ទំព័រដើម
វប្បធម៌
ប្រពៃណី
ព្រំដែននៃការទំនាក់ទំនងរបស់ជនជាតិជប៉ុន

ព្រំដែននៃការទំនាក់ទំនងរបស់ជនជាតិជប៉ុន

ថ្ងៃអង្គារ 10/07/2018 | 9:55 ព្រឹក

នៅក្នុងវប្បធម៌ជប៉ុន ជាពិសេសគឺពេលធ្វើការ ជនជាតិជប៉ុន តែងតែសង្កត់ធ្ងន់លើភាពប្រុងប្រយ័ត្ន។ នោះគឺជាទំនៀមទំលាប់ (Kejime) យើងអាចយល់យ៉ាងស្រួលថា “អ្វីគ្រប់យ៉ាងសុទ្ធតែមានព្រំដែនរបស់វាច្បាស់លាស់” ។

ប្រសិនបើអ្នកចង់ធ្វើការនៅក្នុងក្រុមហ៊ុនជប៉ុន និងទំនាក់ទំនង ល្អជាមួយអតិថិជនជប៉ុននេះហើយជាប្រធានបទដែលអ្នកមិនគួររំលងចោលទេ!

(Kejime) ជាអ្វី?

ប្រសិនបើស្វែងរកន័យរបស់ (Kejime) ក្នុងវចនានុក្រមជប៉ុន អ្នកនិងឃើញការបកស្រាយន័យនេះមានពីរ។ ទីមួយគឺ “ភាពខុស គ្នា” រវាងរឿងមួយទៅនិងរឿងមួយទៀត រវាងឆ្វេងស្តាំ ខុសត្រូវ។ ក្នុងន័យមួយទៀតគឺអរូបី នោះគឺជាអាកប្បកិរិយា សកម្មភាពរបស់យើង ធ្វើតាមសីលធម៌ ឬការកំណត់របស់សង្គម ។

រូបភាពបន្ថែម Pixapay

ជនជាតិជប៉ុនមានគំនិតថាចាំបាច់ត្រូវតែមាន (Koshi no Kejime o tsukeru) ពាក្យនេះមានន័យថា “ភាពមិនលម្អៀង” ត្រូវចេះបែងចែកច្បាស់លាស់រវាងរឿងរួម និងបុគ្គល។

ក្នុងទំនាក់ទំនងសង្គមក៏ត្រូវតែអនុវត្តតាមការកំណត់ដូចគ្នា។ ឧទាហរណ៍នៅក្នុងទំនាក់ទំនងរវាងឪពុកម្តាយនិងកូនគឺ (Oyako no ma ni mo kejime ga hitsuyoda) មានន័យថា ព្រំដែនរវាងឪពុកម្តាយ និងកូនគឺវាសំខាន់។

(Kejime) ក្នុងវប្បធម៌សង្គម

ជាមួយនិងគំនិត (Kejime) នៅក្នុងវប្បធម៌ជប៉ុន ជនជាតិជប៉ុន តែងតែអនុវត្តតាមច្បាប់ ឥរិយាបថរួមរបស់សង្គមជប៉ុន ។

រូបភាពបន្ថែម Generation

ប្រសិនបើមានការចាប់អារម្មណ៍ អ្នកនឹងសង្កេតឃើញឥរិយាបថ ទំលាប់ការគិតរបស់ជនជាតិជប៉ុនសុទ្ធតែមានទំនាក់ទំនងជាមួយគ្នា។ ឧទាហរណ៍ជាមួយនិងគំនិត (Kejime) ជនជាតិជប៉ុនតែងតែសំដែងនូវអាកប្បកិរិយាមានព្រំដែនរក្សាគំលាតជាមួយនិងអ្នកដ៏ទៃ។

ហេតុនេះពិតជាពិបាកនិងដឹងថាជនជាតិជប៉ុនគិតពីអ្វី។ នាំអោយការនិយាយមានភាពវែងឆ្ងាយមិនអាចចូលទៅចំគំនិតសំខាន់ហើយវាងធ្វើអោយមានការយល់ច្រឡំដល់អ្នកស្តាប់។ ឬគ្រាន់តែនិយាយស្ទាក់ស្ទើរដោយមិននិយាយអោយអស់ន័យទុកអោយភាគីយល់ដោយខ្លួនឯង ។

រូបភាពបន្ថែម Wow

សង្គម និងវប្បធម៌ជប៉ុនមានបទដ្ឋានសីលធម៌ជាច្រើន ការសម្តែងសុជីវធម៌ ការទំនាក់ទំនងជាមួយគ្នា។ ហេតុដូចនេះទៅតាមដំណាក់កាលក៏អាចមាន “ភាពមិនលម្អៀង” ពួកគេរៀនអំពីការចេះបោះបង់ការគិតរបស់ខ្លួនដើម្បីមើលឃើញភាពល្អជាងមុន។ ដូច្នេះធ្វើអោយជនជាតិជប៉ុនងាយស្រួលត្រូវ “អ្នកផ្សេង” វាយតម្លៃថា “មុខពីរ” មុខមួយគឺ (Honne ទឹកមុខដែលមិនសូវសម្តែង) និងមួយទៀតគឺ (Tatemae ទឹកមុខដែលសម្រាប់ទៅធ្វើការនៅក្នុងសង្គម)។

(Kejime) នៅក្នុងការងារ

នៅក្នុងការងារពួកគេមិនអោយអារម្មណ៍ផ្ទាល់ខ្លួនរំខានទេ។ និង ផ្ទុយមកវិញក្រៅពីការងារជនជាតិជប៉ុនអាចនិងលេងអោយអស់ពីចិត្ត សប្បាយរសរាយនិងបើកចិត្តមិនចាញ់នរណាឡើយ។ ការងារណាចូល ការងារនោះច្បាស់លាស់។

រូបភាពបន្ថែម Passenger6A

ជនជាតិជប៉ុន តែងតែរក្សានូវភាពមឺុងម៉ាត់ក្នុងការងារ។ ទោះបីជាមនុស្សស្គាល់គ្នា ជិតស្និទ្ធពេលដែលធ្វើការជាមួយគ្នាពួកគេក៏មានការគោរពគ្នាទៅវិញ ទៅមក ធ្វើការដោយភាពប្រុងប្រយ័ត្ន និងច្បាស់លាស់។

រូបភាពបន្ថែម Japantimes

“អ្នកទាំងអស់គ្នាពិតជាមានភាពនឿយហាត់គ្រប់យ៉ាងគឺល្អណាស់។ គ្រាន់តែមានកន្លែងខ្លះដែលខ្ញុំគិតថាបើកែបន្តិចវានឹងល្អជាង”។

ក្នុងករណីនេះមនុស្សជាច្រើនយល់ថាការងារទាំងអស់បាន សម្រេចដោយជោគជ័យហើយគ្រាន់តែធ្វើការកែប្រែចំណុចខ្លះ នោះនឹងប្រសើរហើយ។ ប៉ុន្តែក្រោយមកស្រាប់តែទទួលបាន file មួយ ដែលមានច្រើនទំព័រនិយាយពីអ្វីដែលត្រូវកែប្រែ។ លោកអើយ ដូចនេះតើអ្នកណាមិនមានភាពភ្ញាក់ផ្អើរទៅ?

បទពិសោធន៍ទំនាក់ទំនងជាមួយជនជាតិជប៉ុន

ត្រូវកម្រិត៖ “ដៃគូ” ធ្វើការនៅក្នុងវប្បធម៌ការងាររបស់ជនជាតិជប៉ុនជាមនុស្សស្ថិតក្នុង “រង្វង់ខាងក្រៅ”។ នៅក្នុងការងារពួកគេទំនាក់ទំនងគ្នាមិនមែនផ្តោតទៅលើសេចក្តីស្រលាញ់ទេ។ ដូចនេះជនជាតិជប៉ុន តែងតែរក្សានូវសុជីវធម៌ មិនចង់អោយអ្នកណាពិបាកចិត្តឡើយ។ ក្នុងជីវភាពរស់នៅនិងក្នុងការងារ។
ភាពជំនាញ៖ នៅពេលដែលអ្នកធ្វើការជាមួយអតិថិជនជប៉ុនសូមកុំគិតអ្វី ហើយធ្វើនោះ។ សូមយល់អំពីវប្បធម៌របស់ពួកគេ និងអនុវត្តតាមកម្រិតដែលពួកគេចង់បាន។ សូមរក្សានូវទឹកមុខរស់រាយ និយាយ ដោយភាពរីករាយហើយសំខាន់នោះគឺអាកិប្បកិរិយា។ អ្នកមិនគួរបង្ហាញពីអារម្មណ៍របស់ខ្លួនផ្ទាល់ពេលដែលធ្វើការជាមួយជនជាតិជប៉ុន។ ជាពិសេសនៅពេលដែលមានការយល់ច្រឡំ ឬក៏ត្រូវការពិភាក្សាទាំងសងខាង។

រូបភាពបន្ថែម CW

ដឹងច្បាស់អំពីគោលបំណង៖ ធ្វើការជាមួយអតិថិជនជប៉ុនអ្នកត្រូវតែស្តាប់ដោយប្រុងប្រយ័ត្ននូវពាក្យសំដីរបស់ពួកគេ។ ពួកគេនិងនិយាយវិលជុំរឿងរ៉ាវជាច្រើន ហើយអ្នកត្រូវតែសរុបសេចក្តីឡើងវិញនូវអ្វីដែលពួកគេចង់និយាយ។ អ្នកនិងមិនអាចស្តាប់ផ្ទាល់ត្រជាក់ពីអ្វីដែលអតិថិជនជប៉ុនចង់បាននោះឡើយ។ ឬក៏ពាក្យ “កន្លែងនេះខុសហើយ” ពួកខ្ញុំចង់បានដូចនេះ។

ការគោរព
វប្បធម៌ “រក្សានូវមុខមាត់” របស់ជនជាតិជប៉ុនក៏ស្រដៀងគ្នាទៅ និងបណ្តាប្រទេសមួយចំនួន។ រាល់ការជួបជាមួយភាគីដៃគូពួកគេតែងតែផ្តោតទៅលើ “មុខមាត់” សម្រាប់ភាគី។

រូបភាពបន្ថែម NewBranch

សូម្បីតែរឿងនោះវាផ្ទុយទៅនិងអ្វីដែលពួកគេជឿថាត្រូវប៉ុន្តែពួកគេក៏មិនបដិសេធដោយផ្ទាល់ធ្វើអោយភាគីពិបាកទ្រាំ។ នេះគឺជាវិធី ដែលរក្សានូវទំនាក់ទំនងល្អ។

ទាំងអស់នេះវាហាក់ដូចជាផ្ទុយពីប្រទេសភាគខាងលិច។ វប្បធម៌ភាគខាងលិចលើកទឹកចិត្តអោយយើងគួរតែពិភាក្សាគ្នា។ ពួក គេជឿថា “ការពិភាក្សាទល់មុខគ្នា” គឺជាវិធីដែលល្អបំផុតដើម្បីរកអំពី មូលហេតុក៏ដូចជាកែប្រែបាន។

តើគួរតែរៀនតាម និងអនុវត្តតាមទេ (Kejime) ?

ជាដំបូងពួកយើងគួរតែរៀនសូត្រតាមទឹកចិត្តុមឺុងម៉ាត់របស់ពួកគេ។ ពួកយើងគួរតែរៀនសូត្រតាមជនជាតិជប៉ុនក្នុងការទំនាក់ទំនង ត្រូវមានការគោរពគ្នាទៅវិញទៅមក។ ចាប់ពីពេលនោះពួកយើងអាចបង្ហាញភាពជឿជាក់គ្នាទៅវិញទៅមកក្នុង Team Work។

រូបភាពបន្ថែម Pulpiciak

លើសពីនេះទៅទៀត (kejime) ក៏ជួយអោយកាត់បន្ថយភាពយល់ច្រឡំរវាងភាគីបុគ្គលជាមួយនិងក្រុម។ ឬក៏លុបបំបាត់ភាពចុះអន់ខ្សោយនៅក្នុងការងារ។ ជាពិសេសរវាងសមាជិកដែលធ្វើការជាមួយគ្នាយូរឆ្នាំ។

ទោះជាយ៉ាងណាក៏ដោយអ្វីក៏វាមានផ្នែកល្អ និងផ្នែកអាក្រក់ដែរ។ ភ្ជាប់ជាមួយអារម្មណ៍ (kejime) យ៉ាងខ្លាំងអាចធ្វើអោយអ្នកលាក់បាំងនូវអារម្មណ៍របស់ខ្លួន។ ប្រាកដជាពួកយើងមិនអាចរក្សាអារម្មណ៍របស់ខ្លួនដូចជនជាតិជប៉ុនទេ។

ហេតុដូចនេះសូមរៀនអំពីវិធីការបោះបង់ភាពតានតឹងធ្វើអោយមានតុល្យភាពជាមួយភាពមឺុងម៉ាត់និងចេះអាធ្យាស្រ័យ។