ទំព័រដើម
ដំណើរកំសាន្ត
ចែករំលេកបទពិសោធដំណើរកំសាន្ត និងម្ហូបទាំងបីដែលអ្នកគួរតែញ៉ាំពេលទៅដល់ Nikko

ចែករំលេកបទពិសោធដំណើរកំសាន្ត និងម្ហូបទាំងបីដែលអ្នកគួរតែញ៉ាំពេលទៅដល់ Nikko

ថ្ងៃអង្គារ 26/03/2019 | 13:43 ល្ងាច

ទីក្រុង Nikko ស្ថិតនៅខេត្ត Tochigi ប្រទេសជប៉ុនជាកន្លែងដែលមានទេសភាពល្បីស្រស់ស្អាតជាច្រើនរួមជាមួយនឹងស្ថាបត្យកម្មប្រវត្តិសាស្រ្តដូចជាប្រសាទ និងវត្តជាដើម។

ក្រៅពីកន្លែងទេសចរណ៍ Nikko ក៏មានមុខម្ហូបពិសេស ជាមួយនឹងមុខម្ហូបចម្លែកមានរសជាតិពិសេសដែលភ្ញៀវទេសចរណ៍មិនអាចរកឃើញនៅកន្លែងផ្សេង។ លើកនេះខ្ញុំនឹងណែនាំមុខម្ហូបពិសេសដែលភ្ញៀវទេសចរណ៍ និងអ្នកនៅទីនោះចូលចិត្ត។

ដំបូងគឺ Yuba ម្ហូបប្រពៃណីដែលធ្វើពីសណ្តែកសៀងដូចជា Tofu skin។ ប៉ុន្តែនៅ Nikko ម្ហូបតៅហ៊ូ Yuba គឺមិនចៀនឡើយ តែស្រទាប់សណ្តែកស្រស់ដែលបត់ជារង្វង់ចូលគ្នា។ Yuba មានកាឡូរីតិច ប៉ុន្តែមានជាតិដែកច្រើន កាល់ស្យូម និងជួយដល់ការរំលាយអាហារ ហេតុនេះជាមុខម្ហូបដែលមិនអាចខ្វះបាននៅក្នុងរបបអាហារនៅទីនេះ។

អ្នកអាចភ្លក់ Yuba តាមរបៀបខុសគ្នាដូចជាញ៉ាំទទេ ឬញ៉ាំជាមួយនឹង Wasabi ទឹកស៊ីអ៊ីវ shoyu ស៊ុប miso។ អ្នកប្រាកដជាចូលចិត្តរសជាតិផ្អែមជាមួយនឹងភាពទន់ល្មើយ និងក្លិនរបស់ Yuba។

បន្ទាប់មកគឺ Senbei គឺប្រភេទនំអង្ករស្ងួតរបស់ជប៉ុនដែលធ្វើពីម្សៅអង្ករឬម្សៅស្រូវសាឡី។ នៅ Nikko, Senbei ត្រូវបានចម្អិនដោយប្រភពទឹកល្អ និងស្អាតបំផុតនៅប្រទេសជប៉ុន។

ដោយសារតែប្រភេទអង្ករល្អនេះបានធ្វើអោយនំអង្ករ Senbei របស់ Nikko មានរសជាតិឆ្ងាញ់។ នៅពេលទំពារនំឮក្រួបៗ ជាមួយនឹងគ្រឿងទេសខុសគ្នារលាយនៅក្នុងមាត់ធ្វើអោយអ្នកចេះតែចង់ញ៉ាំរហូត។ Senbei ត្រូវបានភ្ញៀវទេសចរណ៍ជាច្រើនទិញយកទៅផ្ទះធ្វើជាកាដូពេលដែលទៅ Nikko។

បន្ទាប់មកទៀតគឺ Shabu shabu ជាម្ហូបពិសេសរបស់ជប៉ុន ជ្រលក់សាច់គោក្នុងទឹកសុ៊បដែលកំពុងពុះ។ រសជាតិរបស់ Shabu នៅ Nikko មានរសជាតិឆ្ងាញ់ ដោយសារសត្វគោត្រូវបានចិញ្ចឹមលើវាលស្មៅល្អ ហើយគេអោយវាធ្វើលំហាត់ប្រាណត្រឹមត្រូវធ្វើអោយបន្ទះសាច់គោអាចរក្សាបានប្រូតេអ៊ីន និងកម្រិតជាតិខ្លាញ់។

បន្ទះសាច់នីមួយៗបន្ទាប់ពីជ្រលក់នៅក្នុងទឹកសុ៊បហើយញ៉ាំមានរសជាតិឆ្ងាញ់ប្លែក។ ពេលដែលញ៉ាំអ្នកមានអារម្មណ៍ថាផ្អែម កម្រិតជាតិខ្លាញ់ល្មមជាមួយនឹងក្លិនឈ្ងុយ។ អោយតែញ៉ាំមុខម្ហូបនេះ គឺខ្ញុំមានអារម្មណ៍ថាមានភាពរីករាយ ហើយចេះតែចង់ញ៉ាំទោះបីស្អែកឡើងគីឡូក៏ដោយ។