ដាច់ផ្ងារ…! មើលទៅស្មានថាជាឈើ ប៉ុន្តែបែរជាគ្រឿងផ្សំមិនអាចខ្វះបាននៅក្នុងមុខម្ហូបជប៉ុន

ថ្ងៃសៅរ៍ 03/11/2018 | 17:29 ល្ងាច

ឥឡូវនេះខ្ញុំសូមសួរអ្នកមួយសំណួរណា! មើលទៅរូបភាពខាងក្រោមនេះ សូមទាយមើល៎ ថានេះគឺជាអ្វី?

រូបភាព anything-from-japan.com

អ្នកនឹងគិតថា នេះគ្រាន់តែជាឈើមួយមែនទេ? ខុសហើយណា! មើលទៅបែបនេះទេ ប៉ុន្តែវាគឺជារបស់ដែលអាចញ៉ាំបាន។ នេះប្រហែលជាមុខម្ហូបមួយដែលប្លែកបំផុតនៅប្រទេសជប៉ុន។ ត្រូវហើយអ្វីដែលមាននៅក្នុងរូបភាពខាងលើនោះគឺជា Katsuobushi ត្រូវបានគេស្គាល់ផងដែរថាជាត្រីធូណាក្រៀម។

រូបភាព https://www.tofugu.com

នេះគឺជាផ្នែកមួយក្នុងចំណោមគ្រឿងផ្សំធ្វើម្ហូបប្រពៃណីរបស់ជប៉ុន Katsuobushi ជាគ្រឿងទេសសំខាន់ក្នុងមុខម្ហូបមួយចំនួន(ដូចជា Okonomiyaki និង Takoyaki) ហើយវាក៏ជាគ្រឿងផ្សំសំខាន់នៅ ក្នុងទឹកស៊ុប Miso និង Soba/Udon ផងដែរ។

វិធីដែលផលិតត្រីធូណាក្រៀម គឺមានភាពពិបាកច្រើន។ ដំបូងត្រីត្រូវបានកាត់ជាចំណិតៗ បន្ទាប់ពីនេះត្រូវឆ្អើរលើភ្លើង និងក្រោមកំដៅថ្ងៃ។ បន្ទាប់មកទៀតត្រីត្រូវបានយកចូលរក្សាទុកក្នុងបន្ទប់មួយបិទជិតដើម្បីអោយត្រីឡើងផ្សិត ក្នុងដំណាក់កាលនេះ គេត្រូវកាវផ្សិតចេញពីសាច់ត្រីជាញឹកញាប់រហូតដល់ត្រីមិនចេញផ្សិតទៀត។ ទីបញ្ចាប់ចំណិតត្រីនឹងប្រែទៅជារឹងដូចចំណិតឈើ ឬដុំថ្មអីចឹង។

គ្នានអ្នកណាហូបចំណិតត្រីធូណាក្រៀមនេះទេ តែគេត្រូវហាន់ ជាបន្ទះស្តើងៗ ដោយឧបករណ៍មួយមានឈ្មោះថា Katsuobushi Kezuriki។