មូល​ហេតុ​ជន​ជាតិ​ជប៉ុន​មួយ​ចំ​នួនតម​ទឹក​ក្នុង​ពិធី​បុណ្យ​ Obon

ឆ្នាំនេះចាប់​ពី​ថ្ងៃទី១៣ ខែ​សីហា​ ដល់​ថ្ងៃ​ទី១៥ ខែ​សី​ហា​ ប្រទេ​សជប៉ុន​ឈាន​ចូល​ថ្ងៃ​ឈប់​សម្រាក​បុណ្យ​ Obon។ ក្នុង​ពេល​វេលា​នេះ បុគ្គ​លិក​ជា​ច្រើន​របស់​ក្រុម​ហ៊ុន​ សហគ្រាសនឹង​ត្រូវ​បាន​ឈប់​សម្រាក មាន​អ្នក​ខ្លះ​ទៅ​ស្រុក​ដើម្បី​ជួប​ជុំ​គ្រួសារ​ មាន​អ្នក​ខ្លះ​ដើរ​លេង​កំ​សាន្ត​នៅ​បរទេស​ជាមួយ​នឹង​ក្រុម​គ្រួសារ។

ដោយ​សារ​តែ Obon គឺ​ជា​ពេល​ដែល​នឹក​គិត​ដល់​ដូន​តា បុព្វបុរស​ ហេតុនេះ​សមាជិក​នៅ​ក្នុង​ក្រុម​គ្រួ​សារ​តែង​តែ​ជួប​ជុំ​គ្នា​។ ប៉ុន្តែ​មាន​រឿង​ព្រេង​រន្ធត់​ពីក្រោយ​ពិធី​បុណ្យ​នេះ។

រូប​ភាព : htpp://jisin.jp/column/164115/

Obon – ឬ​ក៍​អាច​ហៅ​ថា​ថ្ងៃ “បើក​ទ្វារ​ឋាននរក” មាន​វិញ្ញាណ​ជា​ច្រើន​នឹង​ត្រលប់​មក​វិញ “ជួប​ជុំ” គ្រួ​សារ​។ ជាពិសេសក្នុង ៣៦៥​ថ្ងៃ​ ៣​ថ្ងៃ​ប្រារព្ធ​ពិធី​បុណ្យ​ Obon គឺ​ជា​ថ្ងៃ​ដែល​ប្រទេសជប៉ុន​មាន​វិញ្ញាណ​ច្រើន​ជាង​គេបំ​ផុត។

ប៉ុន្តែ​ខ្មោច​ទាំង​​នេះ​មាន​ទាំង​ល្អ​ និង​អាក្រក់ បើ​ជា​វិញ្ញាណ​ដែល​ល្អ​គឺ​មិន​អី​ទេតែ​បើ​សិន​ជា​ខ្មោច​អាក្រក់​មក​ទៀត​នោះ​ពិត​ជា​គ្រោះ​ថ្នាក់​ណាស់។

ហេតុ​នេះ​គេ​និយាយ​ត​គ្នា​ថា៖

“​នៅ​ក្នុង​ថ្ងៃ​បុណ្យ Obon អោយ​តែ​ទៅ​ងូត​ទឹក​សមុទ្រនឹ​ង​ត្រូវ​ខ្មោច​ទាញ​ជើង​ និង​មិន​អាច​វិល​ត្រលប់​មក​វិញ​”

ស្តាប់​ទៅ​ហាក់​ដូច​ជ​ាមិន​សម​ប៉ុន្តែ​ពេល​ដែល​ពិនិត្យ​ទិន្នន័យ​ឃើញ​ថា​ចំ​នួន​មនុស្ស​ស្លាប់​ដោយ​សារ​ការ​លង់​ទឹក​នៅ​ក្នុង​ថ្ងៃបុណ្យ Obon កើន​ឡើង​គួរ​អោយ​ចម្លែក។

តើ​វិញ្ញាណ​ខ្មោច​ពិត​ជា​ទៅ​មក​ជិត​មាត់​សមុទ្រ​ដើម្បី​រង​ចាំ​ឳកាស​ទាញ​ជើង​ថែម​មនុស្ស​ស្លាប់​ទេ?

រូប​ភាព : http://saigonosonae.com/archives/303.html

មូល​ហេតុ​តាម​ពិត​មក​ពី​សត្វ​ដែល​រស់​នៅ​ក្រោម​សមុទ្រ​ – Scyphozoa។

រដូវ Obon មក​ដល់​ក៍​ជា​ពេល​ដែល​ចំ​នួន​ Scyphozoa មាន​ការ​កើន​ឡើង​វា​ថែម​ទាំង​មាន​សំ​បក​ថ្លា​ធ្វើ​ដំណើរ​យឺត មើល​ទៅ​ស្អាត​ទាក់​ទាញហេតុ​នេះ​មនុស្ស​ជាច្រើន​និយាយ​ថា​នេះ​ជា​តំ​ណាង​នៃ​ខ្មោច។

ពេល​ដែល​ធ្វើ​ដំ​ណើរ​ សត្វ Scyphozoa លោត​ឡើង​រុញ​ទឹកតាម​មាត់ ហើយ​ធ្វើ​ដំ​ណើរតាម​ទិស​បញ្ជ្រាស​មក​វិញ។ មាត់របស់​សត្វ Scyphozoa​ នេះ​មួយ​ចំ​នួន​ធ្វើ​អោយ​រមាស់ ពេល​ខ្លះ​ធ្វើ​អោយ​រលាក​ស្បែក។ មនុស្ស​ជាច្រើន​កំ​ពុង​តែ​ហែល​ទឹក​ស្រាប់​តែ​ត្រូវ Scyphozoa រុំ​ធ្វើ​អោយ​លង់​ទឹក​ស្លាប់។

ប្រហែល​ជា​មិន​មាន​ខ្មោច​បិសាច​ណា​ទេប៉ុន្តែ​គ្រាន់​តែ​ជា​រឿង​ដើម្បី​រំ​លឹក​អោយ​មនុស្ស​មាន​ការ​ប្រុង​ប្រយ័ត្ន​ ហេតុ​នេះ​ហើយ​ទៅ​សមុទ្រ​ក្នុង​រដូវ​នេះ​អ្នក​គួរ​តែ​មាន​ការប្រុង​ប្រយ័ត្ន​។

រូបភាព : https://kankiten.com/obon/

ក្រៅ​ពី​នេះ​ចំ​នុច​មួយ​ទៀត​ដែល​ត្រូវ​តម​នៅ​ជប៉ុន​ក្នុង​ពិធី​បុណ្យ​ Obon “ហាម​មិន​អោយ​សម្លាប់​សត្វ”។

ទោះ​បី​ជា​ទំ​នេរ​ក៍​មិន​អាច​​ទៅ​ស្ទួច​ត្រី​បាន​ដែរ យក​កន្រ្ទៃ​ទៅ​កាត់​ស្មៅ​ ធ្វើ​សួន​ ប្រើ​ថ្នាំ​សម្លាប់​សត្វ​ល្អិត​… មិន​ចាំ​បាច់​តម​សាច់​ត្រី​អោយ​តែ​កុំ​សម្លាប់​វា​ដោយ​ផ្ទាល់​ដៃ​។

ពី​ព្រោះ​តាម​ព្រះ​ពុទ្ធិសាសនា​ Obon គឺ​ជា​ថ្ងៃ​ដែល​ព្រះ​ពុទ្ធ​សង្គ្រោះ​សត្វ​លោក​ ជួយ​អោយ​អ្នក​ដែល​ក្រី​ក្រ​រួច​ផុត​ពីការ​អត់​ឃ្លានក្រី​ក្រ ស្លាប់។ ហេតុ​​នេះគ្រួ​សារ​មួយ​ចំ​នួន​ជឿ​ថា​មិន​សម្លាប់​សត្វ​នៅ​ក្នុង​ថ្ងៃ​នេះនឹង​ជៀស​វាង​អន្តរាយ​នៅ​ថ្ងៃ​ក្រោយ។

ទោះ​បី​ជា​ជាង​ពាក់​កណ្តាលនៃ​ប្រជាជន​ជប៉ុន​មិន​តាម​សាសនា​ណា​មួយ​ប៉ុន្តែ​ជាពិសេស​នៅ​ក្នុង​ថ្ងៃ​ចូល​ឆ្នាំ​ និង Obon នេះការ​គោរព​សាសនា​មាន​ច្រើន​ណាស់។

តើ​នៅ​កម្ពុជា​មាន​ថ្ងៃ​ណា​ដែល​ស្រដៀង​ដូច​ជា​ Obon ជប៉ុន​ទេ?

Kengo Abe