តើមានរឿងអ្វីកើតឡើងពេលដែលជនជាតិជប៉ុនឈរតម្រង់ជួរ?

ថ្ងៃចន្ទ 17/12/2018 | 16:28 ល្ងាច

ចំនុចមួយដែលគួរអោយចាប់អារម្មណ៍របស់ជនជាតិជប៉ុនគឺតែងតែតម្រង់ជួរ ពេលបើកបរ ថែមទាំងពេលនៅលើឡានក្រុង។ រូបភាពមនុស្សតម្រង់ជួរកុះករប៉ុន្តែនៅតែស្ងៀមស្ងាត់ និងសណ្ដាប់ធ្នាប់បានបណ្តាលអោយបណ្តាប្រទេសផ្សេងទៀតជាច្រើនសរសើរការអត់ធ្មត់របស់ជនជាតិជប៉ុន។ ប៉ុន្តែចំពោះជនជាតិជប៉ុនម្នាក់ៗ នេះជារឿងធម្មតា។

រូបភាព http://kajiki-h.seesaa.net

តើអ្នកធ្លាប់ឆ្ងល់ពីរបៀបដែលពួកគេត្រូវបានអប់រំដើម្បីអាចតម្រង់ជួរយ៉ាងនេះ?

ចាប់តាំងពីពេលរៀនសាលាបឋមសិក្សា ប្អូនៗត្រូវបានគេហ្វឹកហាត់ក្នុងពេលតម្រង់ជួរ។ ពេលខ្ញុំអាយុ ៥ឆ្នាំ គ្រាន់តែម្តងក្នុងមួយសប្តាហ៍ សិស្សទាំងអស់ត្រូវចូលរួមកម្មវិធីតម្រង់ជួរពេលព្រឹក។ តាំងពីពេលនោះពួកយើងបានអនុវត្ត និងចងចាំវិធីសាស្រ្តតម្រង់ជួរ។

ក្នុងរូបភាពខាងលើ សិស្សអាចរក្សាចម្ងាយរបស់ពួកគេស្មើៗគ្នាជាលទ្ធផលនៃការបណ្តុះបណ្តាល និងការហ្វឹកហាត់ដោយខ្លួនឯងក្នុងរយៈពេលយូរ។

ចាប់ផ្តើមពីរឿងតូចតាចដូចនេះ

រូបភាព http://www.kamezaki-e.ed.jp

ប្អូនៗកំពុងតែតម្រឹមជួរជាមួយអ្នកនៅមុខ។ សិស្សឈរមុខគេ នឹងលើកដៃដើម្បីតម្រឹមអ្នកផ្សេងទៀត។ អ្នកដែលនៅខាងក្រោយឈរយ៉ាងណាអោយឃើញតែផ្នែកខាងក្រោយនៃអ្នកខាងមុខ ទន្ទឹមនឹងនេះគម្លាតចម្ងាយដោយការលើកដៃប៉ះស្មាអ្នកនៅខាងមុខ។

ពឹងទៅលើការអនុវត្តយ៉ាងហ្មត់ចត់នេះទើបជួរបានស្មើ និងស្អាត។

ពេលដែលធ្លាប់ អ្នកមិនត្រូវការអ្នកមកជួយតម្រឹមទេ ប៉ុន្តែអ្នកអាចរក្សាចម្ងាយបានត្រឹមត្រូវ ទោះបីក្នុងស្ថានភាពណា សូម្បីតែក្រៅសាលា។ នេះជាមូលហេតុមនុស្សតម្រង់ជួរនៅជប៉ុនពេលណាក៏ត្រង់ ស្មើ និងស្អាត។

មនុស្សជាច្រើនគិតថាវិធីបែបនេះគឺស្រដៀងនឹងវិន័យយោធា ប៉ុន្តែនោះក៏ជាផ្នែកវិជ្ជមាននៃការអប់រំរបស់ប្រទេសជប៉ុនផងដែរ។

ជួនកាលពេលមានមនុស្សច្រើន មនុស្សម្នាក់ៗត្រូវឈរគៀកគ្នា និងមានករណីបែបនេះ។

រូបភាព https://instagrammernews.com

នេះជាវិធីនៃការតម្រឹមជួរជាមួយអ្នកនៅខាងមុខ។ មើលទៅពិតជាគួរអោយស្រលាញ់ណាស់!

រូបភាពជនជាតិជប៉ុនតម្រង់ជួរត្រង់ភ្លឹងអាចធ្វើអោយអ្នកមានការភ្ញាក់ផ្អើលជាមួយនឹងកម្រិតម៉ឺងម៉ាត់អត់ធ្មត់នៃមនុស្សដែលនៅទីនេះ ប៉ុន្តែតាមការពិតក្នុងពេលតម្រង់ជួរ ជនជាតិជប៉ុនក៏មានរឿងជាច្រើនដើម្បីធ្វើ។ នេះជាមូលហេតុទោះបីជាត្រូវរងចាំក្នុងរយៈពេលយូរ ពួកគេមិនត្រឹមតែមិនខ្លាចថែមទាំងអាចឈរបានយូរ។

នេះជាពេលវេលាសក្តិសមសម្រាប់អ្នកអានសៀវភៅ ស្តាប់ចម្រៀង មើលទូរស័ព្ទ ថែមទាំង សញ្ចឹងគិតពីជីវិត។

ហេតុនេះអ្នកអាចយកតម្រាប់តាមវប្បធម៌តម្រង់ជួរនេះបាន។

Kengo Abe