ហេតុអ្វីឈ្មោះនៅពីក្រោយរបស់នារីជប៉ុនភាគច្រើនបញ្ចប់ដោយពាក្យ 子-Ko?

ថ្ងៃអាទិត្យ 07/07/2019 | 21:10 ល្ងាច

ប្រសិនបើចាប់អារម្មណ៍អ្នកនឹងឃើញថាឈ្មោះពីក្រោយរបស់នារីជប៉ុនភាគច្រើនគឺពាក្យ 子-Ko ឧទាហរណ៍ Natsuko, Nako, Miko, Mariko, Yuuko -ល-។

ប្រទេសនីមួយៗមានឈ្មោះពិសេសសម្រាប់នារី នេះជារឿងធម្មតា។ ប៉ុន្តែតើអ្នកធ្លាប់មានចម្ងល់ពាក្យ 子-Ko មានអត្តន័យអ្វីធ្វើអោយឪពុកម្តាយជាច្រើនរើសដាក់ឈ្មោះអោយកូនរបស់ខ្លួន?

សំណួរនេះត្រូវបានគេលើកឡើងលើបណ្តាញសង្គមអីុនធឺណែតដែលមានជំនាញឆ្លើយតបរបស់អ្នកប្រើ QUORA។

ខាងក្រោមនេះជាចម្លើយពីរដែលសមហេតុផលបំផុត។

ចម្លើយដំបូងត្រូវបានផ្តល់ដោយ Yuki-Jennifer Aleksandra Kurumi។

ការពេញនិយមដាក់ឈ្មោះនេះចាប់ផ្តើមនៅក្នុងឆ្នាំ ១៩៥៩ ពេលដែលព្រះចៅអធិរាជបច្ចុប្បន្នបានរៀបការជាមួយព្រះមហាក្សត្រី Michiko។ មុនពេលរៀបអភិសេកមិនសូវមាននារីមានឈ្មោះបញ្ចប់ដោយពាក្យ 子-Ko ទេ។

ព្រះមហាក្សត្រី Michiko Shoda (正田美智子) គឺជានិមិត្តរូបនៃស្ត្រីជប៉ុនជាច្រើននៅពេលនោះ។ ទោះបីជាមានប្រវត្តិគ្រួសារជាអ្នកមាន ប៉ុន្តែព្រះមហាក្សត្រីមិនមែនជារាជវង្សទេ។ ស្រ្តីជប៉ុនសរសើរគ្រប់យ៉ាងចំពោះព្រះមហាក្សត្រីតាំងពីសម្លៀកបំពាក់រហូតដល់អត្តចរិក ហើយពួកគេក៏ដាក់ឈ្មោះកូនអោយស្រដៀងនឹងឈ្មោះរបស់ព្រះមហាក្សត្រី។

រូបភាព http://www.lifetify.cc/article

ចម្លើយទីពីររបស់ Amanda Paul

子-Ko មានន័យថាកូន ដូច្នេះពាក្យនេះអាចប្រើជាមួយនាមឯទៀត។

ឧទាហរណ៍ Akiko (Aki ជារដូវស្លឹកឈើជ្រុះដូច្នេះ Akiko មានន័យថាកូននៃរដូវស្លឹកឈើជ្រុះ)។

ក្រៅពីនេះ 子-Ko នូវមានន័យថាក្មេងតូច។ ឧទាហរណ៍ដាក់ឈ្មោះ 幸子 (Sachiko) មានន័យថាក្មេងតូចមានសុភមង្គល។

របៀបដាក់ឈ្មោះបែបនេះជួយឱ្យឪពុកម្តាយអាចផ្ញើក្តីស្រមៃទៅកូនរបស់ខ្លួន។

រូបភាព デバク

ក្រៅពីនេះនូវមានរបៀបបកស្រាយមួយផ្សេងទៀត។

មិនដូចជាពេលបច្ចុប្បន្នពីមុនគ្រួសារជប៉ុនមានកូនច្រើន។ ដើម្បីអោយងាយចាំឈ្មោះ គេតែងដាក់ឈ្មោះតាមទម្រង់ណាមួយ។ សម្រាប់កូនប្រុសតាមលំដាប់បូកជាមួយ Ro (郎, “lang”) ឧទាហរណ៍កូនដំបូងឈ្មោះ Ichiro កូនបន្ទាប់នឹងមានឈ្មោះ Jiro។ សម្រាប់កូនស្រីពាក្យក្រោយគឺ 子-Ko។

តើអ្នកយល់ថារបៀបបកស្រាយខាងលើបែបណា? តើអ្នកមានរបៀបបកស្រាយណាផ្សេងពីនេះដែរឬទេ?

ប្រសិនដាក់ឈ្មោះជាភាសាជប៉ុន តើអ្នកចូលចិត្តឈ្មោះណា?

Sacchan