ភ្ញាក់ផ្អើល…! បើអ្នកដឹងពីមូលហេតុដែលប្រជាជនជប៉ុនមិនចូលចិត្តរូបសាក់

ថ្ងៃអង្គារ 08/01/2019 | 19:57 ល្ងាច

ខ្ញុំឃើញថាយុវជនជាច្រើននៅសម័យនេះចូលចិត្តសាក់រូប សម្រាប់យុវជនជប៉ុនក៏ដូចគ្នា ប៉ុន្តែដោយសារតែជប៉ុនជាប្រទេស មានការគិតមិនល្អទៅលើរូបសាក់ហេតុនេះប្រសិនបើចង់សាក់ ក៏ត្រូវគិតឲ្យបានច្បាស់លាស់។

មតិជាច្រើនបាននិយាយថា ប្រជាជនជប៉ុនមានគំនិតមិនល្អជាមួយនឹងរូបសាក់ ដោយសារវាធ្វើឲ្យពួកគេគិតទៅដល់ Yakuza (ក្រុម Mafia ជប៉ុន) ប៉ុន្តែនោះក៏ជាផ្នែកមួយនៃរឿងនេះផងដែរ។

រូបសាកនៅក្នុងភាសាជប៉ុនគឺ 入れ墨 (Irezumi) មានតាំងពីយូរមកហើយក្នុងប្រវត្តិសាស្ត្រជប៉ុន មានន័យថាដើម្បីសម្គាល់ឧក្រិដ្ឋជន។ ខាងក្រោមនេះខ្ញុំសូមបកស្រាយអត្តន័យរូបសាក់ដំបូងនៅជប៉ុន។

រូបភាព http://karapaia.com/archives/52238294.html

ពេលទើបចូលគុក អ្នកទោសត្រូវសាក់លេខគុកនៅលើដៃ

រូបភាព http://karapaia.com/archives/52238294.html

គោលបំណងនៃរូបសាកនេះ មិនត្រឹមតែដើម្បីងាយស្រួលគ្រប់គ្រង ប៉ុន្តែថែមទាំងមានបំណងសាក់នៅកន្លែងដែលមិនអាចលាក់បាំងបានដូចជា លើថ្ងាសសម្រាប់បែងចែកអ្នកទោសនឹងមនុស្សដ៏ទៃ។ ក្រោយមកទោះបីជាទទួលបានការលើកលែងទោសក៏ដោយ ស្នាមនៃកំហុសពីអតីតកាលនឹងស្ថិតនៅលើរាងកាយរបស់ពួកគេជារៀងរហូត។

រូបសាក់ត្រូវបានបទបញ្ញត្តិជានិមិត្តសញ្ញា អាស្រ័យលើតំបន់ផ្សេងៗគ្នា។ ប៉ុន្តែនិមិត្តរូបដែលអាម៉ាស់បំផុតគឺជានិមិត្តសញ្ញា Chikuzen។

ជាមួយនឹងការប្រព្រឹត្តបទល្មើសលើកដំបូង គេនឹងសាក់ឆ្នូតផ្តេកមួយនៅលើថ្ងាស ប៉ុន្តែប្រសិនបន្តប្រព្រឹត្តបទល្មើស ៣ ដង រូបសាក់នៅលើថ្ងាសនឹងមានរូបរាងដូចជា 犬 (Inu) – សត្វឆ្កែ។ អត្ថន័យរបស់ការពិន័យនេះគឺ ថ្វីបើអ្នកដែលត្រូវបានអប់រំច្រើនដងនៅតែបន្តកំហុស មិនខុសអ្វីទៅនឹងសត្វឆ្កែល្ងង់ មិនសមនឹងចាត់ទុកដូចមនុស្សទេ។

អ្នកទោសដែលមានរូបសាក់ភាគច្រើនធ្វើកំហុសតូចតាចដូចជាការលួច ឬលេងល្បែង មិនរាប់បញ្ចូលជាអ្នកទោសប្រហារជីវិត។ ក្រៅពីទម្រង់នៃរូបសាក់ អ្នកទោសក៏ត្រូវរងការផ្តន្ទាទោសផ្សេងដូចជា ត្រូវវាយចាប់ពី ៥០ ដល់ ១០០ ដំបងសម្រាប់បុរស និងឃុំឃាំងក្នុងគុកពី ៥០ ដល់ ១០០ថ្ងៃចំពោះនារី។

ទន្ទឹមនឹងការដាក់សញ្ញាអ្នកទោស រូបសាក់ក៏ជាវិធានការការពារ អ្នកដែលមានគ្រោះថ្នាក់ក្នុងតំបន់នេះចូលទៅតំបន់ផ្សេងទៀត។

ការដាក់ទណ្ឌកម្មនៅសម័យបុរាណនៅជប៉ុនពិតជាអាក្រក់ ហេតុនេះប្រសិនបើប្រព្រឹត្តបទល្មើសរហូតដល់ ៣ដង ជនល្មើសអាចនឹងត្រូវប្រហារជីវិត។ ហេតុនេះអ្នកដែលមានសាក់អក្សរ Inu លើថ្ងាសដែលបានរៀបរាប់ខាងលើ ទោះប្រព្រឹត្តកំហុសតូចតាច ប៉ុន្តែបើប្រព្រឹត្តឡើងវិញច្រើនដង ទោះមិនមែនជាទោសធ្ងន់ក៏ដោយ។ ទោះបីជាការសាក់រូប គឺជាភាពអាម៉ាស់ដែលមិនអាចលុបបាន ហើយគេនឹងត្រូវមនុស្សជុំវិញសើចចម្អកក្នុងជីវិត។

ដោយសារតែជាប់ទាក់ទងទៅនឹងអត្ថន័យមិនសូវជាល្អក្នុងប្រវតិ្តសាស្រ្ត រហូតមកដល់បច្ចុប្បន្ន រូបសាក់មិនត្រូវបានទទួលស្គាល់ ដោយគំនិតវិជ្ជមានក្នុងប្រទេសជប៉ុនឡើយ ជាពិសេសសម្រាប់មនុស្សចាស់។

Kengo Abe