O-souji ព្រឹត្តិការណ៍​ពិសេស​របស់ប្រជាជន​​ជប៉ុន​មុនពេល​ឆ្នាំ​ថ្មី

ចុង​ឆ្នាំ​គឺ​ជា​ពេល​វេលា​មមាញឹកខ្លាំង​ មានការរៀប​ចំ​សម្រាប់បុណ្យ​ណូ​អែល ថែម​ទាំង​រៀប​ចំ​សម្រាប់​ឆ្នាំ​ថ្មី។ សម្រាប់​ប្រជាជន​ជប៉ុន នេះ​ជា​ពេល​វេលា “មមាញឹក” ក្នុង​កម្មវិធី​ដែល​ហាក់​ដូចជា​គ្មានទី​បញ្ចប់។

មុន​ពេល​ដាច់​ឆ្នាំ​ នៅ​ប្រទេសជប៉ុន​មាន​ទំ​នៀម​ទំ​លាប់​ដ៏​ល្អ​មួយ​ត្រូវធ្វើ​ហៅ​ថា “O-souji” (ការសម្អាត​)។ ការ​សម្អាត​នេះ​ធ្វើ​ឡើង​ទាំង​នៅ​កន្លែង​ធ្វើ​ការ និង​នៅផ្ទះ។

រូបភាព https://notesofnomads.com/

O-souji មាន​តាំង​ពី​ពេល​ណា?

ក៏​ដូច​ទៅ​នឹងបណ្តាប្រទេសភាគខាង​លិចដែរ​ ការ​សម្អាត​​តែង​ធ្វើ​ឡើង​នៅ​ដើម​ឆ្នាំ​ថ្មី។ ពាក្យ O-souji មាន​ដោយ​សារ (souji: រៀប​ចំ) និង (O-ធំ) ហេតុ​នេះ O-souji អាច​ត្រូវ​បាន​បក​ថាការ​បោស​សម្អាត​​នៅ​ចុង​ឆ្នាំ។

ក្នុង​សម័យ​ Edo ផ្ទះ​ភាគ​ច្រើន​នៅ​ក្នុង​ប្រទេសជប៉ុន​ប្រើឧបករណ៍​កំដៅ និង​ចង្រ្កាន​ភ្លើង​ ដូច្នេះផ្ទះ​នឹង​ពេញ​ទៅ​ដោយ​ផេះ និង​ធូ​លី​ក្នុង​រយៈពេល​យូរ​។ ហេតុ​នេះ​ចុង​ឆ្នាំ​គឺជា​ពេល​វេលា​សក្តិ​សម​សម្រាប់​បោស​សម្អាត​​ធូលី។ ប្រាសាទ Edo ចាប់​ផ្តើម​រៀប​ចំ​ក្នុង​ខែ​ធ្នូ ហើយ​មនុស្ស​គ្រប់​គ្នា​ជឿ​ថា ការ​បោស​សម្អាត​ក្នុង​ខែ​ធ្នូ មិន​ត្រឹម​តែ​ជា​ការ​សម្អាត​​ ប៉ុន្តែ​ជាពិធី​បុណ្យជម្រះ​ដើម្បីរៀប​ចំ​ទទួល​ទេវ​តា​ឆ្នាំ​ថ្មី Toshigami-sama។

រូបភាព http://shirokanevnfs.info/

O-souji តំណាង​អោយ​ស្មារតី​ថ្មី និង​ការចាប់​ផ្តើម​ថ្មី​។ ផ្នែក​ដែល​សំ​ខាន់​បំ​ផុត​នៃ O-souji ត្រូវ​បាន​ហៅ​ថា Susuharai (សម្អាត​ធូលី) ជាសកម្ម​ភាព​សម្អាត​ធូលីនៅ​ផ្ទះ​ និង​កន្លែង​ធ្វើ​ការ​។ ក្នុង​ពេល​ធ្វើ Susuharai ពួកគេ​ក៏​អរគុណ​ដល់​ពរជ័យ​នៃ​ឆ្នាំ​មុន​ និង​សុំ​សម្អាត​សម្រាប់​ឆ្នាំ​ថ្មី។

រៀប​ចំ O-souji របៀប​ណា?

Daiso និង​ហាង​ទំនិញ ១០០យេន​ ជាកន្លែង​ដ៏​ល្អ​សម្រាប់​ទិញ​ទំ​និញសំខាន់ៗដើម្បី​សម្អាត​ចុង​ឆ្នាំ។ ផលិត​ផល​នៅ​ទី​នេះ​មិន​ត្រឹម​តែ​ថោក ហើយ​គុណ​ភាព​ក៏ល្អ។

រូបភាព https://lamsach5s.com/

ផលិត​ផល​មួយ​ដែល​ត្រូវ​បាន​វាយ​តម្លៃ​ខ្ពស់គឺ៖

១. ទឹក​លាង​សម្អាត Baking Soda (Juso Kurina)

ប្រើ​សម្រាប់​លាង​សម្អាត​ប្រេង​ និង​ស្នាម​ផ្សេងៗ។

២. Melamine Sponge  (Meramin Suponji)

អេបង់​នេះ​មាន​ភាព​ងាយ​ស្រួល​ និង​សម្អាត​ស្នា​ម​ប្រឡាក់ល្អបំ​ផុត ថែម​ទាំង​មាន​តម្លៃថោក​។

៣. ឧបករណ៍​​​សម្អាតផ្ទះ  (Handi Moppu)

ឧបករណ៍ជូត​​​សម្អាតផ្ទះ (ដូចទៅ​នឹង​ដៃ) ហើយ​អាច​ប្រើ​សម្រាប់​សម្អាតធូ​លី​លើទូរទស្សន៍ និង​កុំព្យូទ័រ។

អ្នក​ក៏​អាច​ដាក់​ទឹ​ក​ដើម្បី​ជូត​សម្អាត​ផ្ទះ។

៤. ច្រាស​ដុសសម្អាត​ សាប៊ូ (Senzai Brashi)

អ្នក​អាច​ទិញ​ច្រាស​នេះ​នៅ​ហាង Can Do នៅ​ជប៉ុន។

នេះ​ជា​ឧបករណ៍​ទូ​ទៅ​ដែល​ប្រើ​សម្រាប់​បោស​សម្អាត​ដែល​អ្នក​អាច​ងាយ​ស្រួល​ទិញនៅ​ហាង​ ១០០យេន​។

ពេល​វេលាសម្អាត?

ពី​មុន​ ទំ​នៀម​ទំ​លាប់​ O-souji វាចាប់ផ្តើមនៅសប្តាហ៍ទី ២ នៃខែធ្នូ ជាធម្មតានៅថ្ងៃទី ១៣។ ប៉ុន្តែថ្មីៗនេះទំ​នៀម​ទំ​លាប់បានចាប់ផ្តើមយឺត ឬ​អាច​នៅ​ក្នុង​ថ្ងៃចុង​ក្រោយ​នៃ​ខែ​ធ្នូ​ (​o-misoka ថ្ងៃទី ៣១ ខែធ្នូ)។ ភាគ​ច្រើន​នៅ​ក្រុម​ហ៊ុន សាលារៀន​ ឬ​កន្លែង​ធ្វើ​ការ O-souji ត្រូវ​បាន​ធ្វើ​មុន​ថ្ងៃ​សម្រាកណូ​អែល​ ក្នុង​ថ្ងៃទី ២៣ ឬ ២៤ ខែធ្នូ។

រូបភាព http://jpninfo.com

ស្តាប់​ទៅ​ហាក់​ដូច​ជា​ងាយ​ស្រួល​ ប៉ុន្តែ​ពេល​បោស​សម្អាត​ រួម​ទាំង​ផ្នែក​ដែល​មិន​សូវ​មាន​ការ​ចាប់​អារម្ម​ណ៍ដូចជា កង្ហារបក់​ខ្សល់ចេញ បង្អួច ធ្នើ​ខ្ពស់ អំពូល​ភ្លើង​ និង​កន្លែង​ដែល​ដាក់​ឥវ៉ាន់សុទ្ធ​តែ​ត្រូវ​សម្អាត​ ហេតុនេះ​ពិត​ជាអស់កំលាំង និង​ចំណាយ​ពេល​ច្រើន​ដូច្នេះគួរ​តែ​រក​មនុស្ស​ច្រើន​ដើម្បី​ជួយ។

នៅពេលដែលកន្លែង​រស់នៅ និងទីកន្លែងធ្វើការរបស់អ្នកស្អាត ហើយ​មានសណ្តាប់ធ្នាប់ អ្នកនឹងមាន​អារម្មណ៍​កាន់​តែ​ប្រសើរ​ ហើយ​ត្រៀម​ខ្លួន​រួច​រាល់​ដើម្បី​ស្វាគមន៍​ឆ្នាំ​ថ្មីជាមួយ​នឹង​គំនិត​វិជ្ជមាន​។

ប្រភព http://jpninfo.com/36791

Neko

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: