ស្គាល់​អំពី​ម្ហូប​ពិសេសឆ្ងាញ់​​តាម​តំបន់​របស់​ប្រជាជនជប៉ុន

ខ្ញុំ​ធ្លាប់​បាក់​មុខ​ម្តង​ពេល​លើក​ដំ​បូង​ទៅ​ដល់​ប្រទេសជប៉ុននិយាយថា​ចូលចិត្តញ៉ាំ​ម្ហូប​ពិសេស​ខុស​តំបន់​ប្រាប់​អ្នក​ស្រុកជប៉ុន​។ ខណៈពេល​អ្នក​ស្រុក Iwate សួរ “ម្ហូប​ជប៉ុន​ដែល​អ្នក​ចូលចិត្ត​ជាម្ហូបអ្វី?” ខ្ញុំ​ឆ្លើយ​ទាំង​ភាព​ជឿ​ជាក់ថា “Takoyaki desu” ប៉ុន្តែអ្នក​ស្រុក​បែរជា​យល់​ថា “អូនេះ​ជា​ម្ហូប​ក្នុង​តំបន់ Kansai”។ តាម​ការ​ពិត​​គ្មាន​អ្វី​សំខាន់​ទេ ប៉ុន្តែខ្ញុំគិតថាវាល្អជាងបើខ្ញុំអាចនិយាយពី​ម្ហូបក្នុងស្រុកត្រូវពេលមាន​គេសួរ។

មាន​ពាក្យ​គេ​និយាយ​ថា “ម្ហូប​ជា​ស្ពាន​នៃ​ទំនាក់​ទំនង” គន្លឹះ​ខាង​ក្រោម​នេះនឹង​ជួយ​អោយ​អ្នក​អាច​ទំនាក់​ទំនងបាន​ល្អជាមួយនឹង​ជនជាតិជប៉ុន។

ពេល​និយាយ​ពី​ម្ហូបជប៉ុន​ប្រហែល​ជា​អ្ន​ក​នឹ​ងគិត​អំពី Sushi, Sashimi -ល-។ ទោះជាយ៉ាងណាតំបន់នីមួយៗមានម្ហូបពិសេសដោយឡែករបស់ខ្លួន ហើយ​អ្នក​ស្រុក​តែង​តែ​មាន​មោទនៈភាពជាមួយនឹង​ម្ហូប​ពិសេសក្នុង​ស្រុក​កំ​ណើត។ អ្វីទាំង​នេះ​បង្ហាញ​ក្នុង​វប្បធម៌ Omiyage ពេលដើរកំសាន្ត​ទៅ​ដល់​ណា ជនជាតិ​ជប៉ុន​សុទ្ធ​តែ​ទិញ​អាហារ​ទី​នោះ​ធ្វើជាកាដូ។

តើកន្លែង​ណា​នៅ​ប្រទេសជប៉ុនមានអាហារឆ្ងាញ់​បំ​ផុត? ប្រសិនបើអ្នកចង់បរិភោគគួរទៅ​ណា​ដើម្បី​ញ៉ាំ? ខាង​ក្រោម​នេះជា​យោបល់​មួយ​ចំនួន​សម្រាប់​អ្នក​។

១. ទៅ Kyoto ញ៉ាំ Yudofu

រូបភាព Bon Appetit

Kyoto គឺជារដ្ឋធានីបុរាណនៃប្រទេសជប៉ុន ដូច្នេះប្រសិនបើអ្នកចង់ពិសារម្ហូបបែបប្រពៃណីបំផុតអ្នកពិតជាមិនអាចរំលងកន្លែងនេះបានទេ។ ម្ហូប​ដែល​ត្រូវគេ​រំលឹក​ច្រើន​បំ​ផុតពេល​ទៅ​ដល់ Kyoto គឺ Kaiseki ryori ឈុត​អាហារ​បែបជប៉ុន​តាម​រដូវភាគ​ច្រើន​មាន​នៅ​តាម​ហាង។ ប៉ុន្តែ​ឈុត​អាហារបែបនេះភាគ​ច្រើន​មាន​តម្លៃ​ថ្លៃ ប្រសិន​ចង់​ភ្លក់​ម្ហូប​សាមញ្ញ និង​តម្លៃ​សមរម្យកុំ​ភ្លេច Yudofu (សុ៊ប​តៅ​ហ៊ូ​ក្តៅ) និង​ nishin soba (មី​ Soba ញ៉ាំជាមួយត្រីសាឌីន)។

កុំភ្លេចទុកក្រពះរបស់អ្នកសម្រាប់បង្អែមព្រោះអ្នកមិនគួររំលងផ្លូវ Uji កន្លែងនេះត្រូវបានស្គាល់ថាជាឋានសួគ៌តែបៃតងនៅប្រទេសជប៉ុន។ នៅទីនេះអ្នកអាចរីករាយជាមួយនឹងនំប្រពៃណីបែបជប៉ុនជាច្រើនប្រភេទ។

២. ទៅ Niigata ផឹក​ស្រា Sake

រូបភាព Japan Info

គេតែង​និយាយថា Niigata គ្មាន​ម្ហូប​ណា​ពិសេសធ្វើអោយ​ចង​ចាំ ទោះបីជា Hegi saba ក៏​ត្រូវ​បាន​ចាត់​ទុក​ថា​ជា​ម្ហូប​ពិសេស​ក្នុង​តំបន់នេះដែរ។

ប៉ុន្តែ​មាន​ចំនុច​មួយ​ពិសេសនៅ Niigata គឺអង្ករ។ អង្ករ Koshihikari ត្រូវ​បាន​ដាំនៅ Niigata គឺជា​ប្រភេទ​អង្ករ​ដែល​ឆ្ងាញ់​បំ​ផុត​ប្រទេសជប៉ុន ហើយ​ត្រូវ​បាន​ប្រើ​សម្រាប់​ចម្អិនម្ហូបជប៉ុន​ជាច្រើន​ប្រភេទ។

ជាមួយ​នឹង​អង្ករ​ឆ្ងាញ់ខេត្ត​នេះ​ថែម​ទាំ​ង​មានប្រភពទឹក​ស្អាត មាន​គ្រប់​លក្ខខណ្ឌដើម្បី​ផលិតចេញជាស្រា Sake ពិសេស។ មួយ​កែវនឹង​ធ្វើ​អោយ​អ្នក​កក់​ក្តៅ​នៅក្នុង​អាកាស​ធាតុ​ត្រជាក់ តើនៅមាន​អ្វី​អាច​នឹង​ប្រៀប​បានទៀត?

៣. ទៅ Osaka ញ៉ាំ Takoyaki

រូបភាព Osakatakoyaki.com

ដូចដែល​បាន​រៀប​រាប់​ខាងលើ Takoyaki ជាម្ហូប​ពិសេស​ក្នុង​តំបន់ Kansai ទី​ក្រុង​ Osaka។ ជាមួយនឹង Takoyaki នៅ​មាន​ម្ហូប​ល្បី​មួយ​ទៀត​គឺ Okonomiyaki – បាញ់​ឆេវបែប​ជប៉ុនត្រូវ​បាន​ធ្វើពី​ម្សៅ ស្ពៃ​ក្តោប សាច់ជ្រូក -ល-។

ម្ហូប​ពិសេស​ក្នុង​តំបន់​នេះ​មិន​ត្រឹម​តែល្បី​នៅ​ក្នុង​ស្រុកថែម​ទាំង​ល្បី​លើ​ពិភព​លោក​ផង​ដែរ។

៤. ទៅ Fukuoka ញ៉ាំ Ramen

រូបភាព glebe kitchen

Fukuoka គឺជាទីក្រុងធំបំផុតនៅភាគនិរតីនៃកោះ Kyushu ល្បី​ជាមួយនឹង​ Ramen។ ចំពោះ​អ្នកដែល​ចូលចិត្ត Ramen នេះ​ជាកន្លែង​ល្អ​សម្រាប់​ភ្លក់ Tonkontsu Ramen។ Ramen នៅ Fukuoka មាន​សរសៃរ​មី​ស្តើង​តែ​ស្វិតស្រដៀង​នៅ​ប្រទេសចិន។ មាន​ម្ហូប​ផ្សេង​ទៀត​គឺ Hitokuchi  Gyoza កៀវសាច់​ជ្រូក។ ប្រសិន​អ្នក​ចង់​សាកល្បង​ខ្លួន​ឯង​ម្តង​អ្នក​គួរភ្លក់ Mentaiko ពងត្រីហឹលមិន​សូវ​មាន​អ្នក​ញ៉ាំទេ ប៉ុន្តែប្រសិន​ញ៉ាំ​ឆ្ងាញ់នេះ​ប្រាកដជាម្ហូបពិសេស​ញ៉ាំ​ជាមួយ​បាយ​។

៥. ទៅ Hokkaido ញ៉ាំ​អាហារសមុទ្រ

រូបភាព WOW! Japan

ប្រទេសជប៉ុនជាប្រទេសកោះដូច្នេះវាមិនចម្លែកទេប្រសិនបើប្រជាជនជប៉ុនចូលចិត្តញ៉ាំអាហារសមុទ្រ។ ពេលនិយាយពីអាហារសមុទ្រមិនអាចមិន​និយាយអំពីឈ្មោះតំបន់ដែលស្ថិតនៅភាគខាងជើងប្រទេសជប៉ុនគឺ Hokkaido ហ៊ុំព័ទ្ធដោយសមុទ្រត្រជាក់ និងអាកាសធាតុរដូវរងាខ្លាំង ប៉ុន្តែនេះគឺជាបរិយាកាសល្អ​សម្រាប់​សត្វ​រស់​នៅ​ក្នុង​សមុទ្រ។ ល្បី​បំ​ផុត​នៅ​ Hokkaido គឺក្តាមធំ ត្រីសាម៉ុង និង Uni (urchin សមុទ្រ)។

លាសសមុទ្រ Hokkaido និង Ikura (ពងត្រីសាម៉ុង) ត្រូវ​បាន​វាយ​តម្លៃ​ខ្ពស់ហើយ​ក៏​មាន​តម្លៃ​ថ្លៃ​ដែរ។ ប៉ុន្តែ​ប្រជាជន Hokkaido មិន​ត្រឹម​តែ​មាន​មោទនៈភាពចំពោះប្រភព​អាហារសមុទ្រ​ ហើយ​ក៏​អោយ​តម្លៃផលិតចេញពីកសិដ្ឋានដែរ។

ពេល​អាន​ដល់​កន្លែង​នេះ តើមាន​នរណា​ចង់​ធ្វើ​ដំ​ណើរ​ទៅ​ប្រទេស​ជប៉ុន​ដើម្បី​ភ្លក់​ម្ហូប​ទាំង​នេះដែរឬទេ?

ប្រភព Headlines Yahoo

Sacchan

មើលបន្ថែម: