ហេតុ​អ្វី​ជន​ជាតិ​ជប៉ុនមាន​ថ្ងៃ​មួយ​​សម្រាប់​បរិភោគ​អន្ទង់?

បន្ទះ​អន្ទង់​អាំង​ក្តៅ​ហ៊ុយ​រលង​ឡើង​ព័ណ៌​ទឹក​សុី​អីវ​ញ៉ាំ​ជាមួយ​បាយ​ឬក៍ Sushi បាយ​ដែល​គេ​មូល​ដុំ​តែ​ង​តែ​ជា​មុខ​ម្ហូប​ដែល​មិន​អាច​ខ្វះ​ បាននៅ​ក្នុង​ថ្ងៃដែល​ក្តៅ​បំ​ផុត​នៅ​ប្រទេស​ជប៉ុន​។​

Unagi នៅ​ក្នុង​ភាសា​ជប៉ុន​មាន​ន័យ​ថា​អន្ទង់​ វា​កើត​នៅ​សមុទ្រ បន្ទាប់​មក​ទៅ​រស់​នៅ​ក្នុង​ទន្លេ​ ទឹក​ធ្លាក់ ​វាល​ភក់ និង​ប្រឡាយ​។ តំ​បន់​កោះ​ជា​ច្រើន​នៅប្រទេស​​ជប៉ុន​ល្បី​ឈ្មោះ​ជាមួយអន្ទង់​​​ Unagi និង​ក្លាយ​ទៅ​ជា​តំ​បន់​ផលិត​អន្ទង់​ល្បី​ឈ្មោះ​។ ជនជាតិ​ជប៉ុន​ញ៉ាំ​អន្ទង់​ ជា​រៀង​រាល់​ឆ្នាំ​ប៉ុន្តែ​ពេល​វេលា​ដែល​​អន្ទង់​​ឆ្ងាញ់ និង​ត្រូវ​បាន​លក់​ដាច់ បំផុត​គឺ​រដូវ​ក្តៅ​ភាគ​ច្រើន​នៅ​តាម​បន្ត​ទី​ក្រុង​ធំៗ។

អន្ទង់​គឺ​ជា​មុខ​ម្ហូប​ដែល​ត្រូវ​បាន​រក​ឃើញ​ហើយ​​ចៃ​ដន្យ​ពេញ​និយម​នៅ​ក្នុង​សម័យ​កាល​ Edo (1603 – 1868)។ ម្ចាស់​ហាង​អន្ទង​់​ម្នាក់កំពុង​តែ​ធ្វើ​មុខ​ម្ហូប​បាន​ដើរ​ចុះ​សូម​យោបល់​ពី​អ្នក​វិទ្យា​សាស្រ្ត​ដ៍​អស្ចារ្យ​ Hiraga Gennai (1728 – 1780)។ Gennai បាន​និយាយ​ថា​ការ​ញ៉ាំ​មុខម្ហូប​ដែល​មាន​អក្សរ​ “U” នៅ​ក្នុង​ថ្ងៃ Doyo ushi no hi (តាម​ជំនឿ​របស់​ជន​ជាតិ​ជប៉ុន​គឺ​ជា​ថ្ងៃ​ដែល​ក្តៅ​បំ​ផុត​នៅ​ក្នុង​ឆ្នាំ​) អាច​ប្រឆាំង​ទៅ​នឹង​ភាព​ក្តៅ​បំ​ផុត​នៃ​រដូវ​ក្តៅ​។ គាត់​បាន​ផ្តល់​យោបល់​ អោយ​​ម្ចាស់​ហាង​បិទ​ពាក្យ​មួយ​ “ថ្ងៃ​នេះ​គឺ​ជា​ថ្ងៃ Doyo no hi”​ នៅ​មុខ​ហាង​។

ក្រោយ​មក​សកម្ម​ភាព​លក់​នៅ​ក្នុង​ហាង​បែរ​ជា​លក់​ដាច់​ជាង​មុន​ ហើយ​​មាន​ការរីក​ចម្រើនជាងពី​មុន​។ កេរ្តិ៍​ឈ្មោះ​របស់​ពួក​គេ​បាន​ផ្សព្វ​ ផ្សាយ​គ្រប់​កន្លែង​ធ្វើ​អោយ​ហាង​ផ្សេង​ក៍​យកតម្រាប់​តាម​។ ទម្លាប់​ញ៉ាំ​អន្ទង់​ក្នុង​ថ្ងៃ​ “Doyo no hi”​ ជា​រៀង​រាល់​ឆ្នាំ​ចាប់​តាំង​ពី​ពេល​នោះ​មក។

រូប​ភាព : http://asahiimports.com/2014/07/10/doyo-no-ushi-no-hi-unagi-day/

តាម​ពិ​ត​អន្ទង់​គឺ​ជា​មុខ​ម្ហូប​ដែល​ល្អ​សម្រាប់​សុខ​ភាព​ ជួយ​អោយមនុស្ស​ចង់​ញ៉ាំ​ម្ហូប​អាហារ​នៅ​ក្នុង​រដូវ​ក្តៅ​ហួត​ហែង​នេះ​។ បន្ទាប់​មក​អ្នក​វិទ្យាសាស្រ្ត​បាន​រក​ឃើញ​នូវ​សារធាតុ​ដែល​ជំ​នួយ​ដល់​កម្លាំង​ដូច​ជា protein, vitamin A, B1, B2, D, E នៅ​ក្នុង​អន្ទង់​ហេតុ​នេះ​មុខ​ម្ហូប​នេះ​បាន​ក្លាយ​ទៅ​ជា​មុខ​ម្ហូប​ដែល​មិន​អាច​ខ្វះ​បាន​ក្នុង​រដូវ​ក្តៅ​នៅ​ប្រទេស​ជប៉ុន​។

តាម​រយៈ​រឿង​ព្រេង​និ​ទាន​របស់​ជប៉ុន​ប្រសិ​ន​បើ​អ្នក​ញ៉ាំ​អន្ទង់​នៅ​ក្នុង​ថ្ងៃ​ “Doyo no hi”​ អ្នក​នឹង​មាន​សុខ​ភាព​ល្អ​ មាន​ភាព​រឹង​មាំ​ជាង​មុន​ក្នុង​មួយ​ឆ្នាំ​។ ដោយ​សារ​មូល​ហេតុ​នេះ​ជន​ជាតិ​ជប៉ុន​ទុក​មួយ​ថ្ងៃ​នៅ​រដូវ​ក្តៅ​ដើម្បី​ញ៉ាំ​អន្ទង់​ហើយ​ថ្ងៃ​នោះ​គេ​ហៅថា​ “Doyo ushi no hi”​ (ពិធី​បុណ្យ​ញ៉ាំ​អន្ទង់​)។ ពេល​វេលា​នេះ​ជា​រៀង​រាល់​ឆ្នាំ​ជន​ជាតិ​ជប៉ុន​នាំ​គ្នា​ទៅ​ភោជនីយ​ដ្ឋាន​ ហាង​លក់​ម្ហូប​អាហារ​នៅ​ក្នុង Tokyo, Osaka, Kyoto ដើម្បី​ទិញ​អន្ទង់​មុន​ពេល​ដែល​អស់​ទំ​និញ​។ តាម​ឆ្នាំ​នីមួយៗ​ដែល​ អាច​មាន​មួយថ្ងៃ​ ឬ​ពីរ​ថ្ងៃ​ Doyo ushi no hi នៅ​ក្នុង​មួយ​ឆ្នាំ។ ឆ្នាំ​នេះ​ពិធី​បុណ្យ​ញ៉ាំ​អន្ទង់​ស្ថិត​ក្នុង​ថ្ងៃ​ 20/7 និង 1/8។

នៅ​ប្រទេស​ជប៉ុន​មុខ​ម្ហូប​ដែល​ធ្វើ​ពី​អន្ទង់​ពិត​ជា​ពេញ​និយម​ និង​ត្រូវ​បាន​ចូល​ចិត្ត​បំ​ផុត​នៅ​ kabayaki (អន្ទង់​អាំង​)។ អន្ទង់​ត្រូវ​បាន​ធ្វើ​អោយ​ស្អាត​ កាត់​ជា​ពីរហើយ​យក​ឆ្អឹង​ចេញ​ ដោត​ចង្កាក់​ និង​ប្រលាក់​ទឹក​សុី​អីវ​ផ្អែម​បន្ទាប់​មក​គឺ​អាំង​។ ជាមួយ​នឹង​ការ​ធ្វើ​មុខ​ម្ហូប​បែប​នេះ​ខ្លាញ់របស់​អន្ទង់​នឹង​រលាយ​បាត់ប៉ុន្តែ​សាច់​ខាងក្នុង​នៅ​តែ​ឆ្ងាញ់ចំណែក​ស្បែក​ខាង​ក្រៅ​ស្រួយ​ឆ្ងាញ់។ បន្ទាប់​ពី​អាំង​ហើយ​បន្ទាប់​មក​គឺ​ដក​ចង្កាក់​ឈើ​អាំង​ចេញ​ពី​សាច់​អន្ទង់​ហើយ​ដាក់​នៅ​លើ​ចាន​បាយ​ ប្រអប់​បាយ​ដូច​ជា bento ជាមួយ​នឹង​បន្លែ​ជ្រក់​ផ្សេង​ទៀត​ និង​សម្លឬ​ក៍​ Sushi បាយ​មូល​ជា​ដុំ។

ប្រសិន​បើ​ធ្វើ​ដំ​ណើរ​កំ​សាន្ត​ទៅ​ដល់ Tokyo នៅ​រដូវ​ក្តៅ​ហើយ​ចង់​ញ៉ាំ​នូវ​មុខ​ម្ហូប​ពិសេស​ក្នុង​រដូវ​ក្តៅ​នេះរបស់​ជន​ជាតិ​ជប៉ុន​សូម​មក​ភោជនី​យដ្ឋាន​ Nodaiwa, ឬ Mahoroba និង Goshiki ដោយ​សារ​នេះ​ជា​អាស័យ​ដ្ឋា​ន​ដែល​លក់​អន្ទង់​ឆ្ងាញ់​ជាង​គេ។

អន្ទង់​អាំង​បែប​ផ្សេង​ទៀត​គឺ shiroyaki នៅ​តែ​អាំង​ប៉ុន្តែ​មិន​ប្រលាក់គ្រឿង​អ្វី​ទាំង​អស់។ ពេល​ដែល​អាំង​ឆ្អិនសាច់​អន្ទង់​ហើយ​អាច​រៀប​ចេញ​ញ៉ាំ​តែ​ម្តង​ជាមួយ​ wasabi ឬ​ក៍​ទឹក​សុី​អីវ​ជប៉ុន​។

នៅ​ក្នុង​រដូវ​ក្តៅ​ជា​ពេល​វេ​លា​ដែល​ហាង​លក់​អន្ទង់​លក់​ដាច់​ និង​មាន​អតិថិជន​ច្រើន​បំ​ផុត​ដោយ​សារ​តែ​នៅ​ក្នុង​ចង្រ្កាន​របស់​ពួក​គេ​តែង​តែ​មាន​សាច់​អន្ទង់​ធំ​ជា​មួ​យ​នឹង​គ្រឿង​សមុទ្រ​ស្រស់ ចំ​ណែក​ឯហាង​លក់​ស្រា​ Izakaya ក៍​រក្សា​ទុក​ធុង​អន្ទង់​រស់​ដើម្បី​ធ្វើ​អោយ​ភ្ញៀវ​ញ៉ាំ​។ ​ពេល​ដែល​អ្នក​ហៅ​ម្ហូប​ញ៉ាំ​ ពួក​គេ​អាច​ចាប់​ផ្តើម​ធ្វើ​ម្ហូម​ និង​អាំង​សាច់​អន្ទង់​នៅ​ពី​មុខ​ភ្ញៀវ​

តាម​រស​ជាតិ​ Chi/VNexpress

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: