ទំព័រដើម
វប្បធម៌
ប្រពៃណី
អត្ថន័យពិតនៃរបាំងមុខកញ្ជ្រោងរបស់ប្រជាជនជប៉ុន

អត្ថន័យពិតនៃរបាំងមុខកញ្ជ្រោងរបស់ប្រជាជនជប៉ុន

ថ្ងៃសុក្រ 25/01/2019 | 13:25 ល្ងាច

ពេលនិយាយពីនិមិត្តរូបខាងព្រលឹងវិញ្ញាណរបស់ប្រទេសជប៉ុន មនុស្សជាច្រើននឹងគិតទៅដល់របងទ្វារ Torii ឬបន្ទះឈើ Ema ដែលមានសរសេរនូវបំណងប្រាថ្នា។

ចុះអ្នកគិតពីអ្វីដំបូងគេបង្អស់?

ចុះរបាំងមុខកញ្ជ្រោងយ៉ាងម៉េចដែរ? នេះគឺជាសម្ភារៈប្រើប្រាស់របស់ Cosplayer តាមបែបបុរាណ ឬនៅក្នុងរឿង Anime ដែលពេញទៅដោយភាពអាថ៌កំបាំងដូចជា “Hotaru no Mori e”។

នៅប្រទេសជប៉ុនរបាំងមុខកញ្ជ្រោងក៏ជាសម្ភារៈប្រើក្នុងពិធីបុណ្យទទួលទេវតា ហើយប្រសិនបើចូលរួមពិធីបុណ្យមួយចំនួន អ្នកនឹងជួបសំណាងល្អ។

និយាយពីរបាំងមុខកញ្ជ្រោងឬអាចហៅថា Kisune-men (狐面) ប្រជាជនជប៉ុននឹងគិតភ្លាមដល់ប្រាសាទ Inari (稲荷神社) នៅ Kyoto។ នេះគឺជាប្រាសាទគោរពបូជាទេវតាកញ្ជ្រោងដែលល្បីទាំងក្នុង និងក្រៅប្រទេស។

ចំនុចលេចធ្លោនៃរបងទ្វារ Torii គឺពណ៌ក្រហមហើយមានច្រើន នេះជាកន្លែងដែលភ្ញៀវទេសចរណ៍មក Kyoto តែងតែមក។

១. របាំងមុខកញ្ជ្រោង

នៅក្នុងរឿងគំនូរជីវចល និងរឿងព្រេងមានរូបភាពកញ្ជ្រោងជាច្រើន។ ប្រជាជនជប៉ុនចាត់ទុកកញ្រ្ជោងជានិមិត្តរូបពិសេស និងជិតស្និទ្ធ។

កញ្រ្ជោងមានវេទមន្តប្រែខ្លួនដើម្បីប្រលែងជាមួយនឹងមនុស្ស។

ប្រសិនបើអ្នកជាអ្នកគាំទ្រ Inuyasha អ្នកនឹងចាំសត្វកញ្រ្ជោងតូច Shippo ជាមួយនឹងវេទមន្ត។ ទៅដល់ប្រទេសជប៉ុនទើបឃើញប្រសាទទេវតាច្រើនរាប់មិនអស់ហើយក្នុងនោះមានប្រសាទទេវតាកញ្ជ្រោង។

ថែមទាំងមានកោះកញ្ជ្រោងជិតកោះឆ្មា និងកោះទន្សាយ

ក្រៅពីនេះមានពិធីបុណ្យជាច្រើន និងមានទំនៀមទម្លាប់រាល់ឆ្នាំត្រូវបានសម្តែងតាមដំណើររឿងព្រេង។

ដូចជាពិធីបុណ្យដែល Japo នឹងរៀបរាប់ខាងក្រោម៖

២. មាន ៤ប្រភេទ Kisune-men

Menhariko 面張りこ

ផ្ទៃខាងក្នុង និងខាងក្រៅរបស់របាំងមុខកញ្ជ្រោង

នេះជារបាំងមុខដែលឃើញច្រើនបំផុតនៅក្នុងខ្សែភាពយន្ត និង Anime ជប៉ុន។ អ្នកអាចទិញរបាំងមុខនេះនៅតូបលក់របាំងមុខក្នុងពិធីបុណ្យរបស់ជប៉ុន ហើយវាធ្វើពីប្រភេទជ័រធម្មតា។ ប្រភពនៃរបាំងមុខនេះធ្វើពីក្រដាស Washi ដែលបិទពីលើច្រើនជាន់ ហើយហាលអោយស្ងួត។ ពណ៌ និងឆ្នូតគូសនៅលើមុខគ្រប់យ៉ាងសុទ្ធតែធ្វើដោយដៃ។

Byakko 白狐

កញ្ជ្រោងសគឺជាទេវតាកញ្ជ្រោងដែលគេគោរពបូជានៅ Inari តាំងពីសម័យបុរាណ។

ដំណើររឿងនិយាយថាសត្វដែលមានពណ៌សគឺជាអ្នកនាំសារនៃទេវតា ហើយពេលខ្លះប្រែជាមនុស្ស ឬកើតមកមានរូបរាងជាទារក។

Egao Kitsunemen 笑顔狐面

របាំងមុខកញ្ជ្រោងចេះញញឹមជាប្រភេទដែលពិសេស។ ប្រើក្នុងពិធីបុណ្យចូលឆ្នាំថ្មី Yoshihara នៃ Edo បុរាណ Egaokomen មើលទៅដូចរបាំងមុខកញ្ជ្រោងដែលហាមាត់ ដូចជាកំពុងសើច។

ប៉ុន្មានឆ្នាំនេះមានសកម្មភាពប្រារព្ធធ្វើឡើងវិញពិធីបុណ្យនេះ។ ថ្ងៃណាមួយប្រហែលជាអ្នកនឹងមើលឃើញរបាំងមុខកញ្ជ្រោងកំពុងសើចតាមផ្លូវ Tokyo ជាមិនខាន។

រូបភាពពិធីបុណ្យ Yoshihara ក្នុងឳកាសចូលឆ្នាំថ្មីសម័យកាល Edo បុរាណ

Daikitsumen 大狐面

គឺជាប្រភេទរបាំងមុខមើលទៅគួរអោយខ្លាច សក់ និងពុកមាត់សំពោងហើយផ្ទៃខាងក្នុងមានពណ៌ខ្មៅ។

៣. ពិធីបុណ្យដែលប្រើរបាំងមុខកញ្ជ្រោង

Tenko (天狐)

តាមដំណើររឿងកញ្ជ្រោងដែលរស់នៅពាន់ឆ្នាំនឹងអាចក្លាយទៅជាទេវតា ទៅដល់ពិភពមួយថ្មីហើយត្រូវបានគេហៅថាជា Tenko។

ចំនុចពិសេសរបស់ Tenko គឺមានកន្ទុយប្រាំបួន។ ខាងក្រោម Tenko នូវមាន Yako (野狐) ឬ Kiko (気狐)។ ប្រសិនបើសំុសីលបាន ៣០០០ឆ្នាំនឹងក្លាយទៅជា Kuuko (空狐)។

នៅ Kawagoe ខេត្ត Saitama ជារៀងរាល់ឆ្នាំតែងតែរៀបចំពិធីបុណ្យដែលមានរបាំទេវតាកញ្ជ្រោង Tenko ដើម្បីហៅទេវតាត្រលប់មកវិញ។ ប្រសិនបើអ្នកនៅជិតទីក្រុង Kawagoe កុំរំលងពិធីបុណ្យនេះណា!

Kitsunemai (狐舞)

គឺជារបាំនៅក្នុងពិធីបុណ្យ Yoshihara ក្នុងឱកាសឆ្នាំថ្មីដែលបានរៀបរាប់ខាងលើ។ សូមមើលវីដេអូខាងក្រោមដើម្បីឃើញពីបរិយាកាសពិធីបុណ្យដែលល្បីឈ្មោះ Kitsunemai នេះ។

Kitsune no Yome iri (狐の嫁入り)

នេះគឺជាពិធីទទួលកូនក្រមុំតាមដំណើររឿងព្រេងពីសម័យបុរាណ។ មនុស្សទាំងអស់ដែលដើរតាមសូម្បីតែកូនកំលោះកូនក្រមុំ សុទ្ធតែត្រូវពាក់របាំងមុខ។ កូនក្រមុំអាចអង្គុយលើគ្រែស្នែង និងមានចង្កៀងកោម ហើយមានអ្នកដើរហែតាមពីក្រោយ។ តាមធម្មតាក្រុមមនុស្សនឹងចាប់ផ្តើមដើរពីរបងទ្ធារទីបីគឺ Chine-in ដល់ Koudaiji នៃ Tokyo បុរាណ។

នារីដែលដើរតាមក្បួនហែនេះប្រសិនបើមិនទាន់មានប្តីនឹងឆាប់រកបានគូរស្រករតាមបំណង និងមានសុភមង្គល។ ប៉ុន្តែមើលទៅហាក់ដូចជាមិនមានភាពរីករាយក្នុងពិធីបុណ្យនេះសោះ។

Kitsune no Gyoretsu (狐の行列) គឺជាក្បួនហែក្នុងឳកាសឆ្នាំថ្មីតំបន់ Kanto។

“ជារៀងរាល់ឆ្នាំនៅថ្ងៃ Omisoka (31/12) កញ្ជ្រោងទាំងអស់ដែលនៅក្នុងរង្វង់ Kantou (ភាសាជប៉ុន – Kanto ichi en) នឹងប្រមូលផ្តុំនៅប្រាសាទកញ្ជ្រោង Oiji Inari Jinja (ភាសាជប៉ុន)”។

គឺជាដំណើររឿងតគ្នាមកដល់បច្ចុប្បន្នហើយប្រជាជនរស់នៅ Ouji នៅតែបន្តពិធីបុណ្យនេះ។