មូលហេតុដែលកន្លែងជាច្រើននៅក្នុងប្រទេសជប៉ុនមានឈ្មោះ Senju

ភាគខាងកើតនៃទីក្រុងតូក្យូមានតំបន់មួយហៅថា Adachi មានទីតាំងស្ថិតនៅជិតខេត្ត Saitama និង​ Chiba។ នៅ​កន្លែង​នេះ​មាន​ទី​ក្រុង Shitamachi ដែលមានការអភិវឌ្ឍខ្លាំងស្ថិត​ស្ថេរ​ជា​មួយនឹងប្រវត្តិសាស្រ្តយូរអង្វែង បើប្រៀបធៀបទៅនឹងតំបន់ដែលទើប​មាន​នៅពេលក្រោយដូចជា Shinjuku និង Shibuya។

Adachi មាន​តំ​បន់​ដ៏​ពិសិដ្ឋមួយ​កន្លែងត្រូវ​បាន​ព្រះ​ប្រទាន​អោយ​ឈ្មោះថា 千住（せんじゅ）– Senju។

ឈ្មោះនេះមិនមែនមាន​តែ​មួយ​នោះ​ទេ នៅប្រទេសជប៉ុនក៏​មានស្ថានីយ៍មាន​ឈ្មោះ Kitasenju, Senju oohashi… ឈ្មោះក្នុងស្រុកជាច្រើនទៀតរួមមាន Senju akebono-chou, Senju asahi-chou…

រូបភាព https://mag.japaaan.com/archives/87479

ចៃដន្យ​ណាស់​ដែរ ទី​ក្រុង​ដែលខ្ញុំ​កើត និង​ធំ​ឡើងក៏​មាន​ពាក្យ Senju នោះ​គឺ Senju midori -chou។

ហេតុ​អ្វី​កន្លែង​ជាច្រើន​នៅ​ប្រទេសជប៉ុនត្រូវ​បាន​ដាក់​ឈ្មោះ​ថា Senju ដូច្នេះ? ពីព្រោះនេះក៏ជាឈ្មោះនៃទេវតាដែរ។

រូបភាព https://mag.japaaan.com/archives/87479

ព្រះមួយ​អង្គ​នេះ 千手観音 (Senju Kannon) – ព្រះ​មាន​ដៃច្រើន។

នៅ​ទីក្រុង Senju ខាង​លើ​មាន​វត្តមួយឈ្មោះ Shousen-ji។

រូបភាព https://ameblo.jp/2055masumi/entry-12255395870.html

ចំនុចគួរ​អោយ​អារម្មណ៍ដំបូងនៃវត្ត​នេះ​គឺជាច្រកទ្វារពណ៌ក្រហមភ្លឺ ហេតុ​នោះ​ពេលនៅ​តូច ក្មេងៗ​ហៅ​កន្លែង​នេះ​ថា Akamon-tera។ ខាង​ក្នុងវត្តមានរូបចំលាក់បុរាណនៃ​ព្រះមាន​​ដៃច្រើន។

រូបភាព https://weekly.ascii.jp/elem/000/000/288/288620/

នៅ​ក្នុង​ឆ្នាំ ១៣២៧​ រូបសំណាកនេះជាប់​ក្នុង​សំណាញ់ របស់អ្នកនេសាទម្នាក់នៅឯ​ទន្លេមួយនៅក្បែរនោះ។ អ្វីដែល​ភ្ញាក់ផ្អើលគឺនៅពេលនោះកូនប្រុសរបស់គាត់ទើបសាង​សង់​វត្ត​មួយ​ហើ​យ​នោះ​គឺជា Shousen-ji បច្ចុប្បន្ន។

ត្រលប់​មក​ជាមួយ​ឈ្មោះ Senju កាល​ពី​មុន​ ទី​ក្រុង​នេះ​បង្កើត​ឡើង​ដើម្បីការពារ​ព្រះមាន​​ដៃ​ច្រើន ក្រោយ​មក​ពាក្យ Kanji (千手 ) ប្រែ​ក្លាយទៅ​ជា (千住 )។

ក្រៅ​ពី​នេះ​ក៏មានរឿងជាច្រើនជុំវិញឈ្មោះអាថ៌កំបាំងនេះ ប៉ុន្តែវាហាក់ដូចជារឿងព្រេងដែល​ល្អ ហើយ​សមហេតុ​ផល​​បំ​ផុត។

Senju គឺ​ជាទី​ក្រុង​ដែល​មាន​ល្បឿននៃការ​អភិវឌ្ឍ​លឿន មជ្ឈមណ្ឌល​នៃទីក្រុងគឺស្ថានីយ៍ Kitasenju ជាមួយនឹងសេវាជាច្រើន តាំងពី subway, JR រហូត​ដល់ផ្លូវរថភ្លើងឯកជន។

មិន​ត្រឹម​តែ​ជា​ទី​ក្រុង​ដែលអ៊ូអរ អាយុ​កាល​យូរ ប៉ុន្តែ​ពោពេញ​ទៅ​ដោយ​ភាព​ថ្មី​ស្រលាង​ នេះ​ក៏​ជា​ទឹក​ដីដែល​ត្រូវ​បាន​ការ​ពារដោយ​ទេវតា មានប្រពៃណីយូរអង្វែងជាច្រើន។ សម្រាប់​អ្នក​ដែល​កំ​ពុង​ស្វែង​រក​កន្លែង​ស្នាក់​នៅ Tokyo អាច​សាក​ល្បង​កន្លែង​នេះ​បានណា..!

ប្រហែលជាអ្នកនឹងទទួលបានថាមពលដ៏អស្ចារ្យនៅថ្ងៃណាមួយ ។

Kengo Abe