ជីវិតពិតរបស់អ្នកលេងហ្គេម​សង្ហា​ដែលទទួល​បាន​ជាង​ ១ លានដុល្លា

នៅ​ថ្ងៃទី ១៦ ខែធ្នូ ឆ្នាំ ២០១៨ បុរសជនជាតិជប៉ុនវ័យក្មេងម្នាក់មានឈ្មោះ Fegu បានឈ្នះរង្វាន់ Shadowverse World Grand Prix 2018 ទទួលបានរង្វាន់សរុបរហូតដល់មួយលានដុល្លា។

រូបភាព https://nikkan-spa.jp/1565425?cx_clicks_art_mdl=5

ជាការពិតឈ្មោះ Fegu គ្រាន់​តែ​ជា nickname របស់បុរស​​ម្នាក់​នេះ​តែ​ប៉ុណ្ណោះ។

ដោយ​ដឹង​ថា Fegu មិន​មែន​ចូល​ចិត្ត​លេង​ហ្គេមទើប​ក្លាយទៅជាជើងឯកហ្គេម ផ្ទុយទៅវិញបុរស​ម្នាក់​នេះ​មិន​សូវ​លេង​ហ្គេម​ទេ។ សិស្ស​ច្បង​ម្នាក់​នៅ​សាកល​វិទ្យា​ល័យ​បាន​អញ្ចើញ Fegu ចូល​រួម​ Game Shadowverse។ ក្រោយពេល​​ទាញ​យក​ហ្គេមគាត់​មិន​ដឹង​អំពីរបៀប​បញ្ចូលកាត​ហ្គេមផង។  ប៉ុន្តែ​បន្ទាប់​ពី​រយៈពេល​បន្ត​លេងគាត់បានចុះឈ្មោះចូលរួមការ​ប្រកួត​ជាមួយនឹង​រង្វាន់ ៤ លាន​យ៉េនហើយ​​ក្លាយជាជើងឯក។ ចាប់​តាំង​ពី​ពេល​នោះគាត់​បាន​ចូល​ Top Game Player របស់​ជប៉ុន និងក្លាយជាអ្នកតំណាងជាតិចូល​រួមការ​​ប្រកួត​អន្តរជាតិ។ នៅក្នុងការប្រកួតទូទាំងពិភពលោកនៅ​ឆ្នាំ ២០១៧ Fegu ជាប់​ចំ​ណាត់​ថ្នាក់​លេខ​ ៥។ មិន​ពេញ​ចិត្ត​ជាមួយ​នឹង​លទ្ធ​ផល​នេះ គាត់​បាន​ត្រលប់​មក​វិញជាមួយនឹង​គំនិត​ផ្សេងទៀត​ក្នុង​ឆ្នាំ ២០១៨ ហើយ​លទ្ធ​ផល​ទទួល​បាន​ជ័យ​ជំនះឈ្នះ​ ១ លាន​ដុល្លា។

ក្នុង​កំ​ឡុង​ពេល​រៀន​មហាវិទ្យា​ល័យ​បុរសម្នាក់នេះលេងហ្គេមពេញមួយថ្ងៃ។ Game Player គឺជា​ការងារ​ថ្មីហេតុ​នេះឪពុក​ម្តាយ​របស់​គាត់​មិន​ពេញ​ចិត្តចំពោះ​គោល​ដៅ​របស់​កូន​ប្រុស​ទេ។ ពេល​នោះ​គាត់​បាន​ចុះ​ឈ្មោះ​ចូលក្រុម​ហ៊ុន​គ្រប់​គ្រងហ្គេម​​ជាមួយនឹង​សុំ​នូម​ពរប្រាក់​ខែខ្ពស់ជាងបើប្រៀប​ជាមួយនឹង​អ្នក​ផ្សេង​។ Fegu បាន​និយាយ​ជាមួយ​ឪពុក​ម្តាយ​ចំពោះការ​សម្រេចចិត្ត​នេះ។ បន្ទាប​់​ពីជ័យ​ជំនះទទួលបាន​ ១ លាន​ដុល្លា​ប្រាកដណាស់​ក្រុម​ហ៊ុន​ក៏​ទទួល​បាន​ប្រាក់​បន្ថែមប៉ុន្តែ​សូម​គិត​មើលជាមួយនឹង​ចំនួន​ទឹកប្រាក់​នេះ​ ជីវិត​បុរស​ម្នាក់​នេះមិនមានអ្វីដែលត្រូវព្រួយបារម្ភអំពីប្រាក់ទៀតទេ។

Fegu ទទួល​បាន​ FA​ ៣ ឆ្នាំ​ជាប់​គ្នាដោយ​សារតែ​គ្មាន​ចំណូល​ចិត្ត​អ្វី​ក្រៅ​ពី​ហ្គេម​។ ពេល​ខ្លះ​បុរស​ម្នាក់​នេះ​ទៅ​ដើរ​លេងជាមួយ​មិត្ត​ភក្តិ។ Fegu ​មិន​ប្រើ​លុយ​​ទិញរបស់​ម៉ាក​ល្បីប៉ុន្តែ​ចង់​ទិញ​ផ្ទះដើម្បី​រស់​នៅ​ជាមួ​យ​ឪពុក​ម្តាយ​។

ជីវិត​របស់​ Fegu ​​ពិតជា​សាមញ្ញប៉ុន្តែ​មាន​ទំនួល​ខុស​ត្រូវ​។

ក្នុង Game Shadowverse ដើម្បី​ធ្វើអោយ​តួ​អង្គ​របស់​ខ្លួន​កាន់​តែ​ខ្លាំងអ្នក​ត្រូវ​ចំណាយ​ប្រាក់​ដំឡើងអាវុធ និង​ទិញ​អាវុធមួយ​ចំនួន។ ឈ្នះបាន​ ១ លានដុល្លា Fegu ជាក់​ស្តែង​ទទួល​បាន​ប្រហែល ១១០ លាន​យ៉េន ហើយ​បុរស​ម្នាក់​នេះប្រើអស់ ១ លានយ៉េនសម្រាប់​ដំឡើង​អាវុធ។

ចំពោះ​អ្នក​លេង​ហ្គេម​ចំណាយ​ ១ លាន​យ៉េន​សម្រាប់​ដំឡើងពិតជា​ខ្ជះ​ខ្ជាយប៉ុន្តែ​វា​បែរជា​គំ​និត​ឆ្លាត​វៃ​ដើម្បីយក​ឈ្នះ​ច្រើន​ដង និង​រក​បាន​ប្រាក់​ច្រើន។

រូបភាព https://nikkan-spa.jp/1565425/2

មិន​ត្រឹម​តែ​ប៉ុណ្ណឹងដើម្បី​ក្លាយទៅជា​អ្នក​ជំនាញ អ្នក​លេង​ហ្គេម​ត្រូវ​ហាត់​ជាប្រចាំ។ មួយ​ថ្ងៃ​គេចំ​ណាយ​ពេល​ប្រហែល ១០ ម៉ោងដើម្បី​លេង​ហ្គេម​។ ពេល​មាន​អ្នក​​សួរអំពីជីវិត​រស់​នៅ​បច្ចុប្បន្ន Fegu បាន​ឆ្លើយ​ថា៖

“ក្រៅពី​រឿង​គ្មាន​មិត្ត​ស្រី​ខ្ញុំ​ពេញ​ចិត្ត​ប្រហែល ៩៩%។ ខ្ញុំមាន​គម្រោងនឹង​រៀប​ការនៅអាយុ ៣០ ឆ្នាំហើយ​នាង​ជាមនុស្សមាន​ការ​យល់ដឹងពីហ្គេម​ដែរ”។

លេង​ហ្គេម​គឺ​ជា​ការងារ​ថ្មីនៃ​សម័យ​បច្ចុប្បន្ន​ ជា​ការងារ​ដែលអាណាព្យាបាលមិន​ពេញ​ចិត្តហើយ​គ្មាន​ស្ថេរភាព។ ទោះបី​យ៉ាង​ណាប្រសិន​បើពិតជា​ចូលចិត្តអ្នក​អាច​ជ្រើស​រើស និង​ដើរ​តាម​ជីវិត​ដែល​អ្នកចង់​បាន។

Kengo Abe​

មើលបន្ថែម: