ធ្លាប់​ឆ្ងល់​ទេ? ហេតុ​អ្វីឈុត Sushi ក្នុង​មួយ​ចានជាទូ​ទៅ​​មាន​​តែ ២ ចំណែក?

តើអ្នកធ្លាប់ទៅហូបស៊ូសុីនៅភោជនីយដ្ឋានតុបង្វិល​​ដែរទេ? អារម្មណ៍មើលស៊ូសុីនៅជុំវិញមានច្រើនប្រភេទពិតជាពេញ​ចិត្តខ្លាំងណាស់! អ្នក​អាច​មើល​ការតុបតែង និង​រីក​រាយ​ជាមួយ​នឹងរស់​ជាតិ​ស្រស់នៃ “ពិភព Sushi”។

ប៉ុន្តែតើអ្នកធ្លាប់ឆ្ងល់​ទេ? ហេតុ​អ្វីឈុត Sushi ក្នុង​មួយ​ចានជាទូ​ទៅ​​មាន​​តែ ២ ចំណែក?

រូបភាព https://limo.media/articles/-/10255

តើ​ដើម្បី​ឲ្យ​​សម​នឹង​ទំហំ​ចានឬ? បើអញ្ចឹងគ្រាន់តែប្រើ​ចាន​មាន​ទំហំ​ខុស​គ្នាក៏​បាន។

ចំណាយពេលយូរទើប​រើស​បាន Sushi ដែល​ខ្លួន​ចូលចិត្ត ប៉ុន្តែ​បែរជាមាន​តែ​ ២ ចំណែក ហើយបន្ទាប់មកត្រូវរង់ចាំសម្រាប់ការបង្វិលមួយ​ជុំ​បន្ត។ ការ​រង់​ចាំ​បែប​នេះ​ធ្វើ​ឲ្យ​​អ្នក​ពេលខ្លះ​ឆ្ងល់​ថា ហេតុ​អ្វី Sushi មួយ​ចាន​មាន​តែ ២ ចំណែក​?

តាមពិតទម្លាប់នេះមានប្រភពដើមនៅសម័យបុរាណ។

កាលពីមុន Sushi ធ្លាប់ត្រូវបានគេចាត់​ទុក​ជាអាហារបម្រុង។ កាលពី ១០០០ ឆ្នាំមុនជនជាតិជប៉ុនមានវិធីរក្សាអាហារបាន​យូរ ដោយលាយត្រី និងបាយ​បន្ថែមទឹកខ្មេះ។ វិធីសាស្ត្រនេះមានដើមកំណើតនៅបណ្តាប្រទេស​អាស៊ីអាគ្នេយ៍នាំចូលប្រទេសចិន ហើយបន្ទាប់មកប្រជាជនជប៉ុន​បាន​ធ្វើ​​តាម។ 

សព្វថ្ងៃនេះ Sushi ច្រើនត្រូវបានគេលក់នៅក្នុងភោជនីយដ្ឋាន និងហាងបរិភោគ Sushi ។ ប៉ុន្តែនៅសម័យ Edo ម្ហូប Sushi ត្រូវបានលក់នៅ Yatai (ហាងលក់តាមផ្លូវ) ដូចនេះ។

រូបភាព https://packethop.com/和食の歴史

វប្បធម៌ម្ហូប Sushi ត្រូវបានបង្កើតឡើង និងវិវត្តន៍ផ្អែកលើអ្នកលក់តាមចិញ្ចើមថ្នល់ ដែលគេហៅថា 江戸前鮨（えどまえずし）- Edomaezushi (Sushi បែប Edo)។ នេះមិនមែនជាប្រភេទ Sushi សម្រាប់ថ្នាក់អភិជនទេ ប៉ុន្តែជាម្ហូបសម្រាប់​អ្នកនេសាទ និងកសិករ។ ដូច្នេះទំហំរបស់ Sushi នៅ​សម័យ​នោះ​ធំជាងបច្ចុប្បន្ន​នេះ ដើម្បីកាត់បន្ថយពេលវេលាហូប ហើយនៅតែធានាបានថាឆ្អែត។

រូបភាព https://www.tenpo.biz/tentsu/entry/2016/01/05/090000

Sushi នៅខាងឆ្វេងគឺជាទំហំបច្ចុប្បន្ន ចំណែកខាងស្តាំគឺជាទំហំនៅសម័យ Edo ។ គោលបំណងបរិភោគ Sushi ក៏ខុសពីសព្វនេះដែរ។ សព្វថ្ងៃការបរិភោគគឺដើម្បីភាពរីករាយ ប៉ុន្តែ​នៅ​សម័យ​មុន​ដើម្បី​បំ​ពេញ​ក្រពះ។ ដូច្នេះមិនត្រឹម​តែទំហំធំជាងប៉ុណ្ណោះ​ទេ ហើយ​បាយ​ក៏​ត្រូវ​តែច្រើន​ដែរ។

ទោះជាយ៉ាងណា Sushi នៅតែ​ធំបើហូបទាំងមូល ដូច្នេះច្រើនតែកាត់ជាពាក់កណ្តាលមុនពេលហូប។ បន្ទាប់​មក​ទំហំ​​របស់​ Sushi កាន់តែ​តូច​ទៅតាម​តម្រូវ​ការ​បរិភោគ ប៉ុន្តែទម្លាប់នៃការហូប ២ ចំណែកនៅតែរក្សាដដែល។

ក្រៅពីនេះ Sushi នៅសម័យ Edo មិនមានត្រីសាម៉ុង ឬ Urchin សមុទ្រទេ។ មូលហេតុគឺថាត្រីសាម៉ុងត្រូវចាប់នៅក្នុងប្រទេសន័រវេស ហើយ​ពេល​នោះ​គេ​ក៏​មិន​ទាន់​រក​ឃើញ​វិធីរក្សា Urchin សមុទ្រឲ្យ​​នៅ​ស្រស់ដែរ។ ដោយ​លែកត្រី​ធូណា​ត្រូវ​បានរក្សាទុកនៅក្នុង Shoyu (ទឹកស៊ីអ៊ីវជប៉ុន) ទោះជាយ៉ាងណា ផ្នែកខ្លាញ់ជាទូទៅគេបោះចោលដោយ​សារ​តែ​ពិបាក​​ក្នុង​ការ​រក្សាទុក។

ប្រសិនបើខ្ញុំអាចត្រលប់ទៅសម័យ Edo ដើម្បី​ភ្លក់​ Sushi ខ្ញុំ​គិត​ថា ​វា​មិន​ត្រូវ​រសជាតិ​ឡើយ ប៉ុន្តែយ៉ាងហោចណាស់អាច​ពន្យល់ពីមូលហេតុដែលមនុស្សតែង​ហូបឈុត Sushi មាន​តែ​ ២ ចំណែកមែនទេ?

Kengo Abe