SAMURAI និង BUSHI ដូច​គ្នាទាំង​ស្រុង​​ដែរទេ?

ជប៉ុនត្រូវគេចាត់ទុកជាប្រទេស​នៃ Samurai ក្រៅពី​នេះ​មាន​ Ninja ដែល​ល្បី​​ក្នុង​ខែ្ស​ភាព​យន្ត និង​រឿង Anime។ Samurai និង Ninja ក្លាយ​ជា​បុគ្គលដែល​គេ​យល់​ថា ក្លាហានបំផុតនៅ​ប្រទេស​ជប៉ុន។

ជនជាតិ​ជប៉ុន​ហៅ​រួមពាក្យ​ Samurai ថា 武士 (Bushi)។ ប៉ុន្តែ​ជនបរទេស ឬសូម្បី​តែ​ជនជាតិ​ជប៉ុន​ផ្ទាល់ក៏​កំពុង​យល់​ច្រលំ​ចំពោះ​ពាក្យ​ទាំង​ពីរ​នេះដែរ។

BUSHI និង SAMURAI

ដំបូង​គឺពាក្យ Samurai សរសេរជាអក្សរចិនគឺ 侍 ។

រូបភាព https://mag.japaaan.com/archives/93856

តាំងពី ១៣០០ ឆ្នាំ​មុន​ពាក្យសម្រាប់​​ហៅ​ Samurai ត្រូវ​បាន​បង្កើត​ឡើង។

ដំបូង​ឈ្មោះ Samurai ត្រូវ​បាន​យក​មក​ពី​ពាក្យ “守る” (Mamoru-ការពារ)។ ក្រោយ​មក​ប្តូរ​ទៅជា “もらふ” (Morafu មាន​សៀវ​ភៅ​ខ្លះ​សរសេរ​ថា Morau) មានន័យថាការបម្រើ។

ដើម្បី​សម្តែង​ការ​គោរពគេ​បាន​ដាក់​បន្ថែម​ពាក្យ “さ” (Sa) នៅពី​មុខ។

អាន​ថា “さもらふ” (Samorafu ឬ Samorau)។ ហើយ​ចុង​ក្រោយ​គឺ “侍” (Samurai) ដូចបច្ចុប្បន្ន​នេះ។

រហូត​ដល់​សម័យ Kamakura ពាក្យ Samurai ត្រូវ​គេ​ប្រើ​សម្រាប់​សំដៅ​លើ​អ្នក​ដែល​បម្រើអធិរាជ និង​វណ្ណៈអភិជន។ ប៉ុន្តែ​​រហូត​​ដល់​​សម័យ​ Muromachi សម័យ Zhànguó Shídài ពាក្យ​ Samurai និង Bushi ស្ទើរតែស្រដៀងគ្នា។ មាន​តែ​នៅ​សម័យ​ដែល​ Samurai គ្រប់​គ្រង សម័យ Bakufu ​របៀប​ហៅ Samurai ភាគ​ច្រើន​សំ​ដៅ​លើ​អ្នក​ចេះ​ក្បាច់​គុនថ្នាក់​ខ្ពស់ និង​ថ្នាក់​កណ្តាល ឬ​ក៏​ហៅ​ថា Samurai បម្រើ​ឲ្យ​ Shogun ។

ប៉ុន្តែ​តាម​ការ​យល់ឃើញ​​របស់​ពិភព​លោក​ពាក្យ​ Samurai នោះ Shogun និង Daimyo ក៏​ជា​របៀប​ហៅ​ Samurai នេះដែរ។

ក្រៅពី​នេះ​ នៅ​សម័យ Edo មាន​ពាក្យ​មួយ​ផ្សេង​ទៀត​ដែល​សំដៅ​លើ​អ្នក​ក្បាច់​គុន ជា​ទូទៅហៅថា “おさむらいさん” (Osamurai-san)។

ពេល​និយាយ​ពី Samurai អ្នក​តែងគិត​ថា​ជា​ឃាតករឈាម​ត្រជាក់ដែរទេ?

មិន​មែន​ទេ ជាមួយនឹង​ការ​ប្រើ​ដាវ វណ្ណៈនេះ​ក៏​យល់​ដឹង​ច្រើន​អំពី​វប្បធម៌ និង​សិល្បៈផងដែរ។ ហេតុ​នេះ​ Samurai ត្រូវ​បាន​គេ​ស្គាល់​ជាអ្នក​ចេះ​ក្បាច់​គុន​ដែលមានទេពកោសល្យក្នុងប្រវត្តិសាស្ត្រ។

ផ្ទុយ​មក​វិញពាក្យ Bushi ត្រូវ​បាន​សរសេរជា Kanji “武” និង “士”។

រូបភាព https://mag.japaaan.com/archives/93856/2

ហើយ​ប្រាកដ​ណាស់ BUSHI ជា​អ្នក​ធ្វើ​ការមាន​ប្រាក់​ខែ ភាគ​ច្រើន​ត្រូវ​បាន​ជួល​ដោយ​អ្នកមាន​ប្រាក់។

ប្រហែលជារហូតមកដល់ពេលនេះមនុស្សគ្រប់គ្នាយល់​ថា​នេះជា​វីរបុរស Samurai ។

រូបភាព http://genbudou.ocnk.net/product/10

គាត់​ជា Miyamoto Musashi ជា​អ្នក​ចេះ​ក្បាច់​គុន​ខ្លាំង​ក្លាបំផុតក្នុងប្រវត្តិសាស្រ្តរបស់ជប៉ុន។ គាត់​តែ​ងយក​ដាវបែប​ជប៉ុន ២ តាម​ខ្លួន។

ប៉ុន្តែ​តាម​ពិតគាត់គឺជា Bushi ទេ។

សរុប​មក​យោងតាមគំនិតចុងក្រោយ

武士 (Bushi) = ទាហាន

侍 (Samurai) = អ្នក​ក្បាច់គុនថ្នាក់កណ្តាលមាន​អ្នក​គោរព

រហូត​មក​ដល់​បច្ចុប្បន្នមាន​មនុសុ្សជា​ច្រើន​​យល់​ខុសពាក្យទាំង​ពីរ​ខាង​លើ។

ទោះ​បី​ជា​យ៉ាង​ណាចំនុច​ដូច​រវាងពាក្យ​​ Samurai និង Bushi សុទ្ធតែ​មាន​ស្មារតីជា Bushido – អ្នក​ក្បាច់​គុន។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: