ហេតុអ្វីបានជារសជាតិហឹរនៃ wasabi ឆួល​ដល់ច្រមុះ?

ប្រសិន​អ្នក​ចូ​ល​ចិត្ត​ញ៉ាំមុខ​ម្ហូប​ Sushi នោះ​ wasabi ប្រាកដជា​មិន​ប្លែក​សម្រាប់​អ្នក​ទេ។ ប៉ុន្តែ​តើ​អ្នក​ដឹង​ពី​​រស​ជាតិ​ហឹរ​នៃ wasabi អាចទទួលអារម្មណ៍​ហឹរ​នៅ​​ច្រមុះ​ជំ​នួស​អោយ​អណ្តាតទេ?

Wasabi – ជា​គ្រឿង​ទេសដែល​មិន​អាច​ខ្វះ​បាន ​ពេល​ដែលយើង​ញ៉ាំ Sushi ដ៏​ឆ្ងាញ់។ រសជាតិ​ហឺរ​នៃ​គ្រឿង​ទេសនេះជួយអោយ​បាត់​ក្លិនច្អាបពិសេស​របស់​ម្ហូប​សមុទ្រ ហើយ​ធ្វើ​អោយ​យើង​អាច​ភ្លក់មុខ​ម្ហូប​របស់​ជប៉ុន។

ប្រសិន​បើ​អ្នក​ធ្លាប់​ញ៉ាំ wasabi អ្នក​ប្រាកដ​ជាដឹង​ពី​រសជាតិ​ហឹរ​របស់​វាខុស​ពី​ម្ទេស។ Wasabi ពេល​ដែល​ញ៉ាំហាក់​ដូចជា​មាន​រស​ជាតិ​ហឹរ​ឆួល​ចូល​ច្រមុះ ចំ​ណែក​ម្ទេស​គឺ​រស​ជាតិ​ហឹរ​ក្តៅនៅ​អណ្តាត និង​ក។

ហេតុ​អ្វី​បាន​ជា​មាន​ភាព​ខុស​ប្លែក​បែប​នេះ?

មូល​ហេតុ​នៃ​ភាព​ខុស​ប្លែក​ដោយសារតែសារធាតុបង្កើត​ជា​រស​ជាតិ​ហឹរខុស​គ្នា​នៃ​ប្រភេទ​គ្រឿង​ទេស​ទាំងពីរនេះ។ សារធាតុ​ដែល​បង្កើត​ជារស​ជាតិ​ហឹ​ររបស់​ម្ទេសជា capsaicin, ចំណែក wasabi ពិតប្រាកដពី​សមាសធាតុ​ allyl isothiocyanate។

Capsaicin ពេល​ដែល​ញ៉ាំ​ហើយ​​ ភាគ​ច្រើន​នូវ​តែ​ហឹរ​ក្នុង​មាត់ ដោយ​សារ TPRV1។ Allyl isothiocyanate ងាយ​ប្រែទៅជាចំហាយហើយ​ឆួល​ក្នុង​ច្រមុះ។

សមាសធាតុ​នេះរំញោចសមាសធាតុ​ផ្សេង​ទៀតជា TRPA1 នេះ​ជា​សមាសធាតុ​ដែលធ្វើ​អោយ​​យើងអាច​​ហូរ​ទឹក​ភ្នែ​ក​ ដូចជា ផ្សែងបារី ឬ​ផ្សែង​រថ​យន្ត​។ សរុប​មក​ TRPA1 ជួយ​ប្រាប់​ពី​ចំំ​ហាយ​ដែល​ពិបាក​ទ្រាំ។

ពេល​ដែល​ញ៉ាំនោះ​ TRPA1 នឹង​បញ្ជូន​សញ្ញា​ទៅ​ខួរ​ក្បាល លទ្ធ​ផល​ធ្វើទទួល​មាន​​អារម្មណ៍​ត្រូវ​ដុត​ឆេះ ឬរមាស់​។ ឬ​ក៏​ដោយ​សារ​ TRPA1 ភាគច្រើន​ប្រមូល​ផ្តុំ​នៅ​ច្រមុះជា​​ជាងមាត់ទើប​អារម្មណ៍​ហឹរ ពេលញ៉ាំ​ wasabi នឹង​ត្រូវ​ទទួល​បាន​ភាគ​ច្រើន​នៅ​​ច្រមុះ។

ក្រៅ​ពី​នេះ​​ TRPA1 កាន់​តែ​ពិសេសពេល​ទទួ​ល​បាន​​អារម្មណ៍​ នៃ​សារធាតុ​បញ្ចេញ​ពី​ខាង​ក្នុង​រាង​កាយ​។

ជាមួយ​នឹង​ទំ​នាក់​ទំ​នង​រវាង TRPA1 និង​សារធាតុ allyl isothiocyanate ក្នុង​ wasabi។ ក្រៅ​ពីធ្វើអោយ​មុខម្ហូប​ Sushi កាន់​តែ​ឆ្ងាញ់​ ទាំង​នេះ​កំ​ពុង​ត្រូវ​បាន​អ្នក​វិទ្យាសាស្រ្តស្រាវ​ជ្រាវ ដើម្បី​បង្កើត​ជា​ឧ​បករណ៍​មិន​សូវ​ជា​ទាក់​ទង​ ប៉ុន្តែ​អាច​ជួយ​ដល់​មនុស្ស។

តើ​អ្នក​ដឹងថា wasabi ដែល​អ្នក​កំ​ពុង​ញ៉ាំ​មិន​មែន​ជារបស់​ពិត​ដែរឬទេ?

តាម​ការ​ពិត​ភាគ​ច្រើន​ wasabi យើង​ញ៉ាំ​បច្ចុប្បន្នមិន​មែន​ជា​របស់​ពិត​ ១០០% ទេ។ Wasabi សុទ្ធធ្វើពីមើម​នៃ​ដើម​ Eutrema japonicum, ប៉ុន្តែ​ប្រភេទ​ដើម​នេះពិត​ជា​ពិបាក​ដាំ ទោះ​បីជា​នៅ​ប្រទេសជប៉ុន​​ក៏​ដោយ​។ ហេតុ​នេះ​ wasabi ពិត​ប្រាកដ​មាន​តម្លៃ​ថ្លៃ ហើយ​ប្រសិន​​បើ​មិន​រស់​នៅជប៉ុន​ភាគ​រយ​ដែល​អ្នកទិញ​​ទំ​និញ​ពិត​គឺ​ទាប​ណាស់។

ការ​លាយ​ផ្សំគ្រឿង​ទេស​ពណ៌​ខៀវដែល​យើង​តែង​ប្រើដើម្បី​ជ្រលក់ Sushi ត្រូវ​បាន​លាយ​ពី Horseradish និង mustard oil បន្ទាប់មកបន្ថែមពណ៌បៃតងដើម្បីមើលទៅដូច wasabi ពិត។

ប៉ុន្តែ​កុំ​អស់​សង្ឃឹម​​​​​អី​ តាមការ​ពិត​​ wasabi សុទ្ធ និង wasabi មិន​ពិតចេញ​​ពីដើម Horseradish មាន​រស​ជាតិ​ប្រហាក់​ប្រហែល។

ប្រភព Scishow

 

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: