ប្រកួតញ៉ាំមីនៅប្រទេសជប៉ុន – កាន់តែញ៉ាំច្រើនកាន់តែរន្ធត់

ថ្ងៃពុធ 15/05/2019 | 10:46 ព្រឹក

Iwate – ខេត្តមួយស្ថិតក្នុងតំបន់ Tohoku (ភាគឦសានប្រទេសជប៉ុន) ល្បីជាមួយនឹងមុខម្ហូប Wanko Soba។

បើនិយាយពីរសជាតិ Wanko Soba មិនខុសពី Soba ធម្មតាទេ ប៉ុន្តែចំនុចពិសេសដែលធ្វើអោយម្ហូបនេះកាន់តែល្បីស្ថិតនៅលើរបៀបញ៉ាំ។

ជាមួយនឹង Wanko Soba មិនត្រឹមតែញ៉ាំប៉ុន្តែជាការប្រកួតប្រជែងញ៉ាំមី។

ដើម្បីដឹងអំពីល្បឿនញ៉ាំមីរបស់អ្នក ក្នុងរយៈពេលដែលត្រូវបានកំណត់ អ្នកត្រូវតែញ៉ាំមីអោយបានច្រើនបំផុត។ ហេតុនេះអ្នកមិនអាចញ៉ាំយឺតៗជាមួយនឹងល្បឿនធម្មតាទេ។

ហើយក៏គ្មានពេលបន្ថែមគ្រឿងអោយល្មមនឹងរសជាតិរបស់អ្នកដែរ។ មានមនុស្សម្នាក់អង្គុយនៅម្ខាងដើម្បីចាក់បន្ថែមមីចូលចានរបស់អ្នក។ ប្រសិនបើអ្នកភ្លេចខ្លួនតែបន្តិចក្នុងចានរបស់អ្នកនឹងសុទ្ធតែមី ពេលនោះភ្ញាក់ផ្អើលក៏មិនទាន់ពេលទៀតដែរ។

ប្រសិនបើអ្នកចង់បញ្ឈប់ត្រូវបិទគម្របចានដូចជានារីក្នុងវីដេអូខាងក្រោមនេះ។

ក្នុងវីដេអូខាងលើអ្នកដែលចាក់បន្ថែមមីពិតជាលឿន។ ខ្ញុំធ្លាប់សាកល្បងញ៉ាំមី Wanko Soba ពីមុន ទោះបីខ្ញុំបានបិទគម្របចាន បុគ្គលិកនៅតែបន្តចាក់មីក្នុងចាន់របស់ខ្ញុំហើយនិយាយ “សល់មីដូច្នេះបងមិនអាចឈប់បានទេ”។ ធម្មតាអ្នកនៅ Iwate ពិតជាស្លូតបូត មិនសូវនិយាយប៉ុន្តែបុគ្គលិកម្នាក់នេះពិតជាខុសប្លែកពីគេ។ ទោះបីភ្ញាក់ផ្អើលប៉ុន្តែនេះជាការសាកល្បងដែលមិនអាចបំភ្លេចបាន។

ធម្មតាបុរសអាចញ៉ាំប្រហែល ៧០ ចាន។ ប្រសិនបើញ៉ាំ ១០០ ចានត្រូវគេចាត់ទុកថាជាមនុស្សញ៉ាំអស្ចារ្យ។

នៅ Iwate មានការប្រកួតប្រជែងញ៉ាំ Wanko Soba។ កុំប្រញាប់ភ័យអ្នកគួរតែមើលល្បឿនបន្ថែមមីរបស់បុគ្គលិកនៅក្នុងការប្រកួតទើបលឿន។

ទោះបីជាមិនមែនជាអ្នកប្រកួតដោយផ្ទាល់ គ្រាន់តែមើលក៏ឆ្អែតដែរ។

រូបភាព Youtube

ខ្ញុំសូមចែករំលែករបៀបញ៉ាំមីអោយលឿនមួយចំនួន។

១. កាត់បន្ថយការទំពារ

២. មិនញ៉ាំទឹកស៊ុប

៣. ផ្តោតលើការញ៉ាំមី

ប្រើរបៀបទាំងនេះអ្នកអាចញ៉ាំបានប្រហែល ៧០ ចាន។

ដោយសារតែការប្រកួតនេះគួរអោយចាប់អារម្មណ៍ ហេតុនេះក៏មាន Youtuber មួយចំនួនធ្វើ clip ដើម្បីកំប្លែងលេងជាមួយបុគ្គលិកហាង។

មើលដោយផ្ទាល់ភ្នែកទិដ្ឋភាពញ៉ាំ Wanko Soba ប្រហែលមនុស្សជាច្រើននឹងមានសំណួរ “តើញ៉ាំបែបនេះមិនប៉ះពាល់សុខភាពទេឬ?” ធម្មតាជនជាតិជប៉ុនមិនសូវញ៉ាំច្រើនទេ។ តាមការពិតនេះគ្រាន់តែជាការប្រកួតដើម្បីភាពសប្បាយប៉ុណ្ណោះ ប្រជាជន Iwate ជាមនុស្សចាស់ទុំ និងបារម្ភអំពីសុខភាព។

ទៅ Iwate ហើយសាកល្បងខ្លួនជាមួយនឹងមុខម្ហូបនេះ។

Kengo Abe