អត្ថន័យមុខម្ហូបនីមួយៗក្នុង Osechi អាហារឆ្នាំថ្មីរបស់ជប៉ុន

ថ្ងៃសៅរ៍ 19/01/2019 | 10:58 ព្រឹក

នៅជប៉ុនពេលឆ្នាំថ្មីមកដល់គេតែងតែរំលឹកពី Osechi ។ Osechi ត្រូវបានរៀបចំយ៉ាងស្អាត ល្អឥតខ្ចោះ ជាផ្នែកមួយនៃវប្បធម៌របស់ជប៉ុន។ ប៉ុន្តែពេលខ្លះប្រជាជនជប៉ុនមិនសូវមានអ្នកយល់ពីអត្តន័យមុខម្ហូបពិសេសនេះទេ។

រូបភាព http://entermeus.com/128122/

មនុស្សជាច្រើនយល់ថា Osechi មានអត្ថន័យសម្រាកកំសាន្តឆ្នាំថ្មីរយៈពេល ៣ ថ្ងៃ ប៉ុន្តែមិនត្រឹមតែប៉ុណ្ណឹងនោះទេ។

មុខម្ហូបនីមួយៗក្នុង Osechi សុទ្ធតែមានអត្ថន័យពិសេសផ្សេងគ្នា។

黒豆 (Kuromame) សណ្តែកខ្មៅ

រូបភាព http://entermeus.com/128122/

សណ្តែកខ្មៅចំហុយជាមួយនឹងស្ករបង្កើតបានជារសជាតិផ្អែមល្មម។ មុខម្ហូបនេះត្រូវបានបន្ថែម មិនត្រឹមតែមកពីឆ្ងាញ់ប៉ុណ្ណោះទេ ប៉ុន្តែមានន័យថា “រស់នៅដូចជាគ្រាប់សណ្តែក” គ្រាប់សណ្តែកនីមួយៗ ជាមួយនឹងថាមពលរបស់ខ្លួនខំប្រឹងលូតលាស់ទៅជាដើម ហើយការលូតលាស់មានផ្លែមានផ្កា ចេញជាគ្រាប់សណ្តែក និងបន្តលូតលាស់។ ដូច្នេះរង្វិលជុំនៃការលូតលាស់នៅតែបន្ត។ ប្រជាជនជប៉ុនហូបសណ្តែកនៅថ្ងៃឆ្នាំថ្មីដើម្បីសុំឲ្យមួយឆ្នាំពេញទៅដោយថាមពល សុខភាពល្អ។

数の子 (Kazu no ko) ពងត្រី Sardinella

រូបភាព http://entermeus.com/128122/

មុខម្ហូបនេះត្រូវបានធ្វើដោយការប្រលាក់ពងត្រី។ ត្រី Sardinella ជាប្រភេទត្រីដែលមានពងត្រីច្រើន ដូច្នេះការបន្ថែមមុខម្ហូបនេះក្នុង Osechi ជាមួយនឹងគោលបំណងសុំឲ្យកូនចៅពេញផ្ទះ គ្រួសារមានអាហារគ្រប់គ្រាន់ មានសុភមង្គល។

田作り (Tazukuri) ត្រី Sardine ងៀត

រូបភាព http://entermeus.com/128122/

មុខម្ហូប Tazukuri ប្រភេទត្រី Sardine ដែលចាប់បាននៅសមុទ្រ។ ហើយបើតាមពាក្យ Kanji នេះគឺជាម្ហូបមួយដែលមានអត្ថន័យសុំឲ្យការប្រមូលផលល្អ។

ក្រៅពីនេះ កាក់សំណល់ត្រី Sardine អាចប្រើធ្វើជាជីសម្រាប់ដាំដុះ ជួយឲ្យសមទ្ធិផលស្រូវបានច្រើន។ ពីមុនជប៉ុនជាប្រទេសកសិកម្ម ហេតុនេះប្រជាជនជប៉ុនយល់ថា កសិកម្មជាប្រភពចំណូលចំបង។ ត្រី Sardine ងៀត ជាមួយនឹងអត្ថន័យពេញមួយឆ្នាំលុយហូរចូលដូចទឹក ម្ហូបអាហារគ្រប់គ្រាន់

かまぼこ (Kamaboko)

រូបភាព http://entermeus.com/128122/

Kamaboko គឺជាប្រភេទប្រហិតត្រីនៅជប៉ុន ធ្វើពីម្សៅត្រី។

មុខម្ហូបនេះត្រូវបានដាក់នៅលើចានទាបដែលមានផ្ទៃរៀបស្មើ ផ្នែកខាងលើបង្កើតជារាងមូល។ តាមជំនឿរបស់ប្រជាជនជប៉ុន ប្រសិនបើមុខម្ហូបនេះរៀបចំនៅថ្ងៃដំបូងនៃថ្ងៃចូលឆ្នាំនឹងនាំមកនូវរឿងល្អ។

ពណ៌ក្រហមតំណាងឲ្យសុភមង្គល ពណ៌សគឺជាពណ៌ពិសិដ្ឋ ពណ៌ទាំងពីរនេះគឺជាពណ៌គោលក្នុងឆ្នាំថ្មីរបស់ជប៉ុន។

だてまき (Tatemaki)

រូបភាព http://entermeus.com/128122/

ពីមុនលិខិតសាររុំមូលដូចជារូបរបស់ Tatemaki ដូច្នេះមុខម្ហូបនេះដាក់ក្នុង Osechi ជាមួយនឹងបំណងការរៀនសូត្របានល្អក្នុងឆ្នាំថ្មី។

栗きんとん (Kurikinton)

រូបភាព http://entermeus.com/128122/

មុខម្ហូបដំឡូងកិនម៉ត់នេះជាម្ហូបផ្អែមដែលមិនអាចខ្វះបាន។ ពណ៌លឿងម៉ត់របស់ដំឡូងធ្វើឲ្យប្រជាជនជប៉ុនគិតដល់មាស។ ហេតុនេះប្រសិនបើហូប Kurikinton ក្នុងឆ្នាំថ្មីនឹងនាំមកនូវមាសប្រាក់ច្រើន។

ប្រភេទត្រី Buri

រូបភាព http://entermeus.com/128122/

ត្រី Buri គឺជាប្រភេទត្រីដែលមានឈ្មោះមួយផ្សេង នៅពេលដែលវាធំឡើង។ តាមជំនឿរបស់ប្រជាជនជប៉ុន ហៅឈ្មោះមួយផ្សេងទៀតមានន័យថាពេញវ័យ មានអត្ថន័យថាអ្នកនឹងឡើងដំណែងក្នុងការងារ។ ពីបុគ្គលិកធម្មតា អ្នកនឹងឡើងឋានៈជាប្រធានក្រុម ប្រធានផ្នែក អ្នកគ្រប់គ្រង និងនាយក។ ការផ្លាស់ប្តូរឈ្មោះសម្រាប់ហៅ មានន័យថាឆ្ពោះទៅរកឋានៈមួយថ្មី។

ក្រៅពីត្រី Buri ប្រជាជនជប៉ុនបរិភោគត្រីមួយប្រភេទផ្សេងទៀតដែលបញ្ចេញសម្លេងស្រដៀងទៅនឹង ភាសាជប៉ុន (medetai) មានន័យថាសប្បាយ។

蓮根 (Renkon)

រូបភាព http://entermeus.com/128122/

មុខម្ហូបមើមឈូកនេះងាយស្រួលរកបាននៅតាមផ្សារ។ ប្រឡោះរបស់វាតំណាងឲ្យទស្សនៈវិស័យគ្មានដែនកំណត់ អាចបើកទូលាយ ច្នៃប្រឌិតថ្មី។

昆布巻き(Kobumaki)

រូបភាព http://entermeus.com/128122/

ពាក្យ Kobun (ស្ពៃ) ជាពាក្យ Yorokobu (សប្បាយ)។

海老 (Ebi)

រូបភាព http://entermeus.com/128122/

Ebi – បង្គាជាតំណាងឲ្យមនុស្សចាស់។ មានមុខម្ហូបបង្គាក្នុងអាហារឆ្នាំថ្មីជាពាក្យជូនពរឲ្យសមាជិកក្នុងគ្រួសារមានសុខភាពល្អ រស់បានយូររហូតដល់ចាស់កោងខ្នងដូចបង្គា។ ពិតជាល្អណាស់ ប្រសិនបើមានមុខម្ហូបខាងលើ។

តើអ្នករៀបចំអ្វីខ្លះពេលចូលឆ្នាំប្រពៃណីជាតិ?

Kengo Abe