ពិធី​ជប់លៀង​សម្រាប់​​អ្នក​ដែល​ឯកកោគ្មាននរណារៀបចំពិធីលា​ពេល​ឈប់​ពី​ការងារ

គ្រាន់​តែ​ចំណាយ​លុយបុគ្គលិកភោជនីយដ្ឋាននឹងធ្វើពុតជាមិត្តរួមការងារដែលបានធ្វើការជាមួយអ្នកអស់រយៈពេលជាច្រើនឆ្នាំ។

នៅប្រទេសជប៉ុនខែ​មី​នា​គឺជា​ខែ​ sobetsukai ត្រូវ​បាន​គេហៅ​ថាជាពិធីជប់លៀងលាគ្នារៀបចំដោយមិត្ត​រួម​ការងារ​ដើម្បីបង្ហាញពីការដឹងគុណចំពោះការងារដែល​អ្នក​បាន​បំពេញ។ មូលហេតុនេះជាពេលដ៏ល្អ​ដើម្បីលាលែង​ការងារដែលអ្នកមិន​ពេញចិត្តហើយប្តូរទៅរកការងារថ្មីនៅខែមេសា។

ធម្មតាពិធីជប់លៀងនេះត្រូវបានរៀបចំដោយមិត្តរួមការងារដែលធ្វើ​ការ​បន្ត​រៀប​ចំ​អោយ​អ្នក​ឈប់​ពី​ការងារ​​ក្នុង​គោល​បំ​ណង​ចែក​រំលេក​ពេល​វេលា​ធ្វើ​ការ​រីក​រាយជាមួយ​គ្នា​ក្នុង​នាម​ជាមិត្ត​រួ​ម​ការ​ងារ។

មានមូលហេតុជាច្រើនដែលឈប់​ពី​ការងារដូចជា​បំ​ណង​ចង់​អភិវឌ្ឍខ្លួន បង្កើន​ចំណេះ​ដឹង ប្រាក់​ខែ​នៅ​កន្លែង​ថ្មី ដើម្បី​ផ្លាស់​ប្តូរ​បរិយាកាស​ធ្វើ​ការ​ដើម្បី “Refresh” ខ្លួន​​ឯង។ ប៉ុន្តែ​ក៏​មាន​ករណី​ខ្លះមិន​ល្អ​ដូចជា​​មាន​ជម្លោះរវាង​បុគ្គលិក​ក្នុង​ក្រុម​ហ៊ុន​ ហើ​យ​អ្នក​ដែល​ចាក​ចេញគ្មាន​អ្នក​រៀប​ចំពិធី​ជប់​លៀង​អោយ។

គ្មាន​បញ្ហា​ទេអ្នក​អាច​រៀប​ចំ​ពិធី​ជប់​លៀង​លា​ដោយ​ខ្លួន​​ឯងជាមួយនឹង​សេវា​កម្ម​ថ្មីនៅ​ហាង​ស្ថិត​ក្នុង​តំបន់ Kansai, Gochiso Mura។

ម្នាក់​ឯង​នូវ​តែ​អាច​រៀប​ចំ​ពិធី​លាគ្នា​

ក្នុង​តម្លៃ​ចាប់​ពី ៤០០០ ដល់ ៥០០០​ យ៉េនអ្នក​អាច​ជល់​កែវ​ជាមួយ​នឹង “មិត្ត​រួម​ក្រុម​បណ្តោះ​អាសន្ន” ដើម្បី​និយាយ​ពាក្យ​លា​គ្នា​។ នៅ​ក្នុង​ពិធី​ជប់​លៀង​នេះមនុស្ស​គ្រប់​គ្នា​សុទ្ធ​តែ​សប្បាយ​រីក​រាយផ្តល់អោយ​អ្នកនូវការដឹងគុណ សរសេរ​ពាក្យ​ជូន​ពរ​ជូន​អ្នក​ និងលើកទឹកចិត្តអ្នកបន្តដើរទៅ​មុខ​ក្នុង​ផ្លូវ​ជីវិត។

តាមការពិតសង្គមជប៉ុនសោះកក្រោះជាង​អ្វី​ដែល​អ្នកបាន​​ដឹង​។ មាន​មនុស្ស​មួយ​ចំនួន​ធ្វើ​ការ​រយៈពេល​យូរប៉ុន្តែ​ពេល​គេ​ចាក​ចេញគ្មាន​នរណា​ចង់​រៀប​ចំ​ពិធី​ជប់​លៀងលាគ្នា​អោយ​សមរម្យទេ​។

កន្លែង​ដែល​ធ្វើ​អោ​យ​អ្នក​រីក​រាយ

ពិត​ជា​សំ​ណាង​ណាស់សម្រាប់​អ្នក​​ទាំង​អស់​គ្នា​ប្រសិនបើមិត្តរួមការងារមិនខ្វល់ពីអ្នក អ្នកអាចជ្រើសរើស​ការ​យក​ចិត្ត​ទុក​ដាក់​សម្រាប់​ខ្លួនឯង។ អ្នក​អាចទៅ Gochiso Mura ហើយ​កក់​​សេវាកម្ម​ពិសេស​នេះភ្លាម​ សាខាមាននៅទីតាំងចំនួន ២០ កន្លែង​នៅ Osaka និង Hyogo។

ខាង​ក្រោម​នេះ​គឺ​ជា​ពាក្យ​ជូន​ពរដែល​មិត្ត​រួម​ការ​ងារ​បណ្តោះ​អាសន្នជូន​សម្រាប់អ្នក​។

“ខ្ញុំ​ចង់​ធ្វើ​ការ​ជាមួយ​អ្នក​ច្រើន​ជាង​នេះ អរគុណ​សម្រាប់​គ្រប់​យ៉ាង”។

“អរគុណ​សម្រាប់​ភាព​ឧស្សាហ៍​ព្យាយាម​របស់​អ្នក​ ខ្ញុំ​នឹង​រីក​រាយ​ពេល​ដែល​នឹកដល់​អនុស្សាវរីយ៍ជាមួយ​អ្នក​។ ជូន​ពរ​អោយ​អ្នក​សំ​ណាង​ល្អ​នៅ​កន្លែង​ធ្វើ​ការ​ថ្មី”។

“ខ្ញុំមានកិត្តិយសធ្វើការជាមួយអ្នក អរគុណ​ច្រើន​”។

“គ្រប់​យ៉ាង​នឹង​ល្អប្រសើរ អ្នក​អាច​ធ្វើ​បាន”។

“សូមអរគុណសម្រាប់ដែល​បាន​គាំទ្រខ្ញុំជានិច្ច”។

ទោះបី​អ្វី​គ្រប់​យ៉ាង​ខាង​លើ​គ្រាន់​តែ​ជា​ការ​រៀប​ចំ​មុនប៉ុន្តែ​វា​នឹង​ធ្វើ​អោយ​អ្នក​ពេញ​ចិត្ត​ មាន​អារម្មណ៍​ល្អ និង​ជាក់​ស្តែង។ ជួនកាលបន្លំចិត្ត​ខ្លួនឯងដើម្បីស្វែងរកការលើកទឹកចិត្តក៏ជា​គំនិត​ល្អ​ម្យ៉ាង​ដែរ។។

ប្រសិន​បើ​អ្នក​ចង់​សាក​កម្មវិធី Sobetsukai ម្នាក់​ឯងប្រញាប់​ឡើង។ Gochiso Maru ផ្តល់​សេវា​នេះរហូត​ដល់​ចុង​ខែមីនាតែប៉ុណ្ណោះ។ នៅ​ខែមេសាពិធីជប់​លៀង​លាត្រូវ​បាន​បញ្ចប់ ហើយ​អ្នក​នឹង​ចាប់​ផ្តើម​ស្វែងរក ឬ​សាក​ល្បង​ជាមួយ​​ការ​ងារ​ថ្មី។

ទោះ​បី​មិន​ដឹង​ថា​មាន​មនុស្ស​ប៉ុន្មាន​អ្នក​ចាប់​អារម្មណ៍​សេវាកម្ម​នេះ ប៉ុន្តែ​តាម​រយៈគំនិត​ខាងលើយើង​អាច​យល់ពី​សម្ពាធអ្នក​ធ្វើ​ការ​នៅ​ប្រទេសជប៉ុន​។

ព័ត៌​មាន​បន្ថែម​ Gochimura Restaurant

Sacchan

មើលបន្ថែម: