ស្នាដៃ​ធ្វើ Sushi ពិសេស​របស់​ចុង​ភៅ​ជប៉ុន

មើល​រូបរាង​ខាង​ក្រៅ​របស់​ Sushi ប្រហែល​​មាន​មនុស្ស​ជាច្រើន​យល់​ច្រឡំ​ថាធ្វើ​ Sushi ងាយ​ស្រួល។ គ្រាន់​តែ​ដាក់​បន្ទះ​សាច់ដែល​គ្មាន​ឆ្អឹង​លើ​បាយ​ជា​ការស្រេច​។ មិន​មែន​ដូច្នេះ​ទេ ដើម្បី​ធ្វើ​បាន​ Sushi ដែល​មាន​ទំ​ហំតូច​ដូចជា​ស្នាដៃ​សិល្បៈរបស់​ចុង​ភៅ​អញ្ចឹង។

បន្ទាប់មក​នេះ JAPO នឹង​ណែនាំពី​របៀប​ធ្វើ Sushi ​មួយ​ចំ​នួនដែល​ជា​មូ​ល​ដ្ឋាន​។

របៀបធ្វើ​ដំ​បូង​មាន​ឈ្មោះថា Mekiki ឬ​អាច​ហៅ​ថា ​​ការ​ជ្រើសរើស​វត្ថុ​ធាតុ​ដើម។ ​នេះ​ជា​ជំ​ហាន​សំ​ខាន់​ដែល​សម្រេច​ថា Sushi ឆ្ងាញ់​​ឬ​​អត់ ហេតុ​​នេះ​​​អ្នក​​បាន​ដឹងហើយថា​​ ភាគ​ច្រើន​ Sushi នៅ​ប្រទេសជប៉ុនសុទ្ធ​តែ​ជាសាច់​ឆៅ។

បន្ទាប់​មក​គឺ​របៀប​ប្រើ​កាំ​បិត

ប្រហែល​អ្នកមិន​ទាន់​ដឹង​ ជាមួយ​នឹង​របៀប​ហាន់​​ខុស​គ្នា​ នឹង​នាំ​មក​នូវ​រស​ជាតិ​ខុស​គ្នា​នៃ​ Sushi របស់​អ្នក​។ ត្រូវ​កំ​ណត់​កន្លែង​​ដើម្បី​ហាន់សាច់ ដើម្បីឲ្យវា​អាច​រក្សាបាន​នូវ​គុណ​ភាព​ដំ​បូង​។ តាម​ប្រភេទ​ត្រី​នីមួយៗ​ហើយ​​យើង​មាន​របៀប​ហាន់ខុសគ្នា។

វីដេអូ​ខាង​ក្រោម​នឹង​បង្ហាញ​ពី​របៀប​ហាន់​ត្រី​ Saba ខ្លាញ់​ច្រើន។

ដោយ​សារ​តែ​បរិមាណ​ខ្លាញ់​ច្រើន​ហេតុ​នេះ​មិន​ត្រូវ​ជ្រលក់​ត្រី​ទៅ​ក្នុង Shoyu (ទឹកស៊ីអ៊ីវជប៉ុន)នោះ​ទេ ប៉ុន្តែ​ត្រូវ​ហាន់​សាច់​​ត្រី​ដើម្បីឲ្យ Shoyu អាច​ជ្រាបចូល។

ដើម្បី​ហាន់​សាច់​ត្រី​យ៉ាង​ល្អ​ឥត​ខ្ចោះ​បែប​នេះត្រូវ​ការ​ស្នាដៃ​​ប្រើ​កាំ​បិត​យ៉ាង​ស្ទាត​ជំ​នាញ​របស់​ចុង​ភៅ។

ទោះ​បី​មិន​មែន​ជា​ត្រីប៉ុន្តែ​មើល​ Clip ហាន់​ផ្លែ​ប៉ោម​នេះ ពិត​ជា​ខ្លាច​ម្នាក់​នេះ​កាត់​ចូល​ដៃរបស់​គាត់ណាស់​។

ដូច​ដែល​បាន​និយាយ​ខាង​លើ​ ប្រភេទ​ត្រី​នីមួយៗ​មាន​វិធី​ហាន់​ខុសគ្នា រួម​ទាំងមឹក​ធំ ត្រី Puffer និងអន្ទង់​ក៏​អញ្ចឹង​ដែរ។

បន្ទាប់​ពី​ធ្វើ​រួច​រាល់ ចុង​ភៅ​ក៏​ត្រូវ​រៀប​ចំផ្ទះ​បាយ​​ដោយ​ផ្ទាល់​ដៃផងដែរ។

ត្រូវ​រក្សាកាំ​បិត​ឲ្យ​​ល្អក្រោយ​ពេល​ប្រើ ដើម្បី​​ឲ្យកាំបិតនៅតែមុត នោះ​ជា​អ្វី​ដែល​ចុង​ភៅ​គ្រប់រូប​ត្រូវ​ចង​ចាំ។

ការប្រើ​កាំ​បិត​ដែល​មុត​ស្រួចមិន​ត្រឹម​តែ​ធ្វើ​ឲ្យ​មុខ​ម្ហូប​ស្អាតប៉ុណ្ណោះ​ទេ ថែម​ទាំង​អាច​រក្សានូវ​រស​ជាតិ​របស់​វា។

មិន​មែន​សម្រាប់​តែ​សាច់​ដាក់នៅផ្នែកខាង​លើ ចំណែកបាយ​នៅខាង​ក្រោម ​គឺជាចំណុច​សំខាន់ដែលមិន​អាច​ខ្វះ​បាន​​ ដើម្បី​​ធ្វើ​​ឲ្យ Sushi ល្អឥត​ខ្ចោះ។

ដាំ​បាយ​ល្មម​ហូបហើយ​បន្ថែម​ទឹក​ខ្មេះ​ក្នុង​បរិមាណ​គួរ​សម។ ជាពិសេស​ត្រូវ​ចាប់​អារម្មណ៍ការ​ចាប់​បា​យ​ក្នុង​បាត​ដៃ។ បើក្តាប់​បាយ​ជាប់​ពេក​អាច​ធ្វើ​ឲ្យបាយ​រឹង ធូរពេក​នឹង​ធ្វើ​ឲ្យ​បាយ​​ច្រុះចេញ​។

ជាមួយនឹង​គុណ​ភាព​ Sushi មួយ​ដុំនៅ​ភោជនីយដ្ឋានកម្រិត​ខ្ពស់ បាយ​នឹង​មិន​បែក​ចេញ​រហូត​ដល់ពេល​អ្នក​ដាក់​ចូលក្នុង​មាត់ ប៉ុន្តែ​អ្នក​នៅ​តែ​ទទួល​បាន​អារម្មណ៍ទន់​ល្មម​របស់​បាយ។

​នៅ​ប្រទេសជប៉ុន​មាន​ហាង​លក់​ Sushi ថោកជាច្រើន​ ប៉ុន្តែ​មាន​តែ​ពេលដែល​​អ្នក​សាក​ភ្លក់​ Sushi ​ស្តង់​ដារទើប​អ្នក​យល់​ច្បាស់​ពី​ភាព​ភ្លឺរលង​របស់​គ្រាប់​បាយ​ ទន់​ល្មើយ​ រួម​ផ្សំយ៉ាង​អស្ចារ្យ​រវាងបាយ​ និងវត្ថុធាតុ​ដើម​ស្រស់។ តម្លៃ​ដែល​ត្រូវ​ចំ​ណាយ​ពិត​ជា​សាក​សម​នឹង​ម្ហូប។

ជាពិសេស​កន្លែង​បែប​នេះ អ្នក​អាច​ញ៉ាំ​បណ្តើរហើយ​មើល​ស្នាដៃ​ធ្វើ​ម្ហូប​របស់​ចុង​ភៅ​ជំនាញបណ្តើរ ឬ​អាច​ហៅ​ពួកគេថា​ជា​សិល្បៈករបញ្ចេញ​ស្នាដៃ​ធ្វើ Sushi នូវចំ​ពោះ​មុខ​អ្នកផ្ទាល់​។

Sushi កាន់​តែ​ពេញ​និយម​នៅ​គ្រប់​ទី​កន្លែង​លើពិភព​លោក​ ប៉ុន្តែ​គ្មាន​កន្លែង​ណា​អាចប្រៀប​​ស្មើ​នឹង​កន្លែង​ដើមទេ។

Abe Kengo