ភាពខុសគ្នាក្នុងការបរិភោគសាច់តាមតំបន់នីមួយៗនៃប្រទេសជប៉ុន

ថ្ងៃសៅរ៍ 18/08/2018 | 17:55 ល្ងាច

ប្រទេសជប៉ុនមិនមែនជាប្រទេសដែលមានវប្បធម៌ញ៉ាំសាច់ទេ។ ប៉ុន្តែដោយសារការហូរចូលនៃវប្បធម៌បរទេស ចំនួនមនុស្សដែលញ៉ាំសាច់នៅប្រទេសជប៉ុនកាន់តែច្រើនឡើង។

ស្រដៀងទៅនឹងប្រទេសកម្ពុជា ជនជាតិជប៉ុនភាគច្រើនញ៉ាំ សាច់បីប្រភេទគឺ៖ សាច់ជ្រូក សាច់គោ សាច់មាន់។

ក្រៅពីនេះពួកយើងថែមទាំងញ៉ាំសាច់សេះ សាច់ក្តាន់ សាច់ខ្លាឃ្មុំ ជ្រូកព្រៃ និងសាច់ទា… ប៉ុន្តែមិនញ៉ាំសាច់ឆ្កែ និងសាច់ឆ្មាជាដាច់ខាត។

ប៉ុន្តែត្រឹមតែប្រភេទសាច់មូលដ្ឋាន តាមតំបន់ ជាមួយនឹងការចម្អិនខុសគ្នា និងនាំមកនូវរសជាតិផ្សេងគ្នា ក្រៅពីសាច់មាន់។

នៅតំបន់ Kanto មនុស្សគ្រប់គ្នាតែងតែញ៉ាំសាច់ជ្រូក តំបន់ Kansai ញ៉ាំសាច់គោ និង Hokkaido ញ៉ាំសាច់ចៀម។

ឧទាហរណ៍ដូចជាមុខម្ហូបការី ជាមុខម្ហូបដែលពេញនិយម នៅប្រទេសជប៉ុន។ អាស្រ័យលើតំបន់នីមួយៗនោះគេប្រើសាច់ ក្នុងការីក៍ខុសគ្នា។

រូបភាព : http://www.aco-mom.com/family/2015-may-15.php

នៅតំបន់ Kanto គេចម្អិនការីជាមួយសាច់ជ្រូក ជួនកាលក៍ប្រើសាច់គោ ប៉ុន្តែពេលដែលនិយាយដល់ការីសាច់គោ ត្រូវរំលឹកដល់តំបន់ Kansai។ បច្ចុប្បន្នគេកំពុងកាត់បន្ថយចម្អិនការី ជាមួយសាច់ជ្រូកនៅគ្រប់ទីកន្លែងនៅប្រទេសជប៉ុន។

ជាមួយនឹងមុខម្ហូប Sukiyaki អ្នកដែលនៅតំបន់ Kanto ញ៉ាំជាមួយសាច់គោ ក្នុងខណៈពេលអ្នក Hokkaido ញ៉ាំជាមួយសាច់ចៀម។

រូបភាព : http://mi-journey.jp/foodie/14623

ជាមួយនឹងមុខម្ហូប Tonkatsu នៅតំបន់ Kanto ប្រើសាច់ជ្រូក។

រូបភាព : http://item.rakuten.co.jp/stukiji-ousama/raos-tonkastu/

ប៉ុន្តែនៅតំបន់ Kansai បែរជាក្លាយទៅជាសាច់គោ ហៅថា Gyukatsu។

រូបភាព : http://matomeshi.jp/article/1144

អ្នកប្រហែលជាមិនហានញ៉ាំពេលដែលឃើញសាច់ព័ណ៌ក្រហមមែនទេ? ប៉ុន្តែអ្នកអាចទុកចិត្តបាន ដោយសារ តែមិនដូចទៅនឹងសាច់ជ្រូកទេ សាច់គោអ្នកអាចនឹងញ៉ាំឆៅបាន។

នៅតំបន់ Kansai អ្នកអាចឃើញហាងលក់ម្ហូបគេ ប្រើសាច់ជ្រូកធ្វើ Tonkatsu ប៉ុន្តែមុខម្ហូប Gyukatsu មិនមាននៅហាងលក់ម្ហូបនៅតំបន់ Kanto ទេ។

នៅមានចំនុចខុសគ្នាខាងវប្បធម៌ផ្សេងទៀតដោយនៅក្នុងចំណោមនោះមកពីកន្លែងផលិតសាច់។ តំបន់ Kansai មានហាងលក់សាច់ដែលល្បីឈ្មោះជាច្រើនដែលខ្ញុំប្រាកដថាមនុស្សជាច្រើននឹងធ្លាប់បានដឹង ឧទាហរណ៍។

神戸牛 (សាច់គោ Kobe)

近江牛 (សាច់គោ Omi)

大和牛 (សាច់គោ Yamato)

បច្ចុប្បន្ននេះកន្លែងផលិតសាច់នេះកំពុងបង្កើនបរិមាណដោយសារតែការរីកចម្រើននៃវប្បធម៌ញ៉ាំសាច់នៅក្នុងសង្គមជនជាតិជប៉ុន។ ប៉ុន្តែប្រសិនបើចង់និយាយពីកន្លែងដែលផ្គត់ផ្គង់សាច់គោដែលល្អបំផុតនៅប្រទេសជប៉ុនត្រូវតែទៅដល់តំបន់ Kansai។

ដំណាក់កាលដែលផលិតនូវសាច់គោដែលឆ្ងាញ់ក៍ច្រើន។ ហើយបើមានស្នាដៃល្អបន្ទះសាច់កាន់តែមានគុណភាពខ្ពស់ មានន័យថាតម្លៃនឹងថ្លៃជាង។

ដោយសារតែសាច់គោតំបន់ Kansai មានគុណភាព គ្មាននរណាគិតពីការញ៉ាំសាច់ជ្រូក និងសាច់ចៀមទៀតទេ។

ផ្ទុយមកវិញ នៅតំបន់ Hokkaido កន្លែងដែលមានចិញ្ចឹមសត្វ ចៀម សាច់ចៀមគឺជាប្រភេទសាច់ដែលទទួលបានការពេញ ចិត្តច្រើន។ ពេលរំលឹកដល់ Yakiniku គឺនិយាយដល់សាច់គោ ប៉ុន្តែនៅ Hokkaido បែរជាមានប្រភេទ Yakiniku យ៉ាងពិសេស ដែលគេហៅថា Genghis Khan។ Genghis Khan គឺជាសាច់ពិសេសនៅតំបន់នេះ។

តើអ្នកចូលចិត្តញ៉ាំសាច់ដែរឬទេ? អ្នកចូលចិត្តញ៉ាំសាច់ប្រភេទណាជាងគេ? ឆ្លើយបាននូវសំណួរខាងលើ អ្នកអាចជ្រើសរើសនូវតំបន់សម្រាប់ដំណើរកំសាន្តទៅប្រទេសជប៉ុនដើម្បីសមទៅនឹងចំណង់ចំណូលចិត្តរបស់អ្នកជាងគេ។

ប្រសិនបើអ្នកចង់ញ៉ាំសាច់គោ សូមមកតំបន់ Kansai។ ទោះបីអ្នកគ្រាន់តែដឹងពីសាច់គោ Kobe ប៉ុន្តែសាច់គោនៅតំបន់ផ្សេងក៍គួរអោយចាប់អារម្មណ៍ដែរ។

Kengo Abe