ខ្សែភាពយន្តទាំង ៨ សម្រាប់អ្នកដែលចូលចិត្តម្ហូបអាហារ

ថ្ងៃពុធ 16/01/2019 | 11:57 ព្រឹក

សម្រាប់អ្នកដែលចូលចិត្តម្ហូបអាហារ ការចម្អិនម្ហូប ការច្នៃប្រឌិតក្នុងមុខម្ហូប ឬការញ៉ាំម្ហូបអាហារក៏អាចធ្វើអោយពួកគេ មានសុភមង្គល។ អាហារឆ្ងាញ់ជាផ្នែកមួយដែលសំខាន់ មិនអាចខ្វះបានក្នុងជីវិតរបស់ពួកគេ អ្វីដែលទាក់ទងនឹងម្ហូបអាហារ ការតុបតែងមុខម្ហូបហើយមានរសជាតិឆ្ងាញ់សុទ្ធតែត្រូវបានគេយកចិត្តទុកដាក់។

រូបភាព youtube.com

ក្នុងខ្សែភាពយន្តក៏ដូច្នេះដែរ តើអ្នកធ្លាប់ឮពាក្យ “ញ៉ាំព្រោះតែភ្នែក” ទេ? ប្រសិនបើអ្នកយល់ថាញ៉ាំដើម្បីរស់ ឆ្អែត នោះប្រហែលជាអ្នកមិនទាន់យល់ពាក្យនេះ។ ពេលដែលអ្នកអាច “ញ៉ាំព្រោះតែភ្នែក” នោះគឺជាពេលដែលអ្នកចាត់ទុកមុខម្ហូប ដូចជាសិល្បៈនៃការតុបតែងម្ហូបអញ្ចឹង។ ហេតុនេះនៅប្រទេសជប៉ុន មានខ្សែភាពយន្តជាច្រើនដែលមានចំណងជើងនិយាយពីអាហារ។

១. Tampopo (1985/2016)

Tampopo គឺជារឿងនិយាយពីក្រុម Ramen Ronin មួយ អ្នកដែលដើរតួជាអ្នកដែលប្រឹក្សាអោយម្ចាស់ភោជនីយដ្ឋានជាស្ត្រីមេម៉ាយម្នាក់ដែលស្វែងរករូបមន្តទឹកជ្រលក់។ Tampopo គឺជាការរួមផ្សំនៃឈុតឆាកជាច្រើនដូចជា ហឹង្សា ស្នេហា ការបំផុសគំនិតហើយមានផ្នែកមួយចំនួនត្រូវបានគេវាយតម្លៃថាមិនសាកសម។

សូមគិតអោយបានច្បាស់លាស់ពេលដែលជ្រើសរើសខ្សែភាពយន្តនេះ។

២. សុបិន្តរបស់ Jiro អំពី Sushi (2012)

នេះគឺជារឿងនិយាយអំពី Jiro Ono អាយុ ៨៥ ឆ្នាំ ចុងភៅដែលយូរបំផុតទទួលបានផ្កាយ Michelin ៣ ហើយត្រូវបានមនុស្សជាច្រើនយល់ថាគាត់ជាគ្រូខាងផ្នែក Sushi អស្ចារ្យបំផុតលើពិភពលោក។

ទន្ទឹមនឹងការផ្សព្វផ្សាយផ្នែកវប្បធម៌របស់ប្រទេសជប៉ុន ខ្សែភាពយន្តនេះជារឿងនិយាយពីអ្នកដែលដើរតាមសេចក្តីស្រមៃ និងការចំណាយពេលសម្រាប់ចំណូលចិត្តរបស់ខ្លួន។ ក្នុងរឿងមានឈុតឆាកគួរអោយចាប់អារម្មណ៍ជាច្រើន ទីតាំងកន្លែងស្រស់ស្អាតធ្វើអោយកាន់តែលេចធ្លោនៃ Sushi ក្រោមស្នាដៃរបស់ចុងភៅ។

៣. An (2016)

តើអ្នកធ្លាប់សាកល្បងភ្លក់នំ Dorayaki ទេ? ប្រសិនបើនៅ ក្រោយពីពេលមើលរឿងនេះ អ្នកនឹងចង់ទិញនំមួយដើម្បីញ៉ាំភ្លាម។ នេះជារឿងដែលរំភើបចិត្តនិយាយពីមិត្តភាពកម្រមានរវាងបុរសលក់ស្ករគ្រាប់ម្នាក់ ស្រ្តីម្នាក់អាយុ ៧៦ឆ្នាំ និងសិស្សស្រីម្នាក់។

សាច់រឿងពិតជារំភើបចិត្ត ហើយសាមញ្ញប៉ុន្តែត្រូវបានរៀបរាប់ ដោយទឹកចិត្តរបស់អ្នកដឹកនាំសម្តែង។ អ្នកនឹងមិនដឹងថា មនុស្សអាចប្រែទៅជារឹងមាំយ៉ាងណានៅពេលដែលទស្សនាខ្សែភាពយន្តនេះ។ ភាពរីករាយធម្មតាតែជាថ្នាំល្អសម្រាប់ព្យាបាលចិត្ត មេរៀននៃការយោគយល់ និងការចែករំលេកនៃមនុស្សដែលមាន អាយុខុសគ្នា An ជាតួអង្គដែលប្រាកដជាធ្វើអោយអ្នករំភើបចិត្ត។

៤. ភោជនីយដ្ឋានរបស់ Rinco (2011)

ជាខ្សែភាពយន្តដែលធម្មតា និយាយពី Rinco និងក្តីស្រមៃ បើកភោជនីយដ្ឋានរបស់នាង។ ជាមួយនឹងចំណងជើងនៃ ទំនាក់ទំនងម្តាយកូន រឿងចាប់ផ្តើមជាមួយនឹងបទចម្រៀងណែនាំ Rinco ក្តីស្រមៃរបស់នាង និងគ្រួសារ។ នាងបានចាកចេញពីម្តាយ ហើយមានរឿងមួយបានកើតឡើងគឺ Rinco បាត់បង់សម្លេង។

មិនអាចនិយាយ Rinco បង្ខំចិត្តត្រូវត្រលប់ទៅផ្ទះជាមួយម្តាយ និងសត្វជ្រូកចិញ្ចឹម។ ខ្សែភាពយន្តមានឈុតឆាកកំប្លែងច្រើន ហើយក៏ឆ្លុះបញ្ជាំងពីភាពជាក់ស្តែង ជាជម្រើសល្អសម្រាប់អ្នកដែលមានចិត្តអាណិត។

៥. Patisserie Coin de Rue (2011)

ខ្សែភាពយន្តនិយាយអំពីការប្តេជ្ញាចិត្តរបស់ Natsume អ្នកដែលបានចាកចេញពីស្រុកកំណើត Kagoshima ទៅដល់ Tokyo ដើម្បីស្វែងរកមិត្តប្រុសរបស់ខ្លួន (មិត្តប្រុសរបស់នាងជាអ្នកធ្វើនំនៅ Coin de Rue Patisserie)។

បន្ទាប់មក Natsume ក៏ចាប់ផ្តើមរៀនធ្វើនំ។ រឿងនិយាយពីស្នេហា ភាពឧស្សាហ៍ព្យាយាម និងការតស៊ូ ទទួលបានលទ្ធផលនៃមុខម្ហូបដ៏ឆ្ងាញ់។

៦. Little Forest Summer / Autumn (2014)

ខ្សែភាពយន្តពណ៌នាអំពីជនបទជាមួយនឹងទន្លេមានទេសភាពស្ងាត់ និងសួនផ្លែឈើនៅប្រទេសជប៉ុន។ ក្រៅពីនេះរឿងថែមទាំងនិយាយពីជីវភាពប្រចាំថ្ងៃរបស់ប្រជាជនក្នុងតំបន់ដូចជាដាំស្រូវ ធ្វើដំណាប់ សម្លាប់សត្វទា -ល-។

៧. បុរសចុងភៅ (2009)

ខ្សែភាពយន្តនេះនិយាយអំពីបុរសជប៉ុន ៧នាក់ រស់នៅកន្លែងស្រាវជ្រាវដំបូលមូល Fuji នៅប៉ែកខាងត្បូងក្នុងរយៈពេល ៤០០ថ្ងៃ។ ខ្សែភាពយន្តយកតាមដំណើររឿងពិតនិយាយពី Nishimurachinh ចុងភៅដែលពូកែ។ គាត់បានសរសេរជាសៀវភៅរឿងសម្រាប់ខ្សែភាពយន្តនេះ។

៨. អាហារពេលយប់ Kamome (2006)

Kamome Diner គឺជាខ្សែភាពយន្តដែលត្រូវបានថតនៅហ្វាំងឡង់។ សាច់រឿងមានឈុតឆាកជាច្រើន មានទាំងពិបាកចិត្ត ស្នេហា និងមានកន្លែងខ្លះកំប្លែង។ រឿងនិយាយអំពី Sachie 38 ឆ្នាំ និងហាងម្ហូបជប៉ុនទើបតែបើករបស់នាងនៅ Helsinki។

ប្រភព https://savvytokyo.com/8-japanese-films-foodies/

Neko