អ្នក​អាច​ស្រវឹង​នៅ​ហាង​ Tokyo ត្រឹម​តែ​តម្លៃ ១០០០ យ៉េន

តើ​អ្នក​ធ្លាប់​បាន​ឮពាក្យ​ Senbero នៅ​ក្នុង​ភាសាជប៉ុន​ឬនៅ? នោះ​ជា​ការ​រួម​បញ្ចូល​នៃ​ពាក្យ​ Sen មាន​ន័យ​ថា “១០០០” និង Berobero មាន​ន័យ​ថា “​ស្រវឹង”។

ក្នុង​ពេល​ថ្មីៗ​នេះ​​ Izakaya (ហាង​ស្រា​) នៅ​ប្រទេស​ជប៉ុន ពិសេស​គឺ​នៅ Tokyo បាន​ផ្គត់​ផ្គង់​នូវ​សេវា​ Senbero អនុញ្ញាត​អោយ​អ្នក​ស្រវឹង​អោយ​អស់​ដៃ​ពេល​​មាន​ត្រឹម​តែ ១០០០យ៉េនក្នុង​ហោប៉ៅ។ ខាងក្រោមនេះ​សូម​ណែនាំ​អោយ​អ្នក​ទាំង​អស់​គ្នា​កន្លែង​ដែល​សាក​សម​ជាមួយ​ហោ​ប៉ៅ​លុយ​របស់​អ្នក​ណាដែល​ចូល​ចិត្ត​ផឹក​ស្រា​ ប៉ុន្តែ​មិន​មាន​លុយ​សម្រាប់​ចូល​ហាង​ដែល​ថ្លៃ។

រូប​ភាព : webmagazine

១. Motsuyaki Ban (Yutenji)

រូប​ភាព : deskgram

កន្លែង​នេះ​ត្រូវ​បាន​គេ​ស្គាល់ថា​ជាកន្លែង​ផលិត​ស្រា​ក្រូច​ឆ្មា​ ប្រភេទ Cocktail ជា​ប្រភេទ​ស្តង់ដាររបស់​ប្រទេ​សជប៉ុន​ដែល​ធ្វើពី Shochu, Soda និង សុី​រូ៉។

​រូប​ភាព : deskgram

ស្រាក្រូច​ឆ្មា​នៅ​ទី​នេះ​មាន​តម្លៃ ៣០០យ៉េន ហើយ​សាច់​អាំ​ង​គ្រាន់​តែ​ចំណាយ ១០០យ៉េន។ ពួក​គេ​ថែម​ទាំង​មាន​នូវ​មុខម្ហូប​ផ្សេង​ទៀត​ដូចជា​សាច់​ជ្រូក​ចំ​ហុយ កន្ទុយ​ជ្រូ និង​មុខម្ហូប​ផ្សេ​ងទៀត។ អ្នក​អាច​ញ៉ាំ​ឆ្អែត​ពោះ​របស់​ខ្លួន​ត្រឹម​តែ ១០០០​យ៉េននៅ​ទី​នេះ។ ខ្ញុំ​ពិតជា​ចង់​ណែនាំ​អោយ​អ្នក​មក​ទី​នេះប្រសិន​បើ​អ្នក​ចង់​ញ៉ាំ​បាន​ច្រើន​ពេល​ដែល​ផឹក​ស្រា។

រូប​ភាព : instapuk

អាស័យ​ដ្ឋាន​៖ Motsuyaki Ban

ថ្ងៃទី២ ខែ​សីហា ឆ្នាំ២០១៧ Yutenji, Meguro, Tokyo

ម៉ោង​បើក​ទ្វារ៖ [ថ្ងៃ​ច័ន្ទ – ថ្ងៃ​សុក្រ] ម៉ោង​ ៤​ល្ងាច – ១១យប់ (ការ​កក់​ម្ហូប​ចុង​ក្រោយ​នៅ​ក្នុ​ងម៉ោង​ ១០ៈ១៥នាទីយប់)

[ថ្ងៃ​សៅរ៍] ម៉ោង ៣​ល្ងាច – ១១យប់ (ការ​កក់​ម្ហូប​ចុង​ក្រោយ​នៅ​ក្នុ​ងម៉ោង​ ១០ៈ១៥នាទីយប់) [ថ្ងៃ​អាទិត្យ​] ម៉ោង ៣​ល្ងាច – ១០យប់ (បិទ​ទ្វារ​ម៉ោង​ ៩ៈ១៥នាទីយប់)

ឈប់​លក់​ពេញ​មួយ​ថ្ងៃ​៖ ថ្ងៃ​ចូល​ឆ្នាំ និងថ្ងៃ​​បុណ្យ Obon

២. Iseya (Kichijoji)

រូប​ភាព : pissr.com

ភោជនីយដ្ឋាន Yakitori (សាច់​មាន់​អាំង​) នេះ​អាច​រកឃើញ​នៅ Kichijoji។ អ្នក​នឹង​ងាយ​ស្រួល​ស្វែង​រក​ភោជនីយ​ដ្ឋាន​ដោយ​សារ​តែ​ មាន​ចង្កៀង​កោមព័ណ៌​ក្រហមភ្ជួរ​ជុំ​វិញ។ ភោជនីយដ្ឋាន​នេះ​មិន​ត្រឹម​តែ​ល្បី​ឈ្មោះសម្រាប់​ប្រជាជន​នៅ​ទី​នោះ​ទេហើយ​ថែម​ទាំង​ល្បី​ចំ​ពោះ​ខេត្ត​ដែល​ស្ថិត​នៅ​ជិត​ខាង​ថែម​ទៀត។

រូប​ភាព : timeout.com

អ្នក​អាច​ញ៉ាំ​សាច់​មាន់​ដោត​ចង្កាក់​អាំ​ងមាន​តម្លៃ​ ៨០​យ៉េន​ក្នុង​មួយ​​ចង្កាក់។ Izakaya ច្រើន​លក់​សាច់​មាន់​ចង្កាក់ជា​គូរ​ ប៉ុន្តែ Iseya ផ្គត់​ផ្គង់​ជម្រើស​ជា​ច្រើន​ផ្សេង​គ្នា​។ នៅ​ទីនេះស្រាដែល​ថោក​ជាង​គេ​នោះគឺ Shochu មាន​តម្លៃ ២២០​យ៉េន​ ហេតុ​នេះ​កន្លែង​នេះ​សម្រាប់​អ្នក​ដែល​ចង់​ផឹក​ស្រា ​បន្តិច​ម្តងៗហើយ​ញ៉ាំ​នូវ​មុខ​ម្ហូប​មួយ​ចំ​នួន​របស់​ Yakitori ដែល​ឆ្ងាញ់។

អាស័យ​ដ្ឋាន​៖ Iseya

1-2-1 Gotenyama, Musashino, Tokyo

ម៉ោង​បើក​ទ្វារ៖ ១២ៈ០០ថ្ងៃត្រង់ – ១០ៈ០០​យប់

បិទ​ទ្វារ៖ ថ្ងៃ​អង្គារ

លេខទូរស័ព្ទ៖ 0422-47-1008

៣. Sakaba Fukuro (Ikebukuro)

រូប​ភាព : tripadvisor.com.vn

ហាង​ស្រាដែល​ល្បី​ឈ្មោះ​នេះបាន​បើក​ទ្វារ​​រយៈពេល ៥០​ឆ្នាំ។ Ly Highballs ក្រូច​ឆ្មា​នៅ​ទី​នេះមាន​តម្លៃ ២០០​យ៉េន​ និង Hoppy គឺ ២២០​យ៉េន។

រូប​ភាព : tripadvisor

ពួក​គេ​បម្រើ​នូវ​មុខ​ម្ហូប​ច្រើន​បែបរបស់​ Izakaya ដូច​ជា​ចំហុយ​ និង​សាច់​មាន់​ក្រៅ​ពីនេះ​ពួក​គេ​ថែម​ទាំង​មាន​លក់​សាច់​ត្រី​បាឡែន​។ មុខ​ម្ហូប​នៅ​ទី​នេះមាន​តម្លៃ​ចាប់​ពី ៣០០យ៉េន​រហូត​ដល់ ៨០០​យ៉េន ជាមួយ​នឹង​តម្លៃ​ថោក​បែប​នេះពិ​ត​ជាសាក​សម​សម្រាប់​យើង​អាច​ហៅ​ថែម​ប៉ុន្មាន​មុខ​ទៀតហើយ​អាច​ចេញ​លុយ​ជា​មួយ​គ្នា​។

អាស័យ​ដ្ឋា​ន​៖ Sakaba Fukuro

1F-3F, 1-14-2 Nishi – Ikebukuro, Toshima 2F . 3F

ម៉ោង​បើក​ទ្វារ​៖ ៨ៈ០០ព្រឹក​ – ២ៈ៣០ល្ងាច​ (ម៉ោង​​កក់​មុខ​ម្ហូប​ចុង​ក្រោយ​គឺ​​​ ១ៈ៣០​ល្ងាច) ម៉ោង​ ៣ៈ០០ល្ងាច – ១២ៈ០០​យប់​ (ម៉ោង​​កក់​មុខ​ម្ហូប​ចុង​ក្រោយ​គឺ​​​ ១១ៈ៣០​យប់)

៤. Oojiro (Shinbashi)

រូប​ភាព : tabelog

នៅ​ទី​នេះ​ល្បី​ឈ្មោះ​ជាមួយ​សាច់​ផ្លៅដែល​ត្រូវ​បាន​ហាន់យ៉ាង​ក្រាស។

រូបភាព : tripadvisor

មុខ​ម្ហូប​ និង​ភេសជ្ជៈសុទ្ធ​តែមាន​តម្លៃ​សមរម្យ​ប្រហែល ៣០០​យ៉េន​។ អ្នក​ក៍​អាច​ទទួល​បាន​ Shochu Highballs និង​ស្រា ៣០០​យ៉េន​ក្នុង​មួួ​យ​កែវ ​ទាំង​អស់​នេះ​ពិត​ជា​សាក​សម​ជាមួយ​នឹង អ្នក​ដែល​ចង់​ផឹក​ច្រើន​។

អាស័យដ្ឋាន​៖ Oojiri

3-10-6 Shinbashi, Minato, Tokyo

ម៉ោង​បើក​ទ្វារ៖ ៤ៈ០០ល្ងាច​ – ១១ៈ០០យប់

បិទ​ទ្វារ៖ ចុង​សប្តាហ៍​ និង​ថ្ងៃ​បុណ្យ​

៥. Sake Tachinomi Kitaya (Akabane)

រូបភាព : tripadvisor.com

អ្នក​នឹង​រក​ឃើញ Kitaya ដោយសារ​តែ​វាំង​នូនបង្អួចព័ណ៌ខៀវពិសេស​ និង​ចង្កៀង​កោម​ព័​ណ៌​ក្រហម​ខាង​លើ​។ តារាង​មុខ​ម្ហូប​ត្រូវ​បាន​ផ្លាស់​ប្តូរ​ជា​រៀង​រាល់​ថ្ងៃ​ ហេតុ​នេះ​អ្នក​អាច​ញ៉ាំ​នូវ​មុខ​ម្ហូប​ប្លែក​ពី​គ្នា​នៅ​ពេល​ដែល​មក​ដល់​ហាង​នេះ​លើក​ទី​ពីរ។ ពួក​គេ​មាន​លក់​ត្រី​ធូ​ណា​ស្រស់ ​ដែល​បាន​យក​ផ្ទាល់​ពី​ផ្សារត្រី Tsukiji ល្បីឈ្មោះ​ជា​រៀង​រាល់​ព្រឹកជាមួយ​នឹង​តម្លៃ ១៦០​យ៉េន​ក្នុង​មួយចាន។

អាស័យ​ដ្ឋាន​៖ Sake Tachinomi Kitaya

1-8-1 Akabaneminami, Kita, Tokyo

ម៉ោង​បើកទ្វារ​៖ [ថ្ងៃ​ច័ន្ទ – ថ្ងៃ​សុក្រ​] ៩ៈ០០​ព្រឹក​ – ១១ៈ០០​យប់​ [ថ្ងៃ​សៅរ៍] ៧ៈ០០​ព្រឹក​ – ១១ៈ០០យប់ [ថ្ងៃ​អាទិត្យ] ៧ៈ០០ព្រឹក​ – ១០ៈ០០យប់។

Senbero មិន​ត្រឹម​តែ​ថោក​ហើយ​វា​ថែម​ទាំង​នាំ​មក​នូវ​ Izakaya គ្រប់​គ្រាន់​សម្រាប់​អ្នក​ដែល​ចូល​ចិត្ត​ស្រា​ដែល​មាន​ជាតិ​អាកុល។ អ្នក​អាច​សាក​ល្បង​ទៅ Izakaya ខាង​លើ​ប្រសិន​បើ​អ្នក​នៅ​សល់​ត្រឹម​តែ ១០០០​យ៉េន​ក្នុង​កាបូប អ្នក​នឹ​ងមាន​ការ​ភ្ញាក់​ផ្អើរ​ពេល​ដែល​អាច​ស្រវឹង​ដោយ​មិន​ចំណាយ​ច្រើន​បែប​នេះ។

ប្រភព : mishimoshi.nippon

Neko

មើលបន្ថែម: