ការតុបតែងរចនាបថរបស់ជប៉ុនសម្រាប់ឆ្នាំថ្មីបន្ថែមភាពទាន់សម័យ

ថ្ងៃសៅរ៍ 29/12/2018 | 3:46 ព្រឹក

Minamo ជាវិធីអានពីមុននៃ 水面 មានន័យថាជាផ្ទៃទឹកក្នុងភាសាជប៉ុន។ ក្រៅពីនេះវាក៏ជាឈ្មោះវត្ថុ ដែលប្រជាជនជប៉ុនកំពុងតែរងចាំសម្រាប់ឆ្នាំថ្មី ២០១៩។ យកគំនិតតាមផ្ទៃទឹកដូចជាកញ្ចក់ ប៉ុន្តែមានរូបភាពជារលកលើទឹក អ្នករចនាមកពីប្រទេសជប៉ុនបានបង្កើតចានមានរាងទាបជាមួយនឹងរូបរាងទាក់ទាញ។

Minamo ជាចានទាប(កំប៉ែត)ដែលធ្វើពីលោហៈ បង្ហាញពីផ្ទៃទឹកចែងចាំងដោយប្រើប្រាស់បច្ចេកវិទ្យា និងស្នាដៃជំនាញនៃអ្នករចនា។ ទោះបីពិតជាពិបាកធ្វើចេញជារូបរាងនៃផ្ទៃទឹក តែក្រុមអ្នករចនា នាំមុខគឺ Esai Shibagaki បានប្រើបច្ចេកវិទ្យា 3D ដើម្បីបង្ហាញលើកុំព្យូទ័រ បន្ទាប់មកបញ្ចូលគ្នានូវបច្ចេកវិទ្យាចេញជាស្នាដៃរបស់ពួកគេ។