ស្វែងយល់ពីឧបករណ៍ភ្លេងប្រពៃណីជប៉ុន

ថ្ងៃអង្គារ 01/01/2019 | 10:56 ព្រឹក

មានដូចជាប្រភេទ J-Pop, J-Rock ដែលពេញនិយម មិនដឹងថាអ្នកអាន Japo មាននរណាម្នាក់ចាប់អារម្មណ៍ឧបករណ៍តន្ត្រីប្រពៃណីជប៉ុនដែរឬទេ?

ចំរៀងប្រពៃណីជប៉ុនមានសម្លេងពិរោះអន្លង់អន្លោច ទាក់ទាញអ្នកស្តាប់តាំងពីពេលស្តាប់សម្លេងដំបូងមកម៉្លេះ។ ដើម្បីធ្វើបានដូច្នេះគឺត្រូវពឹងទៅលើឧបករណ៍ភ្លេងដែលមានសម្លេងពិសេស។ ឧបករណ៍ភ្លេងទាំងនេះគឺប្រជាជនជប៉ុនបង្កើត ឬយកតាមប្រទេសចិន ឬប្រទេសដ៏ទៃផ្សេងទៀត ក្រោយមកត្រូវបានផ្លាស់ប្តូរដើម្បីអោយសមទៅនឹងអារម្មណ៍សិល្បៈនៃប្រជាជនជប៉ុន។

ខាងក្រោមនេះគឺជាឧបករណ៍ភ្លេងប្រពៃណីមួយចំនួន។

១. Koto ភាសាជប៉ុន

Koto គឺជាពិណរបស់ជប៉ុនស្រដៀងទៅនឹងពិណរបស់ចិន។ ប៉ុន្តែពិណ Koto ធម្មតាមានតែ ១៣ខ្សែ ចំណែកពិណរបស់ចិនអាចមានរហូតដល់ទៅ ៣៦ខ្សែ។ Koto មានប្រវែង ១៦០ cm ដល់ ២០០ cm និងទទឹងប្រហែល ២០ cm។ អ្នកលេងពិណពាក់ក្រចកនៅលើម្រាមដៃមេ ម្រាមដៃនាង និងម្រាមដៃកណ្តាលនៃដៃខាងស្តាំដើម្បីលេងភ្លេង។ ដើម្បីបង្កើតជាសម្លេងខុសៗគ្នា ដៃឆ្វេងសង្កត់ខ្សែពិណថែមថយតាមចង្វាក់។

២. Shamisen (ភាសាជប៉ុន)

Shamisen គឺជាឧបករណ៍តន្រ្តីមានបីខ្សែរបស់ជប៉ុន ដែលលេងដោយប្រដាប់កេះត្រូវបានគេហៅថា Bachi។

Shamisen មានប្រវែងស្រដៀងគ្នាទៅនឹងហ្គីតាដែរ ប៉ុន្តែករបស់ឧបករណ៍តន្រ្តីគឺស្តើង។ កនៃឧបករណ៍តន្រ្តីធ្វើពីឈើ koki ប្រភេទឈើដែលដុះនៅលើភ្នំ Himalaya នៃប្រទេសឥណ្ឌា។ ឈើ koki ពិតជារឹង ហេតុនេះវាមិនធ្វើអោយសម្លេងភ្លេងខុសចង្វាក់។

Shamisen គឺជាឧបករណ៍តន្រ្តីដែលមានចំនុចពិសេស ជាងប្រភេទឧបករណ៍តន្រ្តីផ្សេងទៀតនោះគឺយើងអាចដោះផ្នែកនីមួយៗនៃឧបករណ៍តន្រ្តីនេះយ៉ាងងាយស្រួល ហើយរៀបដាក់ក្នុងធុងភ្លេង។ ដូច្នេះអ្នកលេងភ្លេងអាចយកវាតាមខ្លួន។

៣. Biwa (ភាសាជប៉ុន)

Biwa គឺជាពិណដែលមានកកខ្លី ត្រូវបានប្រើភាគច្រើនក្នុង Gagaku។ វាគឺជាឧបករណ៍តន្រ្តីមានខ្សែ ហើយមានបីប្រភេទខុសៗគ្នា។ ក្នុងចំណោមនោះគឺ Gaga Biwa លក្ខណៈពិសេសសំខាន់របស់វាគឺកូនសោភ្លេងតូច។ ទីពីរដែលត្រូវហៅថា Chikuzen Biwa មានបួនខ្សែ ឬប្រាំខ្សែ។ ប្រភេទទីបីនៃ Biwa ត្រូវបានហៅថា Satsuma Biwa លក្ខណៈពិសេសគឺមានទំហំធំ។

៤. Wadaiko – Taiko

Taiko គឺជាស្គរប្រពៃណីមួយប្រភេទនៅក្នុងប្រទេសជប៉ុន មានទំហំខុសៗគ្នា។ ក្នុងភាសាជប៉ុន Taiko គឺនិយាយពីស្គរទាំងអស់ ប៉ុន្តែនៅប្រទេសផ្សេងពាក្យនេះត្រូវបានគេប្រើដើម្បីហៅប្រភេទស្គរពិសេសរបស់ជប៉ុនគឺជា Wadaiko។

៥. Shakuhach

Shakuhachi មានន័យថាជា 1.8 foot =30.3 cm។ នេះគឺជាឧបករណ៍តន្រ្តីប្រពៃណីដែលធ្វើពីឫស្សីនៅប្រទេសជប៉ុន ហៅថាខ្លុយឫស្សី Shakuhachi។ មានប្រភពមកពីប្រទេសចិន ប្រហែលនៅចុងសតវត្សទី ៧ ខ្លុយឫស្សី Shakuhachi ល្បីនៅប្រទេសជប៉ុនដូចជាឧបករណ៍តន្ត្រីពិសេស។ បង្កើតជាសម្លេងយ៉ាងពិរោះ។

ខាងក្រោមនេះគឺជាការសម្តែងមួយចំនួនដែលប្រើឧបករណ៍តន្រ្តីប្រពៃណីជប៉ុនចូលគ្នា។