ទឹកចិត្តល្អរបស់ជប៉ុន! ផ្ដាំអរគុណពលរដ្ឋខ្មែរដែលបានជិះ ហើយសន្យានឹងផ្ដល់រថយន្តក្រុងបន្ថែមទៀត

រថយន្ត​ក្រុង​ចំនួន ៤១​គ្រឿង ដែល​បាន​ផ្តល់​ជូន​សាលា​រាជធានី​ភ្នំពេញ​ក្រោម​ជំនួយ​ឥត​សំណង​របស់​រដ្ឋាភិបាល​ជប៉ុន ត្រូវបានដាក់ឲ្យដំណើរការនាថ្ងៃទី០១ ខែតុលា ហើយ​ចំនួន​ខ្សែរត់​នៃ​សេវា​រថយន្ត​ក្រុង​បាន​កើន​ឡើង​ពី៩ ទៅ ១៣ ខ្សែរត់។ នេះ​បើ​តាម​ទំព័រ​ហ្វេសប៊ុក​ Jica Cambodia Office។

ត្រឹមដំណាច់ឆ្នាំនេះ រថយន្តក្រុងចំនួន ៣៩ គ្រឿង នឹងត្រូវផ្តល់ជូនបន្ថែមដល់សាលារាជធានីភ្នំពេញ ដូចនេះ រថយន្តក្រុងសរុបចំនួន ៨០ គ្រឿង នឹងដំណើរការនៅរាជធានីភ្នំពេញ ក្រោមជំនួយឥតសំណងរបស់រដ្ឋាភិបាលជប៉ុន។

កម្មវិធីស្មាតហ្វូនសម្រាប់កំណត់ពីទីតាំងរថយន្តក្រុង និងការទូទាត់ងាយស្រួលដែលមានឈ្មោះថា “Weell” នឹងត្រូវបានដាក់ឲ្យដំណើរការផងដែរ។ ប្រព័ន្ធសេវាដឹកជញ្ជូនសាធារណៈនៅក្នុងទីក្រុងនឹងកាន់តែមានភាពងាយស្រួល។ សូមប្រើប្រាស់រថយន្តក្រុងដើម្បីកាត់បន្ថយការកកស្ទះចរាចរណ៍។

តម្លៃសំបុត្ររថយន្តក្រុងគឺ ១,៥០០រៀល។ អ្នកអាចជិះរថយន្តក្រុង និងបង់ថ្លៃសំបុត្ររថយន្តក្រុងក្នុងប្រអប់តាមច្រកចូលទ្វារមុខនៃរថយន្តក្រុងស្ថិតនៅក្បែរអ្នកបើកបរ។ មនុស្សចាស់ ជនពិការ កម្មកររោងចក្រ ស្ដ្រីមានផ្ទៃពោះ ព្រះសង្ឃ សិស្ស និស្សិត គ្រូបង្រៀន អត្តពលិក ជិះរថយន្តក្រុងដោយមិនគិតថ្លៃ។

តំណាង​ឲ្យ​រដ្ឋាភិបាល​ជប៉ុន​ទី​ភ្នាក់ងារ​សហប្រតិបត្តិការ​អន្តរជាតិ​ជប៉ុន-កម្ពុជា​សូម​អរគុណ​សម្រាប់​ការ​ប្រើប្រាស់​រថយន្ដក្រុងដែលជាជំនួយពីរដ្ឋាភិបាលជប៉ុន៕

ប្រភព: Sabay News