ប្លែក…! ការប្រណាំងសេះដែលយឺតបំផុតលើពិភពលោក មាននៅក្នុងប្រទេសជប៉ុន

នៅ Hokkaido ប្រជាជន​រៀប​ចំ​ការ​ប្រណាំង​សេះ​យឺត​ និង​សេះ​ដែល​ទៅ​ដល់​គោល​ដៅក្នុង​ល្បឿន​​លឿន​។

​ក្នុង​ការ​ប្រណាំង​សេះ​នៅលើពិភពលោកល្បឿន​គឺជាអ្វី​ដែល​សំ​ខាន់​បំ​ផុត។ ប៉ុន្តែ​សម្រាប់​ Ban’ei ការ​ប្រណាំងសេះនៅ​កោះ Hokkaido ប្រទេសជប៉ុន កម្លាំង​ និង​ការ​ស៊ូ​ទ្រាំទើប​សំ​ខាន់។

សេះ​ប្រណាំង​ Ban’ei (ត្រូវ​បាន​ហៅ​ថា banba) មិនដូចសេះដែលរត់​លឿន​ផ្សេង​ទៀតទេ​។ វា​មាន​ទម្ងន់​ធ្ងន់​ដល់​ទៅ ១.២០០គីឡូ​គ្រាម​ ហើយ​ធំ​ជាង​ទ្វេ​ដង​ប្រៀប​ជា​មួយ​សេះ Dosanko ពូជ​សេះ​តូច មាន​ប្រភពមក​ពី Hokkaido។ Banba គឺជាសេះដែល​កាត់​សេះ​ប្រទេសបារាំង និង​ប៉ែល​ហ្សិក​។ មាន​នៅ​ប្រទេសជប៉ុននៅ​ចុងសតវត្សទី ១៩ ដើម្បី​ជួយ​កសិករធ្វើ​ស្រែ។

រូបភាព Globetrotting

ផ្លូវ​ប្រណាំង​ពិសេស​នេះ​មាន​ចម្ងាយ ២០០ម៉ែត្រ

បច្ចុប្បន្ន​នេះវាត្រូវ​បាន​គេយល់​ថាជាពូជ​សត្វ​សេះរបស់់​ជប៉ុន​ ហើយ​អាច​ដឹក​ជញ្ជូន​ អូសរបស់​ដែល​មាន​ទម្ងន់​ធ្ងន់។ វា​ក៏​ត្រូវ​បាន​គេ​ប្រើ​ក្នុង​ការ​ប្រណាំង​សេះដែល​ប្លែក​ខុស​គេនៅ​លើ​កោះមាន​ឈ្មោះ​ថា “ការ​ប្រណាំង​សេះ​​យឺតបំផុត​លើ​ពិភព​លោក​”។

ពេល​ចូល​រួម​ការ​ប្រកួត​សេះ​ប្រណាំង Ban’ei ត្រូវអូសយានយន្ត​បើកលើ​ទឹក​កកទម្ងន់​ពី ៤៥០គីឡូគ្រាម ដល់ ១​តោន​នៅលើ​ផ្លូវ​ប្រណាំងមាន​ខ្សាច់។ វា​ក៏​ត្រូវ​ឆ្លង​កាត់​យ៉ាង​ហោចណាស់​ផ្លូវជម្រាល​ពីរ។

អ្នក​បង្វឹកសេះក៏​ចូល​រួម​ក្នុង​ការ​ប្រកួត​។ តែ​ពួក​គេ​មិន​ត្រូវ​បង្ខំសេះ​របស់​ខ្លួន​រត់​អោយ​លឿន​ទេ​។ ធម្មតា​ពួកគេគ្រាន់​តែ​ជម្រុញ​សេះ​អោយ​រត់​ទៅ​មុខ​។ ហើយ​ពួកគេ​ក៏​អាច​បញ្ជា​សេះ​អោយ​ឈប់ដើម្បី​សម្រាកពេល​ដែល​ត្រុវ​ឆ្លង​ឧបសគ្គចំ​នួន​ពីរ។ សត្វ​ដែល​ទទួល​ជ័យ​ជំ​នះ​មិន​មែន​មក​ពី​រត់​លឿន​ឬ​យឺតទេ​ ប៉ុន្តែសត្វ​សេះណា​ដែល​អាច​អូស​យានយន្ត​បើក​លើ​ទឹក​កក​ដល់​គោលដៅ​ទើប​ចាត់​ទុក​ថា​ឈ្នះ។

ការ​ប្រកួត​មាន​តាំង​ពី​ឆ្នាំ ១៨៨៧​ ប៉ុន្តែ​រហូត​ដល់​សតវត្សទី ២០ ការ​ប្រកួត​នេះ​ទើប​ពេញ​និយម​នៅ​ទូទាំង Hokkaido។ នៅក្នុងយុគសម័យមាសក្នុងឆ្នាំ ១៩៩១ ការ​ប្រណាំង​សេះ​យឺត​ ត្រូវបាន​ធ្វើ​ឡើង​នៅទី​ក្រុង Obihiro, Asahikawa, Kitami និង​ Iwamizawa។ ចំណូល​ការ​លក់​សំ​បុត្រកើន​​ជាង ៣២ពាន់​លាន​យេន​។ ប៉ុន្តែ​ក្រោយ​មក​មិន​យូរ​ប៉ុន្មាន​ សេដ្ឋកិច្ច​របស់​ប្រទេសជប៉ុន​បាន​ធ្លាក់​ក្នុង​វិបត្តិ ហើយ​រហូត​ដល់​ឆ្នាំ ២០០៦ នៅ​សល់​កន្លែង​ប្រកួត​តែ​មួយ​នៅ Obihiro។

ក្នុង​ឆ្នាំ ២០១២ ការ​ប្រណាំង​សេះ​យឺត Ban’ei ត្រូវបានទទួលស្គាល់ថាជាបេតិកភ័ណ្ឌវប្បធម៌ដ៏សំខាន់នៅ Hokkaido។ អ្នកឧបត្ថម្ភធំរបស់ក្រុមហ៊ុនជាច្រើនបានវិនិយោគ ចំ​ណាយ​ប្រាក់​ដើម្បី​ថែរក្សា និង​អភិវឌ្ឍបេតិកភ័ណ្ឌនេះ។

តាម​រយៈ Japan Racing ផ្លូវ​ប្រណាំង​សេះ Obihiro ចម្ងាយ​ពីស្ថានីយ៍រថភ្លើង JR Obihiro ២០នាទីបើ​​ដើរ​ថ្មើរ​ជើង។ ថ្លៃ​សំ​បុត្រ​ចូ​ល​គឺ ១០០យេន​។ ការប្រណាំងត្រូវបានប្រារព្ធធ្វើនៅចុងសប្តាហ៍ និងថ្ងៃច័ន្ទ។ ភ្ញៀវទេសចរណ៍​អាច​ទស្សនា “Tour ជំុវិញ” ទ្រុង​សត្វ​សេះ។ កន្លែង​នេះ​ក៏​មានសួនសត្វ និងសារមន្ទីរពីសត្វ​​សេះផង​ដែរ។

តាម​រយៈ vnexpress.net