វិបិត្តិ​កង្វះ​​សារ៉ាយសមុទ្រ​នៅប្រទេសជប៉ុនកើត​ឡើង​ម្តង​ទៀតក្រោយ​រយៈពេល​ ៤១ ឆ្នាំ

សារ៉ាយសមុទ្រក្នុង​ភាសាជប៉ុន​គេហៅ​ថា Nori (海苔) តាំង​ពី​យូរ​បាន​ក្លាយ​ទៅ​ជាគ្រឿងផ្សំដែលមិនអាចខ្វះបាននៅក្នុងម្ហូបជប៉ុន។

រូបភាព https://ippin.gnavi.co.jp/article-12317/

ជាងពាក់កណ្តាលសតវត្សរ៍មុនសារ៉ាយ​សមុទ្រ​ស្ថិត​​ក្នុង​ស្ថាន​ភាព​ខ្វះ​ខាតខ្លាំង ហើយ​រហូត​ដល់​ឆ្នាំ ២០១៩ វិបិត្តិ​នេះ​បាន​កើត​ឡើង​ម្តង​ទៀត។ បើប្រៀបធៀបការចែកចាយសារ៉ាយក្នុងប៉ុន្មានឆ្នាំថ្មីៗនេះ ទិន្នផលនៅឆ្នាំនេះបានធ្លាក់ចុះ 15%។ ជាលើកដំបូងក្រោយ​រយៈពេល ៤១ ឆ្នាំ សារ៉ាយ​ត្រូវបានគេព្យាករណ៍ថាទិន្នផលនឹង​ធ្លាក់​ចុះហើយ​តម្លៃ​នឹង​កើនឡើង​ខ្លាំង។

រូបភាព 日経BP

មូលហេតុដោយ​សារសីតុណ្ហាភាពសមុទ្រនៅតំបន់ក្បែរឆ្នេរនៃប្រទេសជប៉ុនកើនឡើង។ ធម្មតាដើម្បីដាំសារ៉ាយ​សមុទ្រ​​សីតុណ្ហភាពចាប់​ពី ១០ ដល់ ២០ អង្សា។ ដូច្នេះ​ការ​ដាំ​សារ៉ាយ​សមុទ្ររបស់​ប្រជាជន​មានការលំបាកខ្លាំងណាស់។

មូល​ហេតុ​មួយ​ទៀត​គឺក្នុងរយៈពេលប៉ុន្មានឆ្នាំថ្មីៗនេះដោយសារតែកង្វះ​ប្រភពចំណីទើប​ប្រភេទ​ត្រី Kurodai ពួក​វា​ប្តូរ​ទៅ​សុី​សារ៉ាយ​សមុទ្រដែល​គេ​ដាំ​ដុះបណ្តាល​អោយ​​ខូច​ខាត​។

ម្ចាស់​ហាង​សារ៉ាយ​សមុទ្រ​ Edomae ជាម៉ាក​ផលិត​ផល​ដែល​ល្បី​ឈ្មោះនៅ​ប្រទេសជប៉ុនបាន​អោយ​ដឹង​។

“បច្ចុប្បន្នតម្លៃមធ្យមក្នុង​មួយ​បន្ទះ​សារ៉ាយ​គឺ ១១ ដល់ ១២ យ៉េន។ ទោះជាយ៉ាងណាប៉ុន្មាន​ឆ្នាំនេះដោយសារតែកង្វះខាតសារ៉ាយសមុទ្រ តម្លៃសារ៉ាយ​សមុទ្រ​អា​ច​នឹង​ឡើង​ថ្លៃពី ១៣ ដល់ ១៤ យ៉េនក្នុង​មួយ​បន្ទះ​”។

សារ៉ាយ​សមុទ្រ​នៃ​​ម៉ាក​ផលិត​ផល​នេះជាប្រភេទ Asakusa ពិតជា​ពិបាក​ដាំដោយ​សារ​តែ​សត្វ​ល្អិត​បំ​ផ្លាញ។ បន្ទាប់​មក​ទើប​គេ​រក​ឃើញ​ប្រភេទ​សារ៉ាយ​សមុទ្រ​ Asabi ងាយ​ដាំ និង​ដុះ​លូត​លាស់​បាន​លឿន។ ប៉ុន្តែ​រស​ជាតិ​មិន​អាច​ប្រៀប​ស្មើ​នឹង​ប្រភេទ Asakusa ទេ។

រូបភាព 伏高

ក្នុង​ស្ថាន​ភាព​បច្ចុប្បន្ន​តម្លៃ​សារ៉ាយ​សមុទ្រ​ Asakusa ថ្លៃ​ជាង ២០ ដង។

មជ្ឈមណ្ឌលស្រាវជ្រាវអាហារសមុទ្រចម្រុះខេត្ត​ Chiba បាន​ប្រញាប់ប្រញាល់ស្វែងរកដំណោះស្រាយដើម្បីដោះស្រាយបញ្ហានៅរដូវដាំ​ដុះ​លើក​ក្រោយ។ កង្វះសារ៉ាយក្នុងអាហារគឺជាបញ្ហាធំសម្រាប់ប្រទេសជប៉ុន ក៏ដូចជាតុល្យភាពអាហារបំប៉ននៅក្នុងអាហាររបស់ប្រជាជនជប៉ុន។

ប្រភព ANN News

https://www.fushitaka.com/c/item/kaisou/nori2

Chee

មើលបន្ថែម: