ទំព័រដើម
វប្បធម៌
ប្រពៃណី
ចំណុចទាំង ៩ ក្នុងពិធីបុណ្យចូលឆ្នាំថ្មីនៃប្រទេសជប៉ុន

ចំណុចទាំង ៩ ក្នុងពិធីបុណ្យចូលឆ្នាំថ្មីនៃប្រទេសជប៉ុន

ថ្ងៃពុធ 06/02/2019 | 17:55 ល្ងាច

ប្រទេសជប៉ុនជាប្រទេសដែលមានវប្បធម៌ប្រពៃណីសម្បូរបែប តើអ្នកធ្លាប់ដឹងពីរបៀបទទួលឆ្នាំថ្មីនៃប្រទេសជប៉ុនយ៉ាងណាដែរទេ? ខាងក្រោមនេះជាចំនុចទាំង ៩ នៃពិធីទទួលឆ្នាំថ្មីរបស់ប្រទេសជប៉ុន៖

១. 忘年会 (bounenkai)

Bounenkai នៅប្រទេសជប៉ុនគឺជាពិធីជប់លៀងចុងឆ្នាំ ហើយជាពិធីជប់លៀងលាឆ្នាំចាស់កន្លងផុតទៅជាមួយនឹងសាច់ញាតិ មិត្តភក្តិ និងអ្នកដែលបានជួយយើងក្នុងរយៈពេលមួយឆ្នាំកន្លងទៅ។

២. 仕事納め(shigoto osame)

រូបភាព woman.excite

ផ្អែកតាមប្រតិទិនរាល់ឆ្នាំ តាមធម្មតាគឺថ្ងៃធ្វើការចុងក្រោយនៃឆ្នាំចាស់អាចនៅក្នុងអំឡុងថ្ងៃទី ២៨ ខែ ធ្នូ។ ក្នុងថ្ងៃនេះមនុស្សទាំងអស់មិនសូវមានការងារច្រើនទេ ភាគច្រើននឹងរួមគ្នាធ្វើការសម្អាតដែលគេហៅថា (Oosouji)។

៣. おせち料理(o-sechi junbi)

រូបភាព https://www.chintai.net/news/2014/12/22/2842/

ប្រជាជនជប៉ុនមានជំនឿមិនគួរធ្វើអ្វីក្នុងរយៈពេលប៉ុន្មានថ្ងៃដំបូងនៃឆ្នាំថ្មីទេ។ នេះជាមូលហេតុដែលពួកគេរៀបចំម្ហូបពិសេសហៅថា O-sechi ដើម្បីមិនចាំបាច់ចម្អិនម្ហូបអ្វីពីថ្ងៃទី ១ ដល់ថ្ងៃទី ៣ ខែមករា។ តាមទំនៀមទម្លាប់ពីបុរាណហាងលក់នឹងបិទទ្វាក្នុងឳកាសឆ្នាំថ្មី ហេតុនេះអ្នកត្រូវតែរៀបចំដោយខ្លួនឯងនៅផ្ទះ។ ប៉ុន្តែបច្ចុប្បន្នហាងលក់នូវតែដំណើរការធម្មតា។ ហេតុដូច្នេះទើបវប្បធម៌ញ៉ាំ O-sechi កាន់តែបាត់បង់ទៅ។

៤. 年越し蕎麦(toshikoshi soba)

រូបភាព https://tierin.net/culture/4631/

យប់ឆ្លងឆ្នាំ (៣១/១២) កុមារអាចភ្ញាក់ទទួលឆ្នាំថ្មី និងភ្ញាក់ពីគេងយឺតនៅថ្ងៃបន្ទាប់។ មនុស្សនៅក្នុងក្រុមគ្រួសារនឹងមាន ពេលទំនេរមើលទូរទស្សន៍រហូតដល់ពាក់កណ្តាលយប់ហើយពេលឃ្លាននាំគ្នាញ៉ាំមី Soba។ Toshikoshi soba គឺជាឈ្មោះមុខម្ហូប Soba ញ៉ាំក្នុងឱកាសនេះទោះបីវាគ្រាន់តែជាមី Soba ធម្មតាតែប៉ុណ្ណោះ។

ញ៉ាំ Soba ថ្ងៃឆ្នាំថ្មីក្នុងគោលបំណងសុំអាយុវែងដូចជាសរសៃមី ទន្ទឹមនឹងនេះទំនាក់ទំនងមានភាពរឹងមាំ យូរអង្វែង។

៥. 正月の挨拶(Shougatsu no aisatsu)

រូបភាព https://amanaimages.com/info/infoRM.aspx?SearchKey=02237013550

នៅពេលដែលនាឡិកាដល់ម៉ោង ០ៈ០ម៉ោង អ្នកទាំងអស់គ្នានឹងនាំគ្នាជូនពរឆ្នាំថ្មី។

ភាសាជប៉ុន (shin-nen akemashite omedetou gozaimasu) – ជូនពរឆ្នាំថ្មី។

ភាសាជប៉ុន (kotoshi mo yoroshiku onegaishimasu) – ឆ្នាំនេះសុំរំខានដល់ជំនួយរបស់អ្នកទាំងអស់គ្នា។

ប្រសិនបើអ្នកអាយុតិចជូនពរអ្នកអាយុច្រើនជាងនឹងទទួលបានអាំងប៉ាវ។

៦. 年賀状 (nengajou)

រូបភាព https://nenga.aisatsujo.jp/otonajoshi/

ធៀបឆ្នាំថ្មីត្រូវបានផ្ញើជូនដល់មិត្តភក្តិរួមជាមួយនឹងអ្នកដែលបានខិតខំជួយអ្នក យកចិត្តទុកដាក់ក្នុងឆ្នាំកន្លងទៅ។ តាមធម្មតាធៀបនឹងត្រូវបានផ្ញើនៅក្នុងថ្ងៃចុងឆ្នាំដើម្បីព្រឹកថ្ងៃទី ១ អាចទៅដល់ដៃអ្នកដែលទទួល។ ធៀបជាពាក្យជូនពរផ្ទាល់ ហេតុនេះពិតជាមានអត្តន័យប្រសិនបើអាចទទួលបានធៀបជូនពរជាច្រើនពីមនុស្សជាទីស្រលាញ់មែនដែរទេ?

៧. お雑煮(O-zouni)

រូបភាព http://www.yamaki.co.jp/recipe/%E3%81%8A%E9%9B%91%E7%85%AE-2

នេះជាមុខម្ហូបស៊ុបពិសេសត្រូវបានញ៉ាំនៅព្រឹកថ្ងៃទី ១។ មុខម្ហូបនេះត្រូវបានរៀបចំមុនមួយថ្ងៃ។ ខាងក្នុង O-zouni មាន Mochi ហេតុនេះជួយអោយឆ្អែតបានយូរអាចញ៉ាំក្នុងម្ហូបគ្រួសារ។

៨. 親戚への挨拶回り(shinseki e no aisatsu mawari)

រូបភាព http://fujifilmmall.jp/conversion/column/022dvd-omotenashi.html

ព្រឹកថ្ងៃទី ១ អ្នកទាំងអស់គ្នានៅផ្ទះសម្រាក ដល់ថ្ងៃទី ២ និងថ្ងៃទី ៣ ចាប់ផ្តើមទៅសួរសុខទុក្ខបងប្អូន។

នេះជាឳកាសដើម្បីណែនាំបងប្អូនជិតឆ្ងាយជាមួយនឹងក្មេងៗ។ ជាមួយក្មេងដែលមានទំនាក់ទំនងសាច់ញាតិជិតស្និទ្ធ វានឹងប្រលែងលេងជាមួយគ្នា ប៉ុន្តែក៏មានក្មេងមួយចំនួនរាល់ឆ្នាំជួបគ្នាតែម្តងក្នុងឳកាសឆ្នាំថ្មីដែរ។ ក្មេងៗប្រមូលផ្តុំគ្នាប្រលែងលេង មិនត្រឹមតែធ្វើអោយបរិយាកាសក្នុងផ្ទះកាន់តែសប្បាយរីករាយទេ ថែមទាំងមានមនុស្សធំអោយអាំងប៉ាវទៀត។

ចំនួនប្រាក់អាំងប៉ាវហាក់ដូចជាច្រើន ក្មេងម្នាក់អាចទទួលបានប្រហែល ៣០០០ ដល់ ១០០០០ យេនក្នុងម្តង។

ទទួលបានចំនួនប្រាក់ច្រើនបែបនេះទោះបីក្មេងមានការខកចិត្តពីអ្វីមួយក៏ត្រូវរីករាយអរគុណទើបត្រឹមត្រូវ។

៩. 福袋 (fukubukuro)

រូបភាព https://ameblo.jp/shoubu/entry-12433264771.html

ហាងលក់ទំនិញនៅប្រទេសជប៉ុននឹងចាប់ផ្តើមលក់ថង់សំណាងថ្ងៃទី ២ និងទី ៣ ខែមករា។ មិនដឹងថានៅក្នុងថង់មានអ្វី ប៉ុន្តែរបស់នៅខាងក្នុងត្រូវមានតម្លៃជាងថង់សំណាង។ ឧទាហរណ៍ថង់សំណាងមានតម្លៃ ៥០០០ យេននោះនៅខាងក្នុងត្រូវអោយប្រហែល ១០,០០០ យេន។ ជាការពិតក៏មានករណីខ្លះរបស់នៅក្នុងថង់សំណាងមិនមានតម្លៃ ហេតុដូច្នេះនាពេលថ្មីៗនេះ fukubukuro អាចមើលធ្លុះនៅក្នុងថង់ ចាប់ផ្តើមពេញនិយមប្រើ។

តាមធម្មតានៅថ្ងៃទី ៥ ខែមករាខាងប្រទេសជប៉ុនចាប់ផ្តើមធ្វើការវិញធម្មតា។

ជូនពរអ្នកទាំងអស់គ្នាក្នុងឱកាសចូលឆ្នាំប្រពៃណីចិនជូបតែសំណាងល្អ និងមានសេចក្តីសុខចម្រុងចម្រើនក្នុងជីវិត។

Kengo Abe