ឧ​បករណ៍​ភ្លេង​ប្រពៃ​ណី​ Wagakki រួម​បញ្ចូលជាមួយនឹង EDM

EDM ជា​អក្សរកាត់​​ពាក្យ Electronic Dance Music ភាគ​ច្រើន​ត្រូវ​បាន​បង្កើត​ឡើង​ពី​ឧបករណ៍​អេឡិច​ត្រនិក​ជាមួយ​​​សម្លេង​ដ៏​ពិរោះ​។

​ហេតុ​នេះ​ EDM ពិត​ជា​ពេញ​និយម​នៅ​ក្នុង​ការ​ប្រគំតន្រ្តី ដោយ​សារ​តែវា​ធ្វើ​អោយ​កម្មវិធី​កាន់​តែ​សប្បាយអូអរ។

ដូច្នេះតើ​អ្នក​គិត​យ៉ាង​ណា​ប្រសិន​បើឧបករណ៍​ភ្លេង​ប្រពៃ​ណីរបស់​ជប៉ុនរួម​បញ្ចូល​ជាមួយ​នឹង EDM?

Shamisen និង EDM

Shamisen (三味線) ជាប្រភេទ​ឧបករណ៍​មាន​ខ្សែ ៣ រួម​មាន​ពី​រ​គឺផ្នែ​ក​ខាង​លើ​ហៅ​ថា “Sao” និង​​ផ្នែក​ខាង​ក្រោម​ហៅថា “Do”។ Shamisen ត្រូវ​បាន​លេង​ដោយ​ប្រើ​ឧបករណ៍​កេះដែល​គេ​ហៅ​ថា Bachi។ មើល​លម្អិត​បន្ថែម​ក្នុង​អត្ត​បទ​ណែនាំឧបករណ៍ភ្លេង​ប្រពៃណី​របស់​ជប៉ុន https://kh.japo.news/contents/cultural/67039.html។

សម្លេង​​បញ្ចេញ​ពី Shamisen គួរ​អោយ​ទាក់​ទាញរួម​បញ្ចូល​ជាមួយនឹង EDM បង្កើត​ជា​សម្លេង​ពិរោះ​រន្តំ​ចិត្ត។

ប្រសិនបើ​អ្នក​ចូល​ចិត្ត​សម្លេង​ភ្លេង Shamisen អ្នក​អាច​ចូល​មើល​ Channel បង​ប្អូ​ន​ទាំង​ពីរនេះ​​ Tokyo futari – futari 桃響

រូបភាព https://hogakumurablog.net/wagakki/shamisen/raijin_vol1/5700/

ឧបករណ៍​ភ្លេង Koto និង EDM

Koto ជាឧបករណ៍​ភ្លេង​ប្រពៃ​ណី​របស់​ជប៉ុន ស្រដៀង​ឧ​បករណ៍​ភ្លេង​របស់​ចិន​ដែរ។ ប៉ុន្តែ​ Koto ជាទូ​ទៅ​មាន​ត្រឹម​តែ ១៣ ខ្សែ ចំ​ណែក​​ឧ​បករណ៍​ភ្លេង​របស់​ចិនវិញ​មាន​រហូត​ដល់​ទៅ ៣៦ ខ្សែ។

ថ្មី​ៗ​នេះ​បទ Cover “Shape of you” ប្រើ​ឧបករណ៍​ភ្លេង Koto និង EDM បាន​ទាក់​ទាញ​អ្នក​មើល​ជាច្រើន។

រូបភាព https://wagakkimedia.com/media/2019/02/triechoes/

ការ​រួម​បញ្ចូល​​នេះ​សន្យា​ថា​នឹង​នាំ​មក​នូវ​ភាព​ថ្មី​ស្រឡាងសម្រាប់​បទ​ចម្រៀង​ប្រពៃ​ណីក្នុង​ភ្នែក​​​យុវវ័យ។

ក្រុម​មាន​ឈ្មោះ TRiECHOES មាន​សមាជិក​ ៣ នាក់ ក្នុង​នោះ​មាន​ម្នាក់​ពាក់​របាំង​មុខ​កញ្រ្ជោង​។ ប្រសិន​បើ​អ្នក​ចូលចិត្ត​ សូម​មើល​វីដេអូ​ថ្មី​របស់​ក្រុមក្នុង Channel​

Shakuhachi និង​ EDM

Shakuhachi មាន​ន័យ​ថា ១.៨ foot = ៣០.៣ សង់​ទី​ម៉ែត្រ។ នេះជា​ឧបករណ៍​ភ្លេង​ប្រពៃណីធ្វើ​ពី​ឫស្សី​នៅ​ជប៉ុនដែល​គេ​ហៅ​ថា​ខ្លុយឫស្សី​ ​Shakuhachi។ ឧបករណ៍​ភ្លេង​នេះ​ភាគ​ច្រើន​ត្រូវ​បាន​ប្រគំ​​ជាមួយនឹង​ឧបករណ៍​ភ្លេង​ដទៃ​ទៀត។

ខាង​ក្រោម​នេះ​ជា​ការ​រួម​បញ្ចូល “Wake me up” ជាមួយនឹង ​Shakuhachi។ សម្លេង​ភ្លេច​មិន​ពិបាក​ស្តាប់​ទេ​ប៉ុន្តែ​ពិរោះ​ទាក់​ទាញ​ចិត្ត។

ពិត​ជាការ​ប្រគំ​តន្រ្តី​យ៉ាង​ពិសេស បន្ទាប​់​ពី​ក្រុម​តន្រ្តី Wagakki Band ជាមួយ​នឹង​សមាជិក​ថ្មីកំ​ពុង​​​ធ្វើ​អោយ​ចម្រៀង​ប្រពៃ​ណី​របស់​ជប៉ុន​មាន​ភាព​ខុស​ប្លែក​ជាង​មុន។

អត្ថបទ៖ Chee

មើលបន្ថែម: