មនុស្សភាគច្រើនធ្វើខុសតាំងពីជំហានដំបូងពេលដែលញ៉ាំមុខម្ហូបជប៉ុន

ថ្ងៃអាទិត្យ 26/08/2018 | 10:17 ព្រឹក

នៅក្នុងទីក្រុងមួយចំនួន ឬនៅកន្លែងទីប្រជុំ អ្នកអាចរកឃើញនូវហាងលក់មុខម្ហូបជប៉ុនដោយមិនមានភាពលំបាកដូចកាលពីមុនទេ។ ពិតជាមានជម្រើសច្រើនសម្រាប់អ្នកទាំងអស់គ្នា តាំងពីម្ហូបដែលសាមញ្ញ រហូតដល់មុខម្ហូបដែលពិបាករក មានដូចជា Sushi, Ramen, Okonomiyaki…

ប៉ុន្តែនៅក្នុងវប្បធម៌ញ៉ាំមុខម្ហូបអាហាររបស់ជនជាតិជប៉ុន បែរជាមាននូវរបៀបញ៉ាំ អោយតែខុសគឺត្រូវគេវាយតម្លៃ។ ប៉ុន្តែប្រសិនបើជាជនជាតិបរទេសទៅញ៉ាំមុខម្ហូបជប៉ុន ទោះបីជាខុសក៏ជនជាតិជប៉ុនងាយស្រួលនឹងលើកលែង ពីព្រោះតែអ្នកគ្រាន់តែជាជនជាតិបរទេសម្នាក់តែប៉ុណ្ណោះ។ ភាពដែលមិនយល់ច្បាស់ពីវប្បធម៌ប្រពៃណីរបស់ជនជាតិជប៉ុនគឺជារឿងធម្មតាងាយយល់។

ប៉ុន្តែបើអ្នកជាអ្នកចូលចិត្តវប្បធម៌ប្រទេសជប៉ុន តើអ្នកអាចទទួលយកខ្លួនឯងជាជនជាតិបរទេសដែលខ្វះការយល់ដឹង ហេតុនេះអ្នកអាចបន្ថែមនូវចំណេះដឹងភ្លាមបាន។

ខុសនូវចំណុចមូលដ្ឋាន – ខុស… របៀបកាន់ចង្កឹះ

ខ្ញុំធ្លាប់ស្តាប់ជនជាតិជប៉ុនជាច្រើនបាននិយាយថា “មនុស្សមួយចំនួនកាន់ចង្កឹះប្លែកណាស់”…

រហូតដល់ប្រទេសដែលមានវប្បធម៌កាន់ចង្កឹះតាំងពីយូរមកហើយ។ ប៉ុន្តែអ្វីទាំងនេះវាមិនមែនប្រាកដ ១០០% ថាប្រទេសដែលធ្លាប់មានវប្បធម៌កាន់ចង្កឹះសុទ្ធតែកាន់ត្រូវទាំងអស់នោះទេ។

ហេតុនេះដើម្បីដឹងពីរបៀបញ៉ាំមុនពេលចូលញ៉ាំមុខម្ហូបជប៉ុន សូមមើលការកាន់ចង្កឹះរបស់អ្នកត្រឹមត្រូវ “តាមរបៀប” ដែរឬទេ?

ជំហានទី ១៖ កាន់ចង្កឹះមួយដូចជាកាន់ខ្មៅដៃ

ជំហានទី ២៖ ផ្លាស់ប្តូរចង្កឹះដោយបញ្ជរឡើងចុះដូចជាកំពុង សរសេរ Kanji “Ichi” តាមទិសបញ្ឈរ។

ជំហានទី ៣៖ ដាក់ចង្កឹះមួយទៀតទៅកណ្តាលម្រាមដៃចង្អុល ធ្វើយ៉ាងណាអោយស្ថិតនៅខាងក្រោមចង្កឹះដំបូង។

ជំហានទី ៤៖ រក្សាអោយនឹងចង្កឹះខាងក្រោម ហើយបន្តផ្លាស់ទីចង្កឹះខាងលើតាមទិសបញ្ឈរ។

វិធីកាន់ចង្កឹះដែលត្រូវគឺអាចធ្វើតាមជំហានខាងលើ រក្សាអោយចង្កឹះខាងក្រោមនៅស្ងៀម ហើយអាចផ្លាស់ទីបានចង្កឹះខាងលើ។

រូបភាព : http://pref.hokkaido.lg.jp

ជៀសវាងរបៀបកាន់ចង្កឹះទាំង ៤ខាងក្រោម ពីព្រោះមិនត្រឹមតែធ្វើអោយពិបាកសម្រាប់ការចាប់ម្ហូប ហើយថែមទាំងបាត់បង់ពិន្ទុនៅចំពោះមុខអ្នកផ្សេង (ជាពិសេសជនជាតិជប៉ុន) ទៀត។

រូបភាព : ivedoor Blog

ករណីទី ១៖ សង្កត់ម្រាមកណ្តាល និងដៃនាងលើចង្កឹះខាងលើ ចំណែកឯម្រាមចង្អុលគឺមិនចាំបាច់ធ្វើអ្វីទេ។

រូបភាព : ivedoor Blog

ករណីទី ២៖ គ្រាន់តែដាក់អោយម្រាមចង្អុលសង្កត់ចុះ មិនផ្អែកចង្កឹះទៅនឹងម្រាមកណ្តាល។ ករណីនេះម្រាមដៃនឹងមិន មានកម្លាំងលើកចង្កឹះឡើង។

រូបភាព : ivedoor Blog

ករណីទី ៣៖ ដោយសារប្រើតែម្រាមចង្អុល និងម្រាមដៃនាង ហើយចង្កឹះត្រូវខ្វែងមិនអាចចាប់ម្ហូបបាន។

រូបភាព : ivedoor Blog

ករណីទី ៤៖ កាន់ចង្កឹះទាំងប្រាំម្រាម។

យ៉ាងណាដែរ របៀបកាន់ចង្កឹះរបស់អ្នកដូចទៅនឹងរូបណា ខាងលើនេះ? ប្រសិនបើស្ថិតនៅក្នុងស្ថានភាពទាំងបួននោះគួរតែ កែប្រែតាមជំហានទាំង ៤ខាងលើណា។

បន្តមកទៀត Japo នឹងបន្ថែមអោយអ្នកនូវរបៀបញ៉ាំដែលត្រូវ ជៀសវាងពេលដែលញ៉ាំ Washoku ជាមួយនឹងជនជាតិជប៉ុន។

១. មិនត្រូវខាំមួយមាត់ហើយដាក់ចុះចានម្ហូបរួម

ពេលដែលញ៉ាំមុខម្ហូបជប៉ុន ម្នាក់ៗនឹងមានចានមួយ និងចានទាបមួយផ្សេងគ្នាហេតុនេះគួរតែចាប់ម្ហូបដាក់ក្នុងចានរបស់អ្នក កុំចាប់ម្ហូបក្នុងចានរួមហើយដាក់ចូលមាត់ភ្លាម។ ករណីដែលខាំមួយមាត់ហើយដាក់ចូលចានរួម “មិនល្អ” ដោយសារតែបញ្ហាអនាម័យ និងរូបរាងក្រៅ។

កត់សម្គាល់៖ ប្រើចង្កឹះកាត់ជាបន្ទះល្មមហូប ចាប់ម្ហូប ហើយញ៉ាំម្តងអោយអស់។ អ្នកអាចមើលម្ហូបមុនពេលដាក់ចង្កឹះ ចូលក្នុងចាន។

២. មិនដាក់សំបកងៀវនៅលើគំរបឆ្នាំងស៊ុប Miso

ស៊ុប Miso មានធាតុផ្សំជាច្រើនដែលញ៉ាំជាមួយ ក្នុងចំណោមនោះគឺមានងៀវ (Asari) ពេលដែលចម្អិន ចុងភៅនឹងដាក់ទាំងសំបកង៉ាវចូល ហេតុនេះអ្នកនឹងញ៉ាំសាច់ ហើយបោះចោលសំបក ប៉ុន្តែចោលនៅទីណាទើបវាសំខាន់។ កុំចោលសំបកក្នុងកម្របចាននឹងធ្វើអោយបាត់បង់សោភ័ណ្ឌភាព។

កត់សម្គាល់៖ សូមដាក់សំបកនៅក្នុងចានស៊ុបរបស់អ្នក បន្ទាប់មកញ៉ាំស៊ុបអោយអស់ ហើយបន្សល់ទុកសំបកក្នុងចាន។

៣. មិនត្រូវលើកចានបាយឡើងពេលដែលដៃកំពុងកាន់ចង្កឹះ

កត់សម្គាល់៖ សូមដាក់មុខចង្កឹះចុះមុន ហើយប្រើដៃទាំងពីរលើកចានឡើង កាន់ចាននៅដៃមិនស្រប បន្ទាប់មកយកដៃដែលស្របកាន់ចង្កឹះ។

៤. មិនត្រូវបញ្ឈរចង្កឹះនៅលើចាន/តុពេលដែលចង្កឹះផ្អៀង

កត់សម្គាល់៖ ទោះបីជាយ៉ាងណា ប៉ុន្តែត្រូវដាក់ចង្កឹះដែលវែង ជាបណ្តើរៗអោយស្មើទៅនឹងចង្កឹះដែលខ្លីដើម្បីអោយវាស្មើគ្នា។

៥. មិនត្រូវដាក់ចង្កឹះផ្អែកលើចាន

កត់សម្គាល់៖ កន្លែងដែលដាក់ចង្កឹះ ពេលដែលអ្នកញ៉ាំមុខ ម្ហូបជប៉ុនគួរតែប្រើវា។ ប្រសិនបើមិនមានស្រាប់ អ្នកអាចប្រើក្រដាសបត់ជារាងត្រីកោណហើយដាក់ចង្កឹះពីលើ។

៦. មិនត្រូវប្រើដៃទ្រអាហារ

មើលទៅដូចជាគួរអោយស្រលាញ់ប៉ុន្តែខុសហើយ។

កត់សម្គាល់៖ សូមប្រើនូវក្រដាសជូតមាត់ដែលបានយកតាម ឬក៏សួរបុគ្គលិកនៅទីនោះ។ ដៃម្ខាងចាប់ម្ហូបដាក់ចូលមាត់ ដៃម្ខាងទៀតកាន់ក្រដាសនៅមុខដើមទ្រូងដើម្បីទ្រមុខម្ហូបដែលជ្រុះ។

ប្រភព : FB Mirai

Chee