្តែងជាបន្តបន្ទាប់​ទៅ​លើ​យាន្ត​ជំនិះ​ដែល​បើក​ដោយ​ស្វ័យ​ប្រវត្តិ។ មិន​ត្រូវ​ការអ្នក​បើកបរ គ្រាន់​តែ​មាន​មនុស្ស​ឡើង​ឡាន ឡាន​នឹង​ចាប់​ផ្តើម​ចេញដំ​ណើរ​។

ការធ្វើ​ចរាចរណ៍​ដោ​យ​ស្វ័យ​ប្រវត្តិ​មិន​ត្រឹម​តែជា​ការ​ខិតខំ​នៃក្រុមហ៊ុន​ផលិត​ឡានរបស់ប្រទេសជប៉ុន ហើយ​ពួក​គេ​ថែម​ទាំង​ចង់​ឆ្ពោះទៅ​រក​ការ​ផ្លាស់​ប្តូរពិភពលោកជាមួយ​នឹង​ការ​បង្កើត​ថ្មីនៃ​បច្ចេកវិទ្យា​ជា​ច្រើន។​

នៅ​ខេត្ត Oita ស្ថិត​នៅតំបន់ Kyushu ការធ្វើតេស្តមួយត្រូវ​បាន​សាក​ល្បង​ជាមួយ​ឡាន​ក្រុង​គ្មាន​អ្នក​បើក​បរ។ បើទោះបីជាចម្ងាយពិសោធន៍ត្រឹម​តែ ១.២គីឡូម៉ែត្រ ឡាន​បាន​ដំណើរ​ការ​នៅ​លើ​ផ្លូវ​ដោយ​ជោគ​ជ័យ។

រូប​ភាព https://www.excite.co.jp

នេះគឺជាការពិសោធន៍លើកដំបូងដើម្បី​យក​ឡាន​ទៅ​ប្រើ​ប្រាស់​នៅ​ក្នុង​ឆ្នាំ ២០២៥។

ឡាន​មា​ន​ភ្ជាប់​ឧបករណ៍ GPS និងឧបករណ៍ចាប់សញ្ញាផ្សេងៗទៀត។ ក្រៅពីនេះឡាន​ស្គាល់​ពី​សញ្ញា​ចរាចរណ៍ដោយ Camera។ ឡាន​ក្រុង​ដែល​មិន​មាន​អ្នក​បើក​បរ​អាច​ដឹក​មនុស្សបាន ១៤នាក់ ផ្លាស់​ទី​ជា​មួយ​នឹង​ល្បឿន​ ២០គីឡូម៉ែត្រក្នុង​មួយម៉ោង។ ឡាន​មិន​ធ្វើ​ដំ​ណើរ​នៅ​លើ​ផ្លូវពិសេសប៉ុន្តែ​ធ្វើ​ដំ​ណើរ​នៅ​លើ​ផ្លូវ​ធម្ម​តា​ជាមួយ​នឹង​យាន្តជំនិះ​ផ្សេងទៀត។

ដើម្បីដាក់រថយន្តនេះទៅប្រើប្រាស់ជាផ្លូវការ ល្បឿនរថយន្តគួរតែត្រូវកើនឡើងហើយ​ត្រូវអមដោយសមត្ថភាពក្នុងការដោះស្រាយសុវត្ថិភាព និង​ចម្ងាយ​ផ្លូវ​ធ្វើ​ដំ​ណើរ​ក៏​ត្រូវ​ឆ្ងាយ​ជាង​នេះ។ ប៉ុន្តែ​ជំហាន​ដំ​បូង​មួយ​នេះអាច​នឹង​ត្រូវ​គិត​ថា​ជាជំហាន​​ដំបូង​ដែល​រឹង​មាំ​សម្រាប់​អនាគត​នៃ​យាន្តជំ​និះស្វ័យ​ប្រវត្តិ​នេះ។

ការ​ប្រើ​ប្រាស់​យាន្ត​យន្តបើក​ដោយ​ស្វ័យ​ប្រវត្តិនឹង​កាត់​បន្ថយគ្រោះ​ថ្នាក់​ចរាចរណ៍ជាច្រើន​ហើយ​ក៏កាត់​បន្ថយ​បន្ទុកនៅ​ក្នុង​ជីវភាព​រស់​នៅ​ប្រចាំ​ថ្ងៃ​របស់​ប្រជាជន​។ ប៉ុន្តែ​សូម​ធ្វើ​ការ​ពិចារណាជាមួយ​នឹង​ការ​បើក​បរ​របស់​ប្រជាជន​កម្ពុជា​ក៏​ដូចជា​ប្រព័ន្ធ​ផ្លូវ​នៅ​មាន​ការ​លំ​បាក​​ប្រហែល​ជា​ការ​ប្រើ​ប្រាស់​បច្ចេកវិទ្យានេះនៅ​តែ​ជា​រយៈពេល​ដែល​វែងអន្លាយខាង​មុខ។

រាល់ការរីកចម្រើនទាំងអស់សុទ្ធតែមាន​មូល​ហេតុ​របស់​វា នេះ​គឺ​ជា​ការ​គិត​របស់​មនុស្ស។

Kengo Abe