រាត្រីដ៏ស្រស់ស្អាតនៅ Tokyo តាមរយៈគំនូរពណ៌ទឹក

ថ្ងៃសុក្រ 23/11/2018 | 9:16 ព្រឹក

Mateusz Urbanowicz ត្រូវបានគេហៅថា Matto គឺជាវិចិត្រករជនជាតិប៉ូឡូញបច្ចុប្បន្នកំពុងធ្វើការនៅ Tokyo។ គាត់មកប្រទេសជប៉ុនដើម្បីរៀនគំនូរតុក្កតា និងគំនូរកំប្លែង បន្ទាប់មករកបានការងារធ្វើនៅកន្លែងផលិតរឿងគំនូរជីវចល CoMix Wave។ គាត់ជាអ្នកទទួលខុសត្រូវខាងផ្ទាំងរូបភាព សម្រាប់គម្រោងជាច្រើន ក្នុងនោះមាន Anime ល្បីឆ្នាំកន្លងទៅ “kimi no na wa” (Your Name)។

ក្នុងឆ្នាំ ២០១៧ គាត់ចេញពី Studio ចាប់ផ្តើមការងារដោយសេរី ទន្ទឹមនឹងនេះគាត់ផ្តោតទៅលើការអនុវត្តគម្រោងផ្ទាល់ខ្លួនមួយចំនួន។ គម្រោងដែលធំបំផុតរបស់គាត់គិតមកដល់បច្ចុប្បន្នគឺ Tokyo at Night គឺ series រួមមានរូបពណ៌ទឹក ១០សន្លឹកផ្លូវ Tokyo នាពេលរាត្រី។ រូបភាពទាំង ១០សន្លឹកត្រូវបានធ្វើឡើងតាមលំដាប់បញ្ឈរ Kudanshita ដល់ Kagurazaka ហើយបញ្ចប់នៅ Waseda។ នេះមិនមែនគ្រាន់តែជាគំនូរទេថែមទាំងជាផែនទីដ៏អស្ចារ្យសម្រាប់អ្នកចង់រុករក Tokyo។

អ្នកដែលធ្លាប់ទៅដល់ Tokyo នឹងយល់នូវអត្តន័យនៃរូបគំនូរ។ ទោះបីជាពេលរាត្រីប៉ុន្តែផ្លូវតូចនៅ Tokyo មិនដែលងងឹតសូន្យទេ គឺតែងតែមានពន្លឺភ្លើង Neon ម៉ាសុីនលក់ទំនិញដោយស្វ័យប្រវត្តិ និងហាងលក់ម្ហូប។

គម្រោងនេះផ្តោតទៅលើផ្លូវដែលមានពន្លឺភ្លើងស្រពិចស្រពិល និងកន្លែងចតរថយន្តដែលមិនសូវមានមនុស្សជាជាងកន្លែងដែលអ្នកណាក៏ដឹង។ គ្រប់រូបទាំងអស់សុទ្ធតែបានផុស Online ដើម្បីអោយអ្នកទាំងអស់គ្នាអាចមើលឃើញ។

ខាងក្រោមនេះគឺជាវីដេអូណែនាំផាត់ពណ៌ទឹករបស់វិចិត្រករ។