Hot Trend កន្លែងសម្រាប់កម្មវិធីរៀបការ កូនកំលោះបោះផ្កាស្ពៃអោយកូនកំដរប្រុស

ថ្ងៃអង្គារ 10/07/2018 | 9:24 ព្រឹក

ការរៀបអាពាហ៍ពិពាហ៍នាពេលបច្ចុប្បន្ននៅអាសុីនិយាយរួម និងនៅជប៉ុន ក្រៅពីទំនៀមទំលាប់ និងសម្លៀកបំពាក់ប្រពៃណីនៅមានទំនៀមទំលាប់ផ្សេងទៀត និងមានសម្លៀកបំពាក់រៀបអាពាហ៍ពិពាហ៍តាមបែបអឺរ៉ុប។ ថែមទាំងមានទំនៀមទំលាប់មួយទៀតគឺ ការបោះផ្កាក្នុងថ្ងៃរៀបការ។

នេះគឺជាសកម្មភាពរបស់កូនក្រមុំបោះសម្រាប់មិត្តភកិ្តរបស់នាង ក្រោយពីកម្មវិធីរៀបការត្រូវបានបញ្ចប់។ ពួកគេជឿថាអ្នកណាទទួលបានបាច់ផ្ការបស់កូនក្រមុំមានន័យថានិងទទួលបានសំណាងហើយឆាប់បានរកឃើញស្នេហាពិតរបស់ខ្លួនដោយក្លាយទៅជាកូនក្រមុំក្នុងថ្ងៃឆាប់ៗខាងមុខ ។

រូបភាព https://river-suite.jp/blog/2017/02/16/broccolitoss/

តាមធម្មតាកូនក្រមុំនិងបោះបាច់ផ្កាសម្រាប់តែមិត្តភក្តិស្រីរបស់នាងតែប៉ុណ្ណោះ ចំណែកឯមិត្តភកិ្តរបស់កូនកំលោះនិងមានកាដូរផ្សេងពីកូនកំលោះ។ ក្នុងពិធីរៀបអាពាហ៍ពិពាហ៍ធម្មតាគឺកូនក្រមុំនឹងប្រើផ្កាកុលាបធ្វើជាផ្ការបស់ខ្លួនក្នុងថ្ងៃរៀបការដោយសារតែផ្កាកុលាបតំណាងអោយសេចក្តីស្រលាញ់។

រូបភាព Phi Diep Wedding

ទោះបីជាខុសពីទំនៀមទំលាប់ដើម ក្នុងពេលថ្មីៗនេះគូរស្វាមីភរិយាថ្មីជប៉ុនកំពុងតែលេចឡើងនូវការឆ្នៃប្រឌិតថ្មីគឺប្រើប្រាស់ផ្កាខាត់ណាធ្វើជាផ្កាក្នុងថ្ងៃរៀបការរបស់ខ្លួន។ ពិសេសជាងនេះទៅទៀតអ្នកដែលបោះបាច់ផ្កាមិនមែនជាកូនក្រមុំទេប៉ុន្តែបែរជាកូនកំលោះទៅវិញ។

ដើម្បីបន្ថែមនូវភាពឧឡារិកគឺកូនកំលោះ និងបន្ថែម Mayonnaise ឬក៏ទឹកម្ទេះខាងក្នុងបាច់ផ្កាក្រៅពីគោលបំណងជូនពរអោយមិត្តរបស់ខ្លួនជួបនូវលាភសំណាងក្នុងរឿងស្នេហា និងឆាប់បានរៀបការគឺអាចនិងប្រើប្រាស់ក្នុងគោលបំណងផ្សេងទៀត។

រូបភាព : Kasumi – WorldPress.com

ប៉ុន្តែហេតុអ្វីបានជាគេជ្រើសរើសយកផ្កាខាត់ណា?

មនុស្សជាច្រើនសន្មត់ថាអាស្រ័យលើសមាសភាពហើយនិង ការរីកលូតលាស់នៃផ្កាខាត់ណាអាចអោយយើងដឹងពីមូលហេតុ ពេលវាកាន់តែធំនោះមែករបស់វាក៏កាន់តែធំ និងច្រើនជាងមុន។ មើលទៅហាក់ដូចជាក្រុមគ្រួសារមួយដែលពេញលេញមានកូនចៅច្រើន។

រូបភាព : fullyu.com

ពិតជាមានការឆ្នៃប្រឌិត និងមានអត្តន័យណាស់មែនទេ? ប៉ុន្តែ ដោយសារផ្កាខាត់ណាប្រើសម្រាប់ម្ហូបគឺត្រូវជាងការប្រើសម្រាប់តុបតែងដូចនេះអ្នកមិនគួរប្រើវាក្នុងពិធីដែលឧឡារិក និងមានភ្ញៀវដែលសំខាន់នោះទេ។ ប៉ុន្តែបើអ្នកចង់បានពិធីរៀបអាពាហ៍ពិពាហ៍ដែលមានភាពកំប្លែងក្នុងនោះ និងបរិយាកាសរីករាយ ហេតុអ្វីអ្នកមិនសាកល្បងប្រើផ្កាខាត់ណាដើម្បីបង្កើតបានភាពប្លែកជាមួយនិងអ្នកទាំង អស់គ្នា លើសពីនេះទៅទៀតអ្នកនិងមានរូបភាពអនុស្សាវរីយ៍ដែល គួរអោយចងចាំ ។